Horoscope Today: వారు ఏ ప్రయత్నం తలపెట్టినా సఫలం.. 12 రాశుల వారికి రాశిఫలాలు
Today Horoscope (June 21, 2025): మేష రాశి వారికి ఉద్యోగ జీవితంలో ప్రాధాన్యం పెరుగుతుంది. వ్యాపారాల్లో ఆశించిన స్థాయిలో లాభాలు గడిస్తారు. వృషభ రాశి వారు ఆర్థిక వ్యవహారాల్లో ఆచితూచి వ్యవహరించాల్సిన అవసరం కూడా ఉంటుంది. ఇంటా బయటా బాగా ఒత్తిడి ఉంటుంది. మిథున రాశి వారికి వ్యక్తిగత సమస్య ఒకటి అనుకోకుండా పరిష్కారమవుతుంది. ఆర్థిక ప్రయత్నాలు కలిసి వస్తాయి. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..
Updated on: Jun 21, 2025 | 5:31 AM
దిన ఫలాలు (జూన్ 21, 2025): మేష రాశి వారికి ఉద్యోగ జీవితంలో ప్రాధాన్యం పెరిగే అవకాశముంది. వృషభ రాశి వారు ఆర్థిక వ్యవహారాల్లో ఆచితూచి వ్యవహరించాల్సిన అవసరం కూడా ఉంటుంది. మిథున రాశి వారికి వ్యక్తిగత సమస్య ఒకటి అనుకోకుండా పరిష్కారమయ్యే అవకాశముంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..
మేషం (అశ్విని, భరణి, కృత్తిక 1)
రోజంతా హ్యాపీగా, సాఫీగా గడిచిపోతుంది. అనుకున్న పనులు అనుకున్నట్టు జరిగిపోతాయి. ఉద్యోగ జీవితంలో ప్రాధాన్యం పెరుగుతుంది. వ్యాపారాల్లో ఆశించిన స్థాయిలో లాభాలు గడిస్తారు. వృత్తిపరంగా రాబడి పెరిగే అవకాశం ఉంది. ఆర్థిక పరిస్థితి బాగా అనుకూలంగా ఉంటుంది. ముఖ్య మైన అవసరాలు గడిచిపోవడంతో పాటు ఒకటి రెండు ఆర్థిక, వ్యక్తిగత సమస్యల నుంచి విముక్తి లభిస్తుంది. ముఖ్యమైన వ్యవహారాలు, పనుల్ని పట్టుదలగా పూర్తి చేస్తారు. ఆరోగ్యం మీద శ్రద్ధ పెట్టాలి.
వృషభం (కృత్తిక 2,3,4, రోహిణి, మృగశిర 1,2)
ఆర్థిక వ్యవహారాల్లో ఆచితూచి వ్యవహరించాల్సిన అవసరం కూడా ఉంటుంది. ఇంటా బయటా బాగా ఒత్తిడి ఉంటుంది. ఆదాయం బాగానే ఉంటుంది కానీ, చేతిలో డబ్బు మిగలకపోవచ్చు. వృత్తి, ఉద్యోగాల్లో అధికారులు కొత్త బాధ్యతలను, లక్ష్యాలను నిర్దేశించే అవకాశం ఉంది. ఆస్తి వివాదం విషయంలో తోబుట్టువులతో రాజీ మార్గం అనుసరిస్తారు. కుటుంబ జీవితం సాఫీగా సాగి పోతుంది. పిల్లల నుంచి శుభ వార్త వింటారు. ఉద్యోగ ప్రయత్నాల్లో సానుకూల సమాచారం అందుతుంది.
మిథునం (మృగశిర 3,4, ఆర్ద్ర, పునర్వసు 1,2,3)
వృత్తి, ఉద్యోగాల్లో ప్రాధాన్యం పెరుగుతుంది. అధికారులకు మీ మీద నమ్మకం కుదురుతుంది. వ్యాపారాలు లాభసాటిగా పురోగతి చెందుతాయి. ఇంటా బయటా మాట చెల్లుబాటు అవుతుంది. వ్యక్తిగత సమస్య ఒకటి అనుకోకుండా పరిష్కారమవుతుంది. ఆర్థిక ప్రయత్నాలు కలిసి వస్తాయి. ప్రయాణాల వల్ల లాభాలు కలుగుతాయి. ఆహార నియమాలు పాటించడం మంచిది. పెళ్లి, ఉద్యోగ ప్రయత్నాల్లో ఒకటి రెండు శుభవార్తలు వింటారు. కుటుంబ జీవితం సానుకూలంగా సాగిపోతుంది.
