చేతులారా పైలట్ను చంపుకొన్న పాకిస్థాన్
విధి ఎంత విచిత్రమైనదో అప్పుడప్పుడు కొన్ని జరుగుతున్న యధార్థ సంఘటనలు చూస్తే ఆశ్చర్యం కలుగుతుంది. మన భారత వింగ్ కమాండర్ అభినందన్ వర్ధమాన్ ఘటన చూస్తే అలానే అనిపిస్తోంది. పారాచ్యూట్ ద్వారా పాక్ భూభాగంలో దిగిన ఐఏఎఫ్ వింగ్ కమాండర్ అభినందన్ వర్ధమాన్.. దాదాపు 60గంటల అనంతరం సురక్షితంగా పాక్ చెర నుంచి మాతృభూమిలో అడుగుపెట్టారు.దీంతో అభినందన్ కుటుంబంలోనే కాకా యావత్ భారతంలో హర్షాతిరేకాలు మిన్నంటాయి. మరి అదే పాక్ భూభాగంలోనే పారాచ్యూట్ సాయంతో దిగిన ఆ […]
విధి ఎంత విచిత్రమైనదో అప్పుడప్పుడు కొన్ని జరుగుతున్న యధార్థ సంఘటనలు చూస్తే ఆశ్చర్యం కలుగుతుంది. మన భారత వింగ్ కమాండర్ అభినందన్ వర్ధమాన్ ఘటన చూస్తే అలానే అనిపిస్తోంది. పారాచ్యూట్ ద్వారా పాక్ భూభాగంలో దిగిన ఐఏఎఫ్ వింగ్ కమాండర్ అభినందన్ వర్ధమాన్.. దాదాపు 60గంటల అనంతరం సురక్షితంగా పాక్ చెర నుంచి మాతృభూమిలో అడుగుపెట్టారు.దీంతో అభినందన్ కుటుంబంలోనే కాకా యావత్ భారతంలో హర్షాతిరేకాలు మిన్నంటాయి. మరి అదే పాక్ భూభాగంలోనే పారాచ్యూట్ సాయంతో దిగిన ఆ దేశ పైలట్ షాజుద్దీన్ ఇంకెంత సురక్షితంగా ఉంటాడనుకోవాలి? కానీ అలా జరగలేదు. భారత పైలట్ అనుకొని స్థానికులు అతడిని తీవ్రంగా కొట్టి చంపారు. బుధవారం ఎఫ్-16 యుద్ధ విమానంతో షాజుద్దీన్ భారత గగనతలంలోకి దూసుకొచ్చాడు. భారత యుద్ధ విమానమొకటి దాన్ని తరుముతూ కూల్చింది. దాన్ని నడుపుతున్న షాజుద్దీన్.. పారాచ్యూట్ సాయంతో పీవోకేలోని నౌషేరా సమీపంలోని లీమ్ లోయలో కాలుమోపాడు. అంతే షాజుద్దీన్ గాల్లోంచి దిగీ దిగగానే స్థానిక ప్రజలు కొందరు అతడిని చుట్టుముట్టారు.
పాకిస్థాన్ వాయుసేన యూనిఫాం ధరించి ఉన్నా కూడా.. అతడిని భారత్ కు చెందిన పైలట్గానే భ్రమించారు. అంతే.. అతడిపై తీవ్ర ఆగ్రహం వ్యక్తం చేస్తూ నెత్తురోడేలా చితగ్గొట్టారు. అంతర్గత అవయవాలు తీవ్రంగా దెబ్బతినడంతో అతడిని ఆస్పత్రికి తరలించారు. షాజుద్దీన్ అక్కడ చికిత్స పొందుతూ శనివారం ప్రాణాలు కోల్పోయాడు. అభినందన్ను మూక దాడి నుంచి రక్షించిన పాక్ ఆర్మీ అధికారులు.. తమ పైలట్ షాజుద్దీన్ను కాపాడుకోలేకపోయారు. అభినందన్ తండ్రి లాగే షాజుద్దీన్ తండ్రి వసీముద్దీన్ కూడా పాక్ వాయుసేనలో ఎయిర్ మార్షల్గా పనిచేయడం మరో విశేషం.
శత్రు దేశానికి చిక్కినా ప్రాణాలతో తిరిగొచ్చిన ఐఏఎఫ్ వింగ్ కమాండర్ అభినందన్కు యావత్ జాతి జేజేలు పలుకుతోంది. సరిగ్గా ఇదే సమయంలో పాకిస్తాన్లో ఒక పైలట్ కుటుంబం తమ కొడుకు చేసిన త్యాగాన్ని బయటకు చెప్పుకోలేక, బడబాగ్నిలాంటి నిజాన్ని మనసులో దాచుకోనూలేక మౌనంగా రోదిస్తోంది. ఇద్దరూ పైలెట్లే. ఇద్దరి కుటుంబ నేపథ్యం ఒక్కటే. ఇద్దరూ ఆగ్రహావేశాలతో ఊగిపోయే అల్లరిమూక చేతికి చిక్కారు. కానీ ఒకరి కథ సుఖాంతం కాగా మరొకరిది అంతులేని విషాదం.