కోళ్లు, మేకలు, చేపలను చంపకుండానే మాంసం..అదే టేస్ట్, అదే స్మెల్..సింగపూర్‌లో నయా మీట్ !

చికెన్ కావాలంటే.. కోళ్లు ఉండాలి. మటన్ కావాలంటే మేకలు ఉండాలి. ఫిష్‌ కావాలంటే చేపలు ఉండాలి.. అయితే ఇలాంటి ఏమీ లేకుండానే కృత్రిమ మాంసాన్ని తయారు చేసేందుకు రెడీ అయ్యారు సింగపూర్‌ శ్రాస్తవేత్తలు. అవును మీరు విన్నది నిజమే.. ప్రయోగశాలల్లో కృత్రిమ మాంసాన్ని అభివృద్ధి చేసేందుకు ఎప్పటినుంచో శాస్త్రవేత్తలు పరిశోధనలు చేస్తున్నారు. కానీ మారుతున్న జీవన శైలితో పోషకాహారం అవసరంపై ప్రపంచ వ్యాప్తంగా అవగాహన పెరుగుతోంది. మరోవైపు మాంసం కోసం జంతువులను చంపడాన్ని ఎన్నో దేశాలు వ్యతిరేకిస్తున్నాయి. ఈ నేపథ్యంలో ప్రయోగశాలల్లో అభివృద్ధి చేసిన ల్యాబ్‌ మీట్‌పై పరిశోధనలు ఊపందుకున్నాయి.

తాజాగా ఈట్ జస్ట్ అనే యూఎస్‌ స్టార్టప్‌ ల్యాబ్‌లో అభివృద్ధి చేసిన చికెన్‌ను అమ్మేందుకు సింగపూర్ ప్రభుత్వం అనుమతిచ్చింది. దీంతో కృత్రిమ మాంసం వినియోగానికి అధికారింగా అనుమతిచ్చిన మొదటి దేశంగా సింగపూర్‌ నిలిచింది. ఆరోగ్యం, పర్యావరణం, జంతువుల సంరక్షణపై వినియోగదారులు ఆందోళన చెందాల్సిన అవసరం లేకుండా.. సాధారణ మాంసానికి ప్రత్యామ్నాయాల కోసం డిమాండ్ పెరుగుతోంది.  ఇప్పటికే కొన్ని కంపెనీలు మొక్కల ఆధారిత మాంసాన్ని, క్లీన్ కల్చర్డ్ మీట్‌ను అభివృద్ధి చేసి సూపర్ మార్కెట్లు, రెస్టారెంట్లకు సప్లై చేసేందుకు ఏర్పాట్లు చేసుకున్నాయి. తాజాగా వార్తల్లో నిలుస్తున్న ఈ క్లీన్ లేదా కల్చర్డ్ మీట్‌ను ప్రయోగశాలలో జంతువుల కండరాల కణాల నుండి అభివృద్ధి చేశారు.

Also Read :

Concussion Substitute : కంకషన్​ సబ్​స్టిట్యూట్​ అంటే ఏంటి? దాని కోసం రూపొందించిన నియమాలు ఏంటి?

బీజేపీ రాజ్యసభ సభ్యుడు సుజనా చౌదరి ఇంట తీవ్ర విషాదం, ఎంపీకి ప్రముఖుల పరామర్శ

తెలుగు చిత్ర పరిశ్రమలో సంచలనం, ఒకే మూవీలో పవర్ స్టార్, సూపర్ స్టార్, ఫ్యాన్స్‌కు పూనకాలే !