AC Truck in India: దేశంలో అన్ని ట్రక్కులకు ఏసీ తప్పనిసరి: కేంద్రం కీలక నిర్ణయం.. ఎప్పటి నుంచి అంటే..
ట్రక్ డ్రైవర్లు దేశంలోని లాజిస్టిక్స్ రంగంలో అంటే వస్తువులను తీసుకురావడం, తీసుకెళ్లడంలో ముఖ్యమైన పాత్ర పోషిస్తారు. కానీ, ట్రక్కు డ్రైవర్ల జీవితం అంత సులభం కాదు. కుటుంబానికి దూరంగా ఉంటూ చాలా రోజులు విధుల్లో ఉండాల్సిన పరిస్థితి ఉంటుంది..
2025 నుంచి దేశంలోని అన్ని ట్రక్కులకు ఎయిర్ కండిషన్డ్ (ఏసీ) క్యాబిన్‌లు తప్పనిసరి అని రోడ్డు రవాణా, రహదారుల మంత్రిత్వ శాఖ ప్రకటించింది. ట్రక్ డ్రైవర్ల భద్రత, సంక్షేమాన్ని దృష్టిలో ఉంచుకుని ఈ నిర్ణయం తీసుకున్నట్లు మంత్రిత్వ శాఖ తెలిపింది. దీనిని ‘ప్రగతిశీల చర్య’గా పేర్కొన్న కేంద్ర ప్రభుత్వం, ట్రక్ డ్రైవర్ల సంక్షేమమే ప్రభుత్వ ప్రాధాన్యత అని పేర్కొంది. ఈ ప్రయత్నంలో భాగంగా దేశంలోని ప్రతి ట్రక్కును ఎయిర్ కండిషన్ చేయాలని నిర్ణయించారు. ఈ నిర్ణయం వల్ల ట్రక్ డ్రైవర్ల పని సౌకర్యవంతంగా ఉంటుంది. వారి ఆరోగ్యంపై బాగుంటుంది. అంతేకాకుండా రోడ్డు ప్రమాదాల సంఖ్య కూడా తగ్గుతుందని కేంద్రం భావిస్తోంది.
ప్రభుత్వం వివరాల ప్రకారం.. ట్రక్ డ్రైవర్లు దేశంలోని లాజిస్టిక్స్ రంగంలో అంటే వస్తువులను తీసుకురావడం, తీసుకెళ్లడంలో ముఖ్యమైన పాత్ర పోషిస్తారు. కానీ, ట్రక్కు డ్రైవర్ల జీవితం అంత సులభం కాదు. కుటుంబానికి దూరంగా ఉంటూ చాలా రోజులు విధుల్లో ఉండాల్సిన పరిస్థితి ఉంటుంది. తీవ్రమైన వాతావరణ పరిస్థితులను ఎదుర్కోవాలి. ఎక్కడా కూడా సరైన విశ్రాంతి తీసుకునేందుకు సరైన స్థలం కూడా ఉండదు. ఎక్కడా మరుగుదొడ్లు, డ్రింకింగ్‌ ఫౌంటెయిన్‌లు ఉండవు. ఈ కఠినమైన జీవితాన్ని గడుపుతున్నప్పుడు వారి ఆరోగ్యంపై తీవ్ర ప్రభావం పడుతుంది. సమస్యలతో కూడిన జీవితం కారణంగా వారు చిన్న వయస్సులోనే అనారోగ్యానికి గురవుతారు. ట్రక్ డ్రైవర్ల జీవితాల నుంచి ఈ సమస్యలన్నింటినీ తొలగించడం ద్వారా, వారికి సౌకర్యవంతమైన పని వాతావరణాన్ని అందించాలని కేంద్ర ప్రభుత్వం లక్ష్యంగా పెట్టుకుంది. అందులో భాగంగానే అన్ని ట్రక్కుల క్యాబిన్లను ఎయిర్ కండిషన్ చేయడానికి ఈ ముఖ్యమైన నిర్ణయం తీసుకుంది.
కేంద్ర రోడ్డు రవాణా, రహదారుల మంత్రిత్వ శాఖ ప్రకారం.. ట్రక్కులలో ఏసీ క్యాబిన్లను కలిగి ఉండటం వలన ప్రయాణ సమయంలో తీవ్రమైన వేడి లేదా విపరీతమైన చల్లని వాతావరణం నుంచి డ్రైవర్లు రక్షించుకుంటారు. డ్రైవర్ల పని వాతావరణాన్ని సౌకర్యవంతంగా చేయడమే కాకుండా, వారి మొత్తం శ్రేయస్సు, ఆరోగ్యాన్ని కాపాడుకోవడంలో ఎయిర్ కండిషనింగ్ సిస్టమ్ ప్రధాన పాత్ర పోషిస్తుందని భావిస్తున్నారు. ప్రతికూల వాతావరణ పరిస్థితుల కారణంగా ట్రక్కు డ్రైవర్లు ప్రయాణంలో అసౌకర్యానికి గురవుతారు. ఇది రోడ్లు లేదా హైవేలపై ప్రమాదాల ప్రమాదాన్ని పెంచుతుంది. ఏసీ క్యాబిన్లను ప్రవేశపెట్టాలనే నిర్ణయంతో రోడ్డు ప్రమాదాలు కూడా చాలా వరకు తగ్గుతాయని మంత్రిత్వ శాఖ పేర్కొంది. అందువల్ల, దేశవ్యాప్తంగా రహదారి భద్రతను మెరుగుపరచడానికి మంత్రిత్వ శాఖ నిబద్ధతకు అనుగుణంగా ప్రభుత్వం ఈ నిర్ణయం తీసుకుంది.
అయితే, తప్పనిసరి ఏసీ క్యాబిన్‌తో పాటు ట్రక్ డ్రైవర్ల పని పరిస్థితులను మెరుగుపరచడానికి ప్రభుత్వం అనేక ఇతర చర్యలు తీసుకోవాలని కోరుతోంది. హైవేల వెంబడి డ్రైవర్లకు అనువైన విశ్రాంతి స్థలాలు లేదా కేంద్రాలను ఏర్పాటు చేయడం, వారికి స్వచ్ఛమైన తాగునీటి లభ్యతను నిర్ధారించడం, తగిన మరుగుదొడ్డి సౌకర్యాలు కల్పించడం మొదలైనవి ఇందులో ఉన్నాయి. రోడ్డు రవాణా, రహదారుల మంత్రిత్వ శాఖ ప్రకారం.. ట్రక్కింగ్ పరిశ్రమను మరింత వ్యవస్థీకృత పరిశ్రమగా మార్చాలని కేంద్ర ప్రభుత్వం లక్ష్యంగా పెట్టుకుంది. ఈ రంగాన్ని మరింత డ్రైవర్-ఫ్రెండ్లీగా మార్చడానికి ప్రభుత్వం ప్రయత్నిస్తోంది. దీనికి సంబంధించి ఒక విధానాన్ని రూపొందించేందుకు ట్రక్కుల తయారీదారుల నుంచి పరిశ్రమలో పాల్గొన్న అన్ని వర్గాలతో చర్చలు జరుపుతున్నారు. 2025 నాటికి అవసరమైన మౌలిక సదుపాయాలను అభివృద్ధి చేయాలని ప్రభుత్వం భావిస్తోంది.
మరిన్ని బిజినెస్ వార్తల కోసం ఇక్కడ క్లిక్ చేయండి
