Horoscope Today: వారి ఆదాయ వృద్ధి ప్రయత్నాలు సఫలం.. 12 రాశుల వారికి రాశిఫలాలు
Today Horoscope (October 18, 2025): మేష రాశి వారు వ్యక్తిగత, ఆర్థిక సమస్యల నుంచి కొద్దిగా బయటపడతారు. ఆర్థిక పరిస్థితి అనుకూలంగా సాగిపోతుంది. వృషభ రాశి వారు ఉద్యోగంలో ఒక మెట్టు పైకెక్కడానికి అవకాశం ఉంది. జీతభత్యాలు పెరుగుతాయి. మిథున రాశి వారు ఉద్యోగంలో బాధ్యతలు మారే అవకాశం ఉంది. వృత్తి, వ్యాపారాల్లో రాబడి బాగా వృద్ధి చెందుతుంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
Updated on: Oct 18, 2025 | 5:31 AM
దిన ఫలాలు (అక్టోబర్ 18, 2025): మేష రాశి వారి ఆర్థిక పరిస్థితి అనుకూలంగా సాగిపోతుయే అవకాశముంది. వృషభ రాశి వారు ఉద్యోగంలో ఒక మెట్టు పైకెక్కడానికి అవకాశం ఉంది. మిథున రాశి వారు ఉద్యోగంలో బాధ్యతలు మారే అవకాశం ఉంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
గ్రహ సంచారం బాగా అనుకూలంగా ఉంది. ఉద్యోగంలో అధికారుల నుంచి ఆదరణ, ప్రోత్సాహం లభిస్తాయి. పని ఒత్తిడి నుంచి ఉపశమనం పొందుతారు. వృత్తి, వ్యాపారాల్లో లాభాలు వృద్ధి చెందుతాయి. వ్యక్తిగత, ఆర్థిక సమస్యల నుంచి కొద్దిగా బయటపడతారు. ఆర్థిక పరిస్థితి అనుకూలంగా సాగిపోతుంది. ఆస్తి, ఆర్థిక వ్యవహారాల్లో ఆచితూచి వ్యవహరించడం మంచిది. ఆస్తి వివాదం ఒకటి పరిష్కార దిశగా సాగుతుంది. పెళ్లి, ఉద్యోగ ప్రయత్నాల్లో శుభవార్తలు వింటారు. ఆరోగ్యం బాగానే ఉంటుంది.
వృషభం (కృత్తిక 2,3,4, రోహిణి, మృగశిర 1,2)
ఉద్యోగంలో ఒక మెట్టు పైకెక్కడానికి అవకాశం ఉంది. జీతభత్యాలు పెరుగుతాయి. వృత్తి, వ్యాపారాలు లాభదాయకంగా సాగిపోతాయి. రావలసిన డబ్బు కొద్ది ప్రయత్నంతో చేతికి అందుతుంది. ఆదాయానికి లోటుండదు. అనారోగ్యం నుంచి సైతం ఉపశమనం లభిస్తుంది. కుటుంబ వ్యవహారాల్లో ఆచితూచి వ్యవహరించాల్సి ఉంటుంది. నిరుద్యోగులకు ఆఫర్లు అందుతాయి. పెళ్లి ప్రయత్నాలు సఫలం అవుతాయి. కుటుంబ జీవితం సాఫీగా సాగిపోతుంది. పిల్లలు పురోగతి సాధిస్తారు.
మిథునం (మృగశిర 3,4, ఆర్ద్ర, పునర్వసు 1,2,3)
ఉద్యోగంలో బాధ్యతలు మారే అవకాశం ఉంది. వృత్తి, వ్యాపారాల్లో రాబడి బాగా వృద్ధి చెందుతుంది. ఏ ప్రయత్నం తలపెట్టినా నెరవేరే అవకాశం ఉంది. వ్యయ ప్రయాసలున్నా ముఖ్యమైన వ్యవహారాలను పూర్తి చేస్తారు. ఇతరులకు మేలు జరిగే పనులు చేస్తారు. ఆరోగ్యానికి, ఆదాయానికి ఇబ్బందేమీ ఉండదు. అవసరానికి తగ్గట్టుగా డబ్బు అందుతుంది. తోబుట్టువులతో ఆస్తి వివాదంలో రాజీమార్గం అనుసరిస్తారు. జీవిత భాగస్వామితో కలిసి వస్త్రాభరణాలు కొనుగోలు చేస్తారు.