కర్కాటకం (పునర్వసు 4, పుష్యమి, ఆశ్లేష)
ఆర్థిక పరిస్థితి బాగా అనుకూలంగా ఉంటుంది. అనేక మార్గాల్లో ఆదాయ వృద్ధికి అవకాశం ఉంది. ఆస్తి వివాదం ఒకటి అనుకోకుండా పరిష్కారం అవుతుంది. రావలసిన డబ్బు చేతికి అంది అవసరాలు తీరుతాయి. వృత్తి, ఉద్యోగాలు ప్రశాంతంగా సాగిపోతాయి. వ్యాపారాల్లో కొద్దిగా లాభాలు గడి స్తారు. ఆర్థిక వ్యవహారాలు విజయవంతంగా పూర్తవుతాయి. ఆర్థిక విషయాల్లో ఎవరినీ గుడ్డిగా నమ్మకపోవడం మంచిది. పిల్లల నుంచి శుభవార్తలు వింటారు. ఆరోగ్యం అనుకూలంగాఉంటుంది.
సింహం (మఖ, పుబ్బ, ఉత్తర 1)
ఉద్యోగంలో ఒకటి రెండు శుభవార్తలు వింటారు. వృత్తి, వ్యాపారాలు సంతృప్తికరంగా సాగిపోతాయి. పెళ్లి ప్రయత్నాల్లో శుభ పరిణామాలు చోటు చేసుకుంటాయి. నిరుద్యోగులకు మంచి ఆఫర్ అందు తుంది. అనుకున్న పనులు అనుకున్నట్టు పూర్తవుతాయి. ఆర్థికంగా అదృష్టం పట్టే సూచనలున్నాయి. ఆకస్మిక ధన ప్రాప్తికి అవకాశం ఉంది. షేర్లు, స్పెక్యులేషన్లు బాగా లాభిస్తాయి. ఇతరులకు మేలు జరిగే పనులు చేస్తారు. కుటుంబ జీవితంలో శుభ పరిణామాలు చోటుచేసుకుంటాయి.
కన్య (ఉత్తర 2,3,4, హస్త, చిత్త 1,2)
ఏ ప్రయత్నం తలపెట్టినా సఫలం అవుతుంది. అనుకోకుండా వ్యక్తిగత సమస్య ఒకటి పరిష్కారం అవుతుంది. వృత్తి, ఉద్యోగాల్లో కొద్దిగా ఒత్తిడి ఉండే అవకాశం ఉంది. బరువు బాధ్యతలు బాగా పెరుగుతాయి. వ్యాపారాల్లో కొద్దిగా లాభాలు పెరిగే సూచనలున్నాయి. పెళ్లి ప్రయత్నాల్లో బంధువుల ద్వారా శుభవార్త వింటారు. ఆరోగ్యం బాగానే ఉంటుంది. ప్రయాణాల్లో జాగ్రత్తగా ఉండడం మంచిది. నిరుద్యోగులకు సొంత ఊర్లోనే ఉద్యోగం లభించే అవకాశం ఉంది. పిల్లలు వృద్ధిలోకి వస్తారు.
తుల (చిత్త 3,4, స్వాతి, విశాఖ 1,2,3)
వృత్తి, ఉద్యోగాల్లో ప్రాధాన్యం పెరుగుతుంది. మీ మాటకు, చేతకు తిరుగుండదు. వ్యాపారాలు సంతృప్తికరంగా పురోగమిస్తాయి. ముఖ్యమైన వ్యవహారాల్లో జీవిత భాగస్వామితో సంప్రదించి నిర్ణయాలు తీసుకోవడం చాలా మంచిది. ప్రయాణాల వల్ల ఆశించిన లాభాలుంటాయి. చిన్ననాటి స్నేహితులతో ఎంజాయ్ చేస్తారు. తోబుట్టువులతో ఆస్తి వివాదాన్ని పరిష్కరించుకుంటారు. ఉద్యోగ, పెళ్లి ప్రయత్నాల్లో శుభవార్తలు వింటారు. కొందరు మిత్రుల వల్ల నష్టపోయే అవకాశం ఉంది.
