KA Paul: కేఏ పాల్‌పై విష ప్రయోగం అంటూ సోషల్ మీడియాలో ఆడియో కలకలం..
ప్రజాశాంతి పార్టీ అధ్యక్షుడు కేఏ పాల్ పేరుతో ఒక ఆడియో లీక్ అయింది. ఆయనకు గ్లోబల్‌ పీస్‌ మేకర్‌గా పేరుంది. అప్పుడప్పుడూ ప్రపంచ దేశాల అధ్యక్షులందరూ తనకు తెలుసని తెగ సందడి చేస్తూ ఉంటారు. ప్రస్తుతం ఇది సోషల్ మీడియాలో సంచలనంగా మారింది. తనను చంపాలని చూస్తున్నారంటూ.. కేఏ పాల్ మాట్లాడినట్లు ఆ ఆడియోలో ఉంది. డిసెంబర్ 25న ఫుడ్ పాయిజన్‌తో తనను చంపాలని చూశారని సంచలన ఆరోపణలు చేశారు.
ప్రజాశాంతి పార్టీ అధ్యక్షుడు కేఏ పాల్ పేరుతో ఒక ఆడియో లీక్ అయింది. ఆయనకు గ్లోబల్‌ పీస్‌ మేకర్‌గా పేరుంది. అప్పుడప్పుడూ ప్రపంచ దేశాల అధ్యక్షులందరూ తనకు తెలుసని తెగ సందడి చేస్తూ ఉంటారు. ప్రస్తుతం ఇది సోషల్ మీడియాలో సంచలనంగా మారింది. తనను చంపాలని చూస్తున్నారంటూ.. కేఏ పాల్ మాట్లాడినట్లు ఆ ఆడియోలో ఉంది. డిసెంబర్ 25న ఫుడ్ పాయిజన్‌తో తనను చంపాలని చూశారని సంచలన ఆరోపణలు చేశారు. అయితే ఎవరు చేశారన్న విషయాన్ని మాత్రం ప్రకటించలేదు. ఫుడ్ పాయిజన్ కారణంగా ఎవరికీ చెప్పకుండా తాను విశాఖలో చికిత్స పొందుతున్నట్లు కేఏ పాల్ తన ఆడియోలో చెబుతున్నారు. విశాఖపట్నంలోని ఓ ఆసుపత్రిలో చికిత్స పొందుతున్నానని చెప్పారు. ఫుడ్ పాయిజనింగ్ తర్వాత ప్రస్తుతం కోలుకుంటున్నానని.. దేవుడి దయ వల్ల ప్రాణాలతో బతికి బయటపడ్డానంటూ చెప్పుకొచ్చారు.
ఈ విషయం బయటకు చెప్పొచ్చో లేదోనని ఇన్నాళ్లు మౌనంగా ఉన్నట్లు తెలిపారు. పది రోజుల నుంచి నరకం అనుభవిస్తున్నానన్నారు. రాజకీయ కుట్రలతో తనపై హత్యాయత్నం జరిగిందని కేఏ పాల్ చెప్పినట్లుగా ఓ ఆడియో సామాజిక మాధ్యమాల్లో చక్కర్లు కొడుతోంది. ఇలా తనపై విష ప్రయోగం జరిగిందని కేఏ పాల్ పేరుతో ఆడియో లీక్ కావడం ఇది తొలిసారి కాదు. గతంలో కూడా ఇలాంటి సందర్భాలు అనేకం ఉన్నాయి. మెడికో ప్రీతి కేసు మొదలు గత ప్రభుత్వ వైఫల్యాలపై ప్రశ్నించినందుకు తనను టార్గెట్‌ చేశారని అనేక సార్లు మీడియా ముందుకు వచ్చారు. చాలా కాలం గ్యాప్ తరువాత తిరిగి మరోసారి విషప్రయోగం అంటూ ఆడియో వైరల్‌గా మారడం చర్చనీయాంశమవుతోంది.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