కర్కాటకం (పునర్వసు 4, పుష్యమి, ఆశ్లేష)
వృత్తి, ఉద్యోగాలు అనుకూలంగా సాగిపోతాయి. జీతభత్యాల పెరుగుదలకు సంబంధించి శుభ వార్తలు వింటారు. వ్యాపారాలు ఆశాజనకంగా సాగిపోతాయి. ఆదాయానికి ఇబ్బందేమీ ఉండదు. కుటుంబ ఖర్చులు బాగా పెరిగే అవకాశం ఉంది. తల్లితండ్రుల ఆరోగ్యం పట్ల శ్రద్ధ వహించడం మంచిది. ఓ వ్యక్తిగత సమస్య అనుకోకుండా పరిష్కారం అవుతుంది. ఆర్థిక విషయాల్లో ఎవరికీ వాగ్దానాలు చేయవద్దు. హామీలు కూడా ఉండవద్దు. పిల్లల చదువులు తృప్తికరంగా సాగిపోతాయి.
సింహం (మఖ, పుబ్బ, ఉత్తర 1)
ఉద్యోగాలలో శ్రమాధిక్యత ఉన్నా ఆశించిన ప్రతిఫలం ఉంటుంది. వృత్తి, వ్యాపారాల్లో అంచనాలకు మించి రాబడి ఉంటుంది. ముఖ్యమైన ప్రయత్నాలు, వ్యవహారాలు అనుకూల ఫలితాలనిస్తాయి. ఆర్థిక వ్యవహారాల్లో ఎవరినీ గుడ్డిగా నమ్మవద్దు. నిరుద్యోగులకు ఉద్యోగం లభించే అవకాశం ఉంది. ఉద్యోగులకు కూడా మంచి ఆఫర్లు అందుతాయి. ఆర్థిక పరిస్థితి గతం కంటే బాగా మెరుగ్గా ఉంటుంది. ఒకరిద్దరు బంధుమిత్రులకు ఆర్థికంగా సహాయపడతారు. ఆరోగ్యం బాగానే ఉంటుంది.
కన్య (ఉత్తర 2,3,4, హస్త, చిత్త 1,2)
ఉద్యోగంలో కొత్త అవకాశాలు అంది వస్తాయి. చాలావరకు సానుకూల, సంతృప్తికర వాతావరణం ఉంటుంది. వృత్తి, వ్యాపారాల్లో శ్రమ పెరిగినా ఫలితం ఉంటుంది. ఆదాయానికి ఇబ్బంది ఉండదు. కొందరు మిత్రుల నుంచి రావాల్సిన డబ్బు చేతికి అందుతుంది. ఆర్థిక, వ్యక్తిగత సమస్యలకు పరి ష్కారం లభిస్తుంది. జీవిత భాగస్వామితో కలిసి వస్త్రాభరణాలు కొనుగోలు చేస్తారు. మంచి పరిచయాలు ఏర్పడతాయి. బంధువుల నుంచి శుభ వార్తలు అందుతాయి. ఆరోగ్యానికి ఢోకా ఉండదు.
తుల (చిత్త 3,4, స్వాతి, విశాఖ 1,2,3)
ఉద్యోగంలో అధికారులు మీ మీద ఎక్కు వగా ఆధారపడతారు. మీ సలహాలు, సూచనల వల్ల లబ్ధి పొందుతారు. వృత్తి, వ్యాపారాలు ఉత్సాహంగా ముందుకు సాగుతాయి. ఆర్థిక సమస్యలు తగ్గు ముఖం పడతాయి. షేర్లు, స్పెక్యులేషన్లు బాగా లాభిస్తాయి. ఆదాయం వృద్ధికి సంబంధించి ఎటు వంటి ప్రయత్నం తలపెట్టినా సఫలం అవుతుంది. జీవిత భాగస్వామితో కలిసి ఆలయాలు సందర్శించడం జరుగుతుంది. విదేశాల్లో స్థిరపడిన పిల్లల నుంచి శుభవార్తలు వినే అవకాశం ఉంది.
వృశ్చికం (విశాఖ 4, అనూరాధ, జ్యేష్ట)
ఉద్యోగంలో అధికారులు ప్రత్యేక బాధ్యతలను అప్పగించడం జరుగుతుంది. వృత్తి, వ్యాపారాలు నిలకడగా పురోగమిస్తాయి. నిరుద్యోగులకు ఆశించిన సమాచారం అందుతుంది. అనేక రకాలుగా ఒత్తిడి ఉన్నప్పటికీ ముఖ్యమైన పనులు, వ్యవహారాలను పూర్తి చేస్తారు. ఆస్తి వ్యవహారాల్లో వివాదాలు తొలగిపోతాయి. పెళ్లి ప్రయత్నాల్లో శుభవార్తలు వింటారు. పిల్లల చదువుల పట్ల శ్రద్ధ పెంచడం మంచిది. ఆరోగ్యం బాగానే ఉంటుంది. కుటుంబంలో సుఖ సంతోషాలు వెల్లి విరుస్తాయి.