వృశ్చికం (విశాఖ 4, అనూరాధ, జ్యేష్ట)
ఉద్యోగంలో ఒకటి రెండు శుభవార్తలు వింటారు. వృత్తి జీవితం సాఫీగా, సంతృప్తికరంగా సాగిపోతుంది. వ్యాపారాలు నిలకడగా ముందుకు సాగుతాయి. కుటుంబ వ్యవహారాల్లో కొద్దిగా ఇబ్బందులు పడతారు. నిరుద్యోగులకు మంచి ఆఫర్ అందే అవకాశం ఉంది. ఆదాయం వృద్ధి చెందు తుంది కానీ అనవసర ఖర్చులు పెరిగే అవకాశం ఉంది. వ్యక్తిగత సమస్య ఒకటి కాస్తంత ఒత్తిడి కలిగిస్తుంది. ఆరోగ్యం మీద శ్రద్ధ పెట్టాల్సి ఉంటుంది. ప్రయాణాలు వాయిదా వేసుకోవడం మంచిది.
ధనుస్సు (మూల, పూర్వాషాఢ, ఉత్తరాషాఢ 1)
గురు, శుక్రులు అనుకూల స్థానాల్లో సంచారం చేస్తున్న కారణంగా వృత్తి, ఉద్యోగ, వ్యాపారాల్లో అనుకూలతలు బాగా పెరుగుతాయి. ఆర్థికంగా బాగా కలిసి వచ్చే అవకాశం ఉంది. కొద్ది శ్రమతో మీ ప్రయత్నాలన్నీ విజయవంతం అవుతాయి. బంధు మిత్రులకు ఆర్థికంగా సహాయం చేయుడం కూడా జరుగుతుంది. వ్యక్తిగత, కుటుంబ సమస్యలకు పరిష్కారం దొరుకుతుంది. పెళ్లి, ఉద్యోగ ప్రయత్నాలకు సానుకూల స్పందన లభిస్తుంది. ఆరోగ్యం పరవాలేదు. ప్రయాణాలు లాభిస్తాయి.
మకరం (ఉత్తరాషాఢ 2,3,4, శ్రవణం, ధనిష్ట 1,2)
ఆదాయం బాగానే ఉంటుంది కానీ, వృథా ఖర్చులు బాగా పెరుగుతాయి. డాక్టర్లు, లాయర్లకు క్షణం కూడా తీరిక లేని పరిస్థితి ఏర్పడుతుంది. వృత్తి జీవితంలో మంచి గుర్తింపు లభిస్తుంది. వ్యాపా రాలు లాభదాయకంగా కొనసాగుతాయి. ఉద్యోగంలో సానుకూల మార్పులు చోటు చేసుకుంటాయి. వ్యయ ప్రయాసలున్నప్పటికీ, ముఖ్యమైన వ్యవహారాలను పట్టుదలగా పూర్తి చేస్తారు. వ్యక్తిగత సమస్యలు కొద్దిగా ఇబ్బంది కలిగిస్తాయి. కుటుంబ సభ్యుల నుంచి బాగా ఒత్తిడి ఉంటుంది.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఉద్యోగంలో శుభ పరిణామాలు చోటు చేసుకుంటాయి. మీ పట్ల అధికారుల వైఖరి సానుకూలంగా మారుతుంది. ఇంటా బయటా అనుకూలతలు కనిపిస్తాయి. ముఖ్యమైన వ్యవహారాల్ని పూర్తి చేయడంలో కుటుంబ సభ్యుల సహకారం ఉంటుంది. డాక్టర్లు, లాయర్లకు మంచి అవకాశాలు లభిస్తాయి. వ్యాపారాలు ఆశాజనకంగా ముందుకు సాగుతాయి. ఆర్థిక సమస్యల నుంచి చాలా వరకు బయటపడే అవకాశం ఉంది. ఆరోగ్యం బాగానే ఉంటుంది. రాదనుకున్న డబ్బు చేతికి అందుతుంది.
మీనం (పూర్వాభాద్ర 4, ఉత్తరాభాద్ర, రేవతి)
వృత్తి, ఉద్యోగాల్లో కొద్దిగా ఒత్తిడి ఉన్నప్ప టికీ, సానుకూలంగా సాగిపోతాయి. వ్యాపారాల్లో కొద్దిపాటి లాభాలు ఉండే అవకాశం ఉంది. వ్యక్తిగత సమస్య ఒకటి పరిష్కారం అవుతుంది. పెళ్లి ప్రయత్నాల్లో బంధువుల నుంచి శుభవార్తలు వింటారు. చిన్ననాటి స్నేహితులతో సరదాగా కాలక్షేపం చేస్తారు. ఆదాయం వృద్ధి చెందుతుంది. ఆర్థిక ప్రయత్నాలు ఒక కొలిక్కి వస్తాయి. ప్రయాణాల వల్ల కలిసి వస్తుంది. చదువుల్లో పిల్లలు విజయాలు సాధిస్తారు. పెళ్లి, ఉద్యోగ ప్రయత్నాలు ఫలిస్తాయి.
