Pawan Kalyan: పవన్ కల్యాణ్‌కు ఎన్ని కోట్ల అప్పులున్నాయో తెలుసా? జనసేన అధినేత ఆస్తులు, విరాళాల వివరాలివే

జనసేన అధ్యక్షులు పవన్ కల్యాణ్ మంగళవారం పిఠాపురం అసెంబ్లీ స్థానానికి నామినేషన్ దాఖలు చేశారు. ఈ సందర్భంగా తన పేరిట ఉన్న ఆస్తులు, అప్పులు అలాగే గత ఐదేళ్లలో తన ఆదాయం, చెల్లించిన పన్నుల వివరాలను క్షుణ్ణంగా అందులో పొందు పరిచారు. దీని ప్రకారం గత అయిదేళ్ళలో పవన్ కళ్యాణ్ సంపాదన

Janasena Chief Pawan Kalyan

Basha Shek |

Updated on: Apr 23, 2024 | 8:55 PM

జనసేన అధ్యక్షులు పవన్ కల్యాణ్ మంగళవారం పిఠాపురం అసెంబ్లీ స్థానానికి నామినేషన్ దాఖలు చేశారు. ఈ సందర్భంగా తన పేరిట ఉన్న ఆస్తులు, అప్పులు అలాగే గత ఐదేళ్లలో తన ఆదాయం, చెల్లించిన పన్నుల వివరాలను క్షుణ్ణంగా అందులో పొందు పరిచారు. దీని ప్రకారం గత అయిదేళ్ళలో పవన్ కళ్యాణ్ సంపాదన రూ.114,76,78,300. ఇందుకు సంబంధించి ఆదాయ పన్నుగా రూ.47,07,32,875, జీఎస్టీకి రూ.26,84,70,000 చెల్లించారు. ఇక జనసేన అధినేతకు రూ.64,26,84,453 అప్పులు ఉన్నాయి. ఇందులో వివిధ బ్యాంకుల నుంచి రూ.17,56,84,453, వ్యక్తుల నుంచి తీసుకున్నవి రూ.46 కోట్ల 70 లక్షలు ఉన్నాయి. ఇక వివిధ సంస్థలకు, జనసేన పార్టీ చేపట్టే సేవా కార్యక్రమాలు, పార్టీ కార్యక్రమాల నిమిత్తం రూ. 20 కోట్లకు పైగానే విరాళాలు అందించారు పవన్ కల్యాణ్. ఇందులో జనసేనకు రూ.17,15,00,000 ఉన్నాయి. పార్టీ చేపట్టిన కౌలు రైతు భరోసా, క్రియాశీలక కార్యకర్తలకి ప్రమాద బీమా లాంటి కార్యక్రమాలకు ఉపయోగపడేలా వేర్వేరు సందర్భాలలో విరాళాలు ఇచ్చారు.

అలాగే వివిధ సంస్థలకు రూ.3,32,11,717 విరాళాలు అందచేసినట్లు తన నామినేషన్ పత్రాల్లో చూపంచారు పవన్ కల్యాణ్..

ఇవి కూడా చదవండి

కేంద్రీయ సైనిక్ బోర్డు – రూ.1 కోటి
పి.ఎం. సిటిజెన్ ఆసిస్టెన్స్ అండ్ రిలీఫ్ ఫండ్ – రూ.1 కోటి
ఆంధ్ర ప్రదేశ్ ముఖ్యమంత్రి సహాయ నిధి – రూ.50 లక్షలు
తెలంగాణ ముఖ్యమంత్రి సహాయ నిధి – రూ.50 లక్షలు
శ్రీరామ జన్మభూమి తీర్థ్ క్షేత్ర ట్రస్ట్ – రూ.30,11,717
పవన్ కల్యాణ్ లెర్నింగ్ సెంటర్ ఫర్ హ్యూమన్ ఎక్స్ లెన్స్ – రూ.2 లక్షలు

క్లుప్తంగా..

• పవన్ కల్యాణ్ గత అయిదేళ్ళ సంపాదన రూ.114.76 కోట్లు •ప్రభుత్వానికి చెల్లించిన పన్నులు రూ.73.92 కోట్లు •అందచేసిన విరాళాలు రూ.20 కోట్లు •అప్పులు రూ.64.26 కోట్లు

నామినేషన్ దాఖలు చేస్తోన్న పవన్ కల్యాణ్..

పిఠాపురం శాసనసభ అభ్యర్ధిగా నామినేషన్ దాఖలు చేసిన శ్రీ @PawanKalyan గారు @pithapuramjsp #PawanKalyanWinningPithapuram #VoteForGlass #Pithapuram pic.twitter.com/0Ou5LCbffP

— JanaSena Party (@JanaSenaParty) April 23, 2024