ధనుస్సు (మూల, పూర్వాషాఢ, ఉత్తరాషాఢ 1)
వృత్తి, ఉద్యోగాల్లో అధికార యోగం కలిగే అవకాశం ఉంది. ఇంటా బయటా మాటకు విలువ పెరుగుతుంది. వ్యాపారాల్లో లాభాలు పెరగడం తప్ప తగ్గడం ఉండదు. తల్లితండ్రుల జోక్యంతో సోదరులతో ఆస్తి వివాదం ఒకటి పరిష్కారం అవుతుంది. పెళ్లి, ఉద్యోగ ప్రయత్నాలు సానుకూలంగా సాగిపోతాయి. ఆర్థికంగా ఆశించిన స్థిరత్వం లభిస్తుంది. అదనపు ఆదాయ మార్గాలు పెరిగే అవకాశం ఉంది. ఆరోగ్యానికి ఇబ్బందేమీ ఉండదు. రాజకీయ ప్రముఖులతో పరిచయాలు బాగా విస్తరిస్తాయి.
మకరం (ఉత్తరాషాఢ 2,3,4, శ్రవణం, ధనిష్ట 1,2)
వృత్తి, ఉద్యోగాల్లో బరువు బాధ్యతలు పెరుగుతాయి. పని భారం కాస్తంత ఎక్కువగానే ఉంటుంది. వ్యాపారాలు నిలకడగా సాగిపోతాయి. ఒకటి రెండు వ్యక్తిగత సమస్యలు పరిష్కారం అవుతాయి. ఆర్థిక, ఆస్తి వ్యవహారాలను చక్కబెడతారు. ఆదాయం కొద్దిగా వృద్ధి చెందుతుంది. కొందరు బంధు మిత్రులకు ఆర్థికంగా సహాయపడతారు. ఆరోగ్యం బాగానే ఉంటుంది. ఉద్యోగ ప్రయత్నాలకు సానుకూల స్పందన లభిస్తుంది. పిల్లల నుంచి శుభవార్తలు వింటారు. ఎవరికీ వాగ్దానాలు చేయవద్దు.
కుంభం (ధనిష్ట 3,4, శతభిషం, పూర్వాభాద్ర 1,2,3)
వృత్తి, ఉద్యోగాలు చాలావరకు అనుకూలంగా సాగిపోతాయి. మీ సలహాలు, సూచనలకు అధికారులు బాగా విలువనిస్తారు. వ్యాపారాలు లాభసాటిగా పురోగమిస్తాయి. ఆర్థిక వ్యవహారాలను చక్కబెట్టడం మీద దృష్టి కేంద్రీకరిస్తారు. ఆరోగ్యం విషయంలో కొద్దిగా జాగ్రత్తగా ఉండడం మంచిది. ఆర్థిక పరిస్థితి చాలావరకు ఆశాజనకంగా ఉంటుంది. కుటుంబసమేతంగా దైవ కార్యాల్లో పాల్గొంటారు. నిరుద్యోగులకు సొంత ఊర్లోనే ఉద్యోగం లభించవచ్చు. కొందరు మిత్రులకు అండగా నిలబడతారు.
మీనం (పూర్వాభాద్ర 4, ఉత్తరాభాద్ర, రేవతి)
వృత్తి, ఉద్యోగాల్లో అధికారులు మీ పనితీరుతో సంతృప్తి చెందుతారు. సమర్థతకు గుర్తింపు లభిస్తుంది. వ్యాపారాలు లాభసాటిగా సాగిపోతాయి. ఆస్తి వివాదం ఒకటి అనుకోకుండా పరిష్కారమవుతుంది. ముఖ్యమైన వ్యవహారాలు నిదానంగా పూర్తవుతాయి. కుటుంబ వ్యవహారాల్లో తొందర పడి నిర్ణయాలు తీసుకుని ఇబ్బంది పడతారు. ఆదాయం బాగానే వృద్ధి చెందుతుంది. ఉన్నత స్థాయి వ్యక్తులతో పరిచయాలు పెరుగుతాయి. అనుకోకుండా ఒకటి రెండు శుభవార్తలు వింటారు.
