Astrology: సింహరాశిలో లక్ష్మీనారాయణ రాజయోగం.. ఈ 4 రాశులవారి జీవితాల్లో బంగారు వర్షం..
Lakshminarayana Rajayog 2023: బుధ, శుక్ర కలయిక కారణంగా సింహరాశిలో లక్ష్మీనారాయణ రాజయోగం ఏర్పడింది. ఈ యోగం రాశిచక్రంలోని కొన్ని రాశులపై శుభాఫలితాలు కలిగేలా చేస్తుంది. ఫలితంగా ఆయా రాశులవారికి చెందినవారు యోగం కారణంగా వృద్ధిలోకి వస్తారు. ఇంకా ఆర్థికంగా, సామాజికంగా నిలదొక్కుకుంటారు. వీరి జీవితాల్లో
Updated on: Aug 05, 2023 | 8:14 PM
Lakshminarayana Rajayog 2023: గ్రహాల రాకుమారుడిగా ప్రసిద్ధి చెందిన బుధుడు జూలై 25న సింహరాశిలో ప్రవేశించి అప్పటికే ఆ రాశిలో ఉన్న శుక్రుడితో కలిశాడు. జ్యోతిష్య శాస్త్రం ప్రకారం ఇలా రెండు గ్రహాలు ఒకే రాశిలో కలిసినప్పుడు ప్రత్యేకమైన యోగాలు కలుగుతాయి. ఈ క్రమంలోనే బుధ, శుక్ర కలయిక కారణంగా లక్ష్మీనారాయణ రాజయోగం ఏర్పడింది. ఈ యోగం రాశిచక్రంలోని కొన్ని రాశులపై శుభాఫలితాలు కలిగేలా చేస్తుంది. ఫలితంగా ఆయా రాశులవారికి చెందినవారు యోగం కారణంగా వృద్ధిలోకి వస్తారు. ఇంకా ఆర్థికంగా, సామాజికంగా నిలదొక్కుకుంటారు. వీరి జీవితాల్లో ధనవర్షం కురుస్తుంది. ఇంతకీ ఆ అదృష్ట రాశులేమిటంటే..
సింహ రాశి: సింహరాశిలోనే లక్ష్మీనారాయణ రాజయోగం ఏర్పడినందున ఈ రాశివారికి శుభఫలితాలు కలుగుతాయి. ఫలితంగా మీరు ఈ సమయంలో లాభాలను పొందుతారు. ఇంకా వ్యాపారాభివృద్ధిని సాధిస్తారు. ఉద్యోగం విషయంలో మీరు బదిలీ అయ్యే అవకాశం ఉంది. ముఖ్యంగా మీకు ఈ సమయంలో అప్పుల బాధ తొలగిపోతుంది.
తుల రాశి: లక్ష్మీనారాయణ రాజయోగం తులారాశి వారికి అనుకూలమైనదిగా ఉంటుంది. ఈ సమయంలో మీరు జాబ్ ప్రయోషన్తో పాటు ఇంక్రిమెంట్ పొందే అవకాశం ఉంది. ఉద్యోగం కోసం ప్రయత్నించేవారు శుభవార్త వింటారు. చేసిన పనికి ఫలితం పొందుతారు. ఆర్థిక ఇబ్బందులను అధిగమించి సంతోషంగా ఉంటారు.
కుంభ రాశి: సింహరాశిలో బుధ, శుక్ర సంచారం కుంభరాశివారికి కలిసి వస్తుంది. నలుగురిలో మీ కీర్తి పెరుగుతుంది. పుత్రసంతానం కలుగుతుంది. అర్థిక సమస్యలను అధిగమించి ఆదాయం పొందుతారు. వ్యాపారులకు పెట్టుబడుల్లో అనూహ్య లాభాలు వస్తాయి.
మేష రాశి: లక్ష్మీనారాయణ రాజయోగం మేషరాశి వారికి మేలు చేసేదిగా ఉంటుంది. బుధశుక్ర సంచారం కారణంగా మేషరాశివారి మేధస్సు పెరుగుతుంది. కెరీర్లో ఉన్నతస్థాయి, ఉద్యోగంలో ప్రమోషన్, వ్యాపారంలో లాభాలతో అష్టైశ్వర్యాలు మీ సొంతం అవుతాయి. చుట్టూ ఉన్నవారంతా మీ గురించి మంచిగా చెప్పుకుంటారు.
Note: ఇక్కడ తెలిపిన సమాచారం వారివారి నమ్మకం, విశ్వాసాలపై ఆధారపడి ఉంటుందని గమనించగలరు. సమాచారాన్ని నిర్ధారించేందుకు ఎటువంటి శాస్త్రీయ ఆధారాలు లేవు. పాఠకుల ఆసక్తిని, నమ్మకాన్ని దృష్టిలో ఉంచుకుని అందించాము.
మరిన్ని జ్యోతిష్య కథనాలు చదివేందుకు ఇక్కడ క్లిక్ చేయండి
