Post Office: వారెవ్వా.. నెలకు రూ.9,250 ఆదాయం.. ఈ అద్భుతమైన పోస్టాఫీస్ పథకం గురించి తెలుసా..?

పెరుగుతున్న ద్రవ్యోల్బణం, మారుతున్న ఆర్థిక పరిస్థితుల్లో చాలా మంది ప్రజలు పొదుపు పథకాల వైపు చూస్తున్నారు. సురక్షితమైన ఆదాయాన్ని కోరుకుంటున్నారు. ముఖ్యంగా రిటైర్‌మెంట్ అయినవారు, గృహిణులు, నెలవారీ స్థిర ఆదాయం కావాలనుకునే వారికి పోస్ట్ ఆఫీస్ నెలవారీ ఆదాయ పథకం ఒక అద్భుతమైన ఎంపికగా నిలుస్తోంది. భారత ప్రభుత్వం మద్దతుతో నడుస్తున్న ఈ పొదుపు పథకం.. పెట్టుబడిదారులకు 5 సంవత్సరాల పాటు స్థిరమైన నెలవారీ ఆదాయాన్ని అందిస్తుంది. ఈ పథకంలో ఒకసారి పెట్టుబడి పెడితే దానిపై వచ్చే వడ్డీ మొత్తాన్ని ప్రతి నెలా చెల్లిస్తారు. ఈ కారణంగానే అన్ని వర్గాల ప్రజలు ఈ పథకంలో పెట్టుబడి పెట్టడానికి ఆసక్తి చూపుతున్నారు.

గరిష్ట పెట్టుబడి పరిమితి ఎంత?

ఈ పోస్ట్ ఆఫీస్ పథకం ప్రధానంగా స్థిర ఆదాయంపై దృష్టి పెడుతుంది. ఈ పథకం కాలపరిమితి 5 సంవత్సరాలు. ఖాతా తెరవడానికి కనీసం రూ.1,000 పెట్టుబడి పెట్టాలి. సింగిల్ అకౌంట్‌లో గరిష్ఠంగా రూ.9లక్షలు, జాయింట్ అకౌంట్‌లో అయితే గరిష్టంగా రూ.15 లక్షల వరకు డిపాజిట్ చేయవచ్చు. పెట్టుబడి పెట్టిన 5 సంవత్సరాల పాటు వడ్డీ రేటు స్థిరంగా ఉంటుంది. వడ్డీని ప్రతి నెలా చెల్లిస్తారు. మెచ్యూరిటీ తర్వాత డిపాజిట్ చేసిన మొత్తాన్ని తీసుకోవచ్చు.

వడ్డీ లెక్క ఎలా?

ప్రస్తుత వడ్డీ రేటును 7.4శాతంగా ఉంది. ఉదాహరణకు మీరు రూ. 1,50,000 పెట్టుబడి పెడితే, మీకు నెలకు సుమారు రూ. 962.50 వడ్డీ లభిస్తుంది. మీరు ఈ మొత్తాన్ని రెట్టింపు చేసి రూ. 3,00,000 పెట్టుబడి పెడితే, మీరు నెలకు రూ. 1,925 పొందుతారు. సింగిల్ ఖాతాలో గరిష్ట పరిమితి అయిన రూ. 9,00,000 పెట్టుబడి పెట్టినట్లయితే, మీకు నెలకు సుమారు రూ. 5,550 నుండి రూ. 5,775 వరకు వడ్డీ లభిస్తుంది. అదే విధంగా జాయింట్ అకౌంట్‌లో గరిష్టంగా రూ.15 లక్షలు పెట్టుబడి పెడితే, మీకు నెలకు దాదాపు రూ. 9,250 వడ్డీ లభిస్తుంది. మీ నెలవారీ ఆదాయం మీరు పెట్టుబడి పెట్టే మొత్తంపై ఆధారపడి ఉంటుందని గమనించాలి.

ఇవి కూడా చదవండి

చలికి దుప్పటి నిండా కప్పుకుని నిద్రపోతున్నారా.. ఈ విషయం తెలిస్తే

చనిపోయినట్లు కల వస్తే ఏం జరుగుతుంది.. స్వప్న శాస్త్రం ఏం..

క్రెడిట్ కార్డ్ ఉన్నవారికి బిగ్ అలర్ట్.. ఆ ఫోన్ వస్తే జాగ్రత్త..

అరటి పండ్లు ఎప్పుడు తింటే మంచిది.. అపోహలు కాదు అసలు నిజాలు..

ఖాతా తెరవడం ఎలా?

ఈ నెలవారీ ఆదాయ పథకాన్ని పోస్టాఫీసుకు వెళ్లి ఈజీగా ఓపెన్ చేయవచ్చు. మీరు దరఖాస్తు ఫామ్‌తో పాటు ఆధార్ కార్డ్, పాన్ కార్డ్, పాస్‌పోర్ట్ సైజు ఫోటోను సమర్పించాలి. పోస్టాఫీసు నుండి దరఖాస్తు ఫామ్‌ను తీసుకొని పూర్తిగా పూరించాలి. స్థిరమైన, సురక్షితమైన ఆదాయం కోసం చూస్తున్న పెట్టుబడిదారులకు పోస్ట్ ఆఫీస్ మంత్లీ ఇన్‌కమ్ స్కీమ్ ఒక బెస్ట్ ఆప్షన్.

మరిన్ని బిజినెస్ వార్తల కోసం ఇక్కడ క్లిక్ చేయండి