Artificial Blood For Humans: అన్ని రకాల బ్లడ్ గ్రూప్‌ల వారికి సరిపోయే విధంగా కృత్రిమ రక్తాన్ని సృష్టించిన మానవ మేథస్సు

మనిషి రక్తం చూడడానికి ఎరుపురంగే.. కానీ రక్తంలో అనేక గ్రూప్ లుంటాయి. ఆ గ్రూప్స్ బట్టే అవసరమైన వారికి రక్తం ఇవ్వాలి లేదా స్వీకరించాలి.. అయితే ఒకొక్కసారి అత్యవసర పరిస్థితిల్లో అనుకున్న సమయానికి రక్తం ఎక్కించాల్సి ఉన్నా.. వారికీ సేమ్ బ్లడ్ దొరకడం కష్టమవుతుంది. అటువంటి సమయంలో...

  • Surya Kala
  • Publish Date - 5:08 pm, Fri, 12 February 21
Artificial Blood For Humans: అన్ని రకాల బ్లడ్ గ్రూప్‌ల వారికి సరిపోయే విధంగా కృత్రిమ రక్తాన్ని సృష్టించిన మానవ మేథస్సు

Artificial Blood For Humans: మనిషి రక్తం చూడడానికి ఎరుపురంగే.. కానీ రక్తంలో అనేక గ్రూప్ లుంటాయి. ఆ గ్రూప్స్ బట్టే అవసరమైన వారికి రక్తం ఇవ్వాలి లేదా స్వీకరించాలి.. అయితే ఒకొక్కసారి అత్యవసర పరిస్థితిల్లో అనుకున్న సమయానికి రక్తం ఎక్కించాల్సి ఉన్నా.. వారికీ సేమ్ బ్లడ్ దొరకడం కష్టమవుతుంది. అటువంటి సమయంలో యూనివర్సల్ బ్లడ్ డోనార్ గా పిలవబడే O -ve రక్తాన్ని ఎక్కిస్తారు. అయితే ఈ గ్రూప్ రక్తం ఉన్నవారు బహు అరుదు.. దీంతో పరిశోధకులు తమ మెదడుకు పదును పెట్టారు.. కృతిమ మేథస్సు.. మనిషిని కనిపెట్టాలని కష్టపడుతున్న మానవ మేథస్సు కృతిమ రక్తం కనుగొనే దిశగా అడుగులు వేసింది. ఈ సమస్యకు చెక్ చెప్పే దిశగా జపాన్ కు చెందిన శాస్త్రవేత్తల బృందం ఓ పరిష్కారం కనిపెట్టే దిశగా ప్రయత్నాలు మొదలు పెట్టారు. వివరాల్లోకి వెళ్తే..

జపాన్‌ లోని తొకోరోజవా నగరంలో గల నేషనల్ డిఫెన్స్ మెడికల్ కాలేజ్‌ లో అధునాతన పద్దతులతో కృత్రిమ రక్తాన్ని రూపొందించారు. ఈ కృతిమ రక్తంలో కూడా సహజమైన బ్లడ్ లో ఉన్నట్లుగానే ఆక్సిజన్, ఎర్ర రక్త కణాలు అలాగే రక్తాన్ని గడ్డకట్టించే ప్లేట్‌లెట్స్‌ ఉంటాయట. ఈ పరిశోదన కోసం వారు రక్తహీనత కలిగిన 10 కుందేళ్లను తీసుకుని ఈ రక్తాన్ని వాటికి ఎక్కించారు. ఈ పరిశోదన జరిపిన కుందేళ్లల్లో ఆరు కుందేళ్ళు జీవించి ఉన్నాయి.. మరో నాలుగు మృతి చెందాయి.

దీంతో ఈ కృత్రిమ రక్తం కుందేళ్ళ ప్రాణాన్ని ఎలా నిలిపిందో.. అదే విధంగా మనుషుల ప్రాణం కూడా కాపాడుతుందని శాస్త్రవేత్తలు చెప్పారు. ఈ కృత్రిమ రక్తం అన్ని రకాల బ్లడ్ గ్రూప్స్ వారికి సరిపోతుందన్నారు. అంతేకాదు ఈ శాస్త్రవేత్తలు రూపొందించిన ఈ కృత్రిమ రక్తం ఏకంగా ఓ ఏడాదిపాటు నిలువ ఉంటుందట. అలాగే ఈ రక్తాన్ని కుందేళ్లకు ఎక్కించిన సమయంలో కానీ ఆ తర్వాత కానీ వాటిల్లో ఎలాంటి సైట్ ఎఫెక్ట్‌లు కనిపించలేదని శాస్త్రవేత్తలు .. కనుక ఈ కృత్రిమ రక్తం మనిషికి అన్ని విధాలా సేఫ్ అంటూ ధీమా వ్యక్తం చేస్తున్నారు.

Also Read:

అద్భుతమైన ఫీచర్లతో శామ్‌సంగ్ 5జీ స్మార్ట్‌ఫోన్.. ఎప్పటినుంచి అందుబాటులోకి రానుందంటే..?

ప్రశ్నార్థకంగా ‘కూ’ యూజర్ల వ్యక్తిగత వివరాలు..? ఫ్రెంచ్‌ సెక్యూరిటీ పరిశోధకుడి సంచలన వ్యాఖ్యలు..