Konaseema: డబ్బుతో దొరికిన బ్యాగును స్టేషన్‌లో అప్పగించిన మహిళ.. సన్మానించిన పోలీసులు
అమలాపురం నుంచి తన గ్రామానికి ఆటోలో వెళ్తుండగా బ్యాగ్‌ జారిపోయింది. అయితే మహిళ అది గమనించకుండా వెళ్లిపోయారు. ఆటో దిగే క్రమంలో బ్యాగ్‌ కోసం చూడగా బ్యాగ్‌ కనిపించలేదు. దాంతో కంగారుపడిన మృదుల వెంటనే పోలీసులను ఆశ్రయించింది.
Updated on: Jan 24, 2023 | 2:28 PM
ఓ సాధారణ మహిళ తన నిజాయితీని చాటుకుంది. క్యాష్‌తో రోడ్డుపై దొరికిన బ్యాగును తీసుకెళ్లి పోలీసులకు అప్పగించింది. మహిళ నిజాయితీకి మెచ్చుకొని పోలీసు అధికారులు ఆమెను ప్రశంసించారు.. ఆమెను సన్మానించారు. అంబేద్కర్‌ కోనసీమ జిల్లాల అంబాజీపేట మండలంలోని మాచవరం గ్రామం కోటివారి అగ్రహారానికి చెందిన మృదుల కుమారి అనే గృహిణి ఆటోలో వెళ్తూ తన బ్యాగ్‌ పోగొట్టుకున్నారు. అమలాపురం నుంచి తన గ్రామానికి ఆటోలో వెళ్తుండగా బ్యాగ్‌ జారిపోయింది. అయితే మహిళ అది గమనించకుండా వెళ్లిపోయారు. ఆటో దిగే క్రమంలో బ్యాగ్‌ కోసం చూడగా బ్యాగ్‌ కనిపించలేదు. దాంతో కంగారుపడిన మృదుల వెంటనే పోలీసులను ఆశ్రయించింది. అమలాపురం రూరల్‌ పోలీస్‌ స్టేషన్‌లో బ్యాగు పోగొట్టుకున్నట్టు, అందులో లక్షా 42 వేల రూపాయలు ఉన్నాయని ఫిర్యాదు చేసింది. మహిళ ఫిర్యాదులో దర్యాప్తు చేపట్టారు పోలీసులు.
ఈ క్రమంలో అమలాపురం రూరల్‌ మండలం బండారు లంకకు చెందిన తనూజ అనే మహిళ తనకు రోడ్డుమీద ఓ బ్యాగ్‌ దొరికిందంటూ పోలీస్‌ స్టేషన్‌కు తీసుకొచ్చి పోలీసులకు ఇచ్చింది. దాంతో ఆశ్చర్యపోవడం పోలీసుల వంతైంది. అంతేకాదు మహిళ నిజాయితీకి ఎంతగానో మెచ్చుకున్నారు. ఆమె నిజాయితీకి మెచ్చుకున్న రూరల్‌ సీఐ వీరబాబు, అమలాపురం తాలూకా ఎస్సై పరదేశి ఆమెను పూలదండతో సత్కరించారు. డబ్బు పోగొట్టుకున్న మహిళకు ఆ బ్యాగును అప్పగించారు పోలీసులు.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
