NRI News: అమెరికా వెళ్లే భారతీయులకు గుడ్న్యూస్.. కొత్త చట్టాన్ని ఆమోదించిన అగ్రరాజ్యం..
US హౌస్ ఆఫ్ రిప్రజెంటేటివ్స్ అమెరికా కాంపెటెట్స్(Amercia COMPETES) చట్టాన్ని ఆమోదించింది. ఆవిష్కరణలు, వ్యవస్థాపకులను ఆకర్షించే రంగంలో చైనాను ఎదుర్కోవాలని లక్ష్యంగా పెట్టుకుంది...
US హౌస్ ఆఫ్ రిప్రజెంటేటివ్స్ అమెరికా కాంపెటెట్స్(Amercia COMPETES) చట్టాన్ని ఆమోదించింది. ఆవిష్కరణలు, వ్యవస్థాపకులను ఆకర్షించే రంగంలో చైనాను ఎదుర్కోవాలని లక్ష్యంగా పెట్టుకుంది. Amercia COMPETES చట్టంతో హౌస్ వెర్షన్ ఎంటర్ప్రెన్యూర్షిప్, STEM డాక్టరేట్లను చేపట్టాలనుకునే వారి కోసం ఇమ్మిగ్రేషన్-సంబంధిత మార్పులు చేసుకోవచ్చు. ఈ చట్టం గ్రీన్ కార్డ్(green card)ను సులభంగా యాక్సెస్ చేయడానికి వీలు కల్పిస్తుంది. ఈ చట్టాన్ని