Andhra Pradesh: అదంతా ఫేక్ ప్రచారం.. క్రోసూరు ఘటనపై ఏపీ ప్రభుత్వం వివరణ ఇదే
ఈనెల 12న పల్నాడు జిల్లా క్రోసూరు మండలంలో నాలుగో విడత జగనన్న విద్యా కానుక కిట్ల పంపిణీ ప్రారంభోత్సవంలో సీఎం జగన్ పాల్గొన్న విషయం తెలిసిందే. అయితే ఈ కార్యక్రమంలో భాగంగా సీఎం జగన్ తన కాన్వాయ్లో వెళ్తుండగా ఓ మహిళ తన బిడ్డ సమస్య చెప్పుకునేందుకు ఆయన వాహనానికి ఎదురుగా వచ్చింది.
Updated on: Jun 13, 2023 | 9:21 PM
ఈనెల 12న పల్నాడు జిల్లా క్రోసూరు మండలంలో నాలుగో విడత జగనన్న విద్యా కానుక కిట్ల పంపిణీ ప్రారంభోత్సవంలో సీఎం జగన్ పాల్గొన్న విషయం తెలిసిందే. అయితే ఈ కార్యక్రమంలో భాగంగా సీఎం జగన్ తన బస్సులో వెళ్తుండగా ఓ మహిళ తన బిడ్డ సమస్య చెప్పుకునేందుకు ఆయన వాహనానికి ఎదురుగా వచ్చింది. దీంతో సీఎం ఆమెను పట్టించుకోకుండా కారులో ముందుకు వెళ్లిపోయారంటూ ఓ వార్త పత్రికలో కథనం వచ్చింది. అలాగే కాన్వాయ్ నుంచి తప్పించేందుకు ఆమె పట్ల దురుసుగా ప్రవర్తించారని సోషల్ మీడియాలో కూడా వైరల్ అయింది. అయితే దీనికి సంబంధించి ఏపీ ఫ్యాక్ట్ చెక్ స్పందించింది. ఈ వార్తలన్నీ అవాస్తవం అని కొట్టిపారేసింది. ఈ విషయంపై వివిధ రాజకీయ పార్టీలు చేస్తున్న ఆరోపణలు కూడా అవాస్తవాలేనని స్పష్టం చేసింది.
కాన్వయ్కు ఎదురుగా వచ్చిన వారిని సీఎం జగన్ గమనించారని.. వెంటనే భద్రతా సిబ్బందికి చెప్పి ఆ మహిళను తీసుకురావాలంటూ ఆదేశించారని ఫ్యాక్ట్ చెక్ తెలిపింది. ఆ తర్వాత భద్రతా సిబ్బంది, జాయింట్ కలెక్టర్ ఆమెను సీఎం వద్దకు పంపించారని చెప్పింది. వారి సమస్యను తెలుసుకున్న ముఖ్యమంత్రి తక్షణమే స్పందించి ఆ మహిళ కుమారుడి విరిగిన చేయి కోసం రూ.లక్ష ఆర్థిక సహాయం చేశారని పేర్కంది. అంతేకాకుండా ఆ బాలుడికి ఎప్పటికప్పుడు ఫిజియోథెరపీ చేయించవలసిందిగా ఆదేశించారని వెల్లడించింది.
‘తన కొడుకు అనారోగ్య పరిస్థితిని జగన్కి చెప్పుకుని సాయం పొందుదామని ఆయన కాన్వాయ్ వెంట పడిన ఈ పేదరాలిని ఎలా పక్కకు నెట్టేసారో చూడండి’ అంటూ సోషల్ మీడియాలో జరుగుతున్న ప్రచారం అవాస్తవం. ముఖ్యమంత్రి వైయస్ జగన్ గారు అప్పుడే ఆమెతో మాట్లాడి, వెంటనే సాయమూ చేశారు. 1/2 https://t.co/NFIagx0b7q pic.twitter.com/Qn7jukJmjz
— FactCheck.AP.Gov.in (@FactCheckAPGov) June 13, 2023
మరిన్ని ఆంధ్రప్రదేశ్ వార్తల కోసం..
