New World Record: రన్నింగ్లో వరల్డ్ రికార్డ్ క్రియేట్ చేసిన 41ఏళ్ల వ్యక్తి.. 24 గంటల్లో 319 కిలోమీటర్లు పరిగెత్తాడు..
41ఏళ్ల వ్యక్తి రన్నింగ్లో వరల్డ్ రికార్డ్ క్రియేట్ చేశాడు..24 గంటల్లో అతను 319.614 కిలోమీటర్ల దూరం పరిగెత్తాడు. ఆ రన్నర్ సగటున ఒక కిలోమీటర్ దూరాన్ని 4.30 నిమిషాల్లో దాటేశాడు.
Updated on: Sep 20, 2022 | 9:19 PM
New World Record : 41ఏళ్ల వ్యక్తి రన్నింగ్లో వరల్డ్ రికార్డ్ క్రియేట్ చేశాడు.. ఇటలీలోని వెరోనాలో జరుగుతున్న యురోపియన్ ఛాంపియన్షిప్లో 41 ఏళ్ల లిథువేనియన్ రన్నర్ అలెగ్జాండర్ సోరోకిన్ కొత్త వరల్డ్ రికార్డు సృష్టించాడు. 24 గంటల్లో అతను 319.614 కిలోమీటర్ల దూరం పరిగెత్తాడు. ఆ రన్నర్ సగటున ఒక కిలోమీటర్ దూరాన్ని 4.30 నిమిషాల్లో దాటేశాడు. గతంలో అతని పేరిట ఉన్న రికార్డునే సోరోకిన్ బ్రేక్ చేశాడు. గత ఏడాది ఆగస్టులో 24 గంటల్లో అతను 303.506 కిలోమీటర్ల దూరం పరిగెత్తి సత్తా చాటాడు.
ఈ రికార్డుపై తన ఇన్స్టాగ్రామ్లో అతను స్పందించాడు.. అలసిపోయానని, కానీ రికార్డు పట్ల రెండింతలు ఆనందంతో ఉన్నట్లు చెప్పాడు. సపోర్ట్ ఇచ్చిన వాళ్లకు అతను ధన్యవాదాలు తెలిపాడు. పోలాండ్ రన్నర్ పియోట్రోస్కీ 24 గంటల్లో 301.858 కిలోమీటర్ల దూరం పరుగు తీసి రెండో స్థానంలో నిలిచాడు. ఇటలీకి చెందిన మార్కో విసినిటీ 288 కిలోమీటర్ల దూరం పరుగు తీసి మూడవ స్థానంలో నిలిచాడు.
మరిన్ని అంతర్జాతీయ వార్తల కోసం ఇక్కడ క్లిక్ చేయండి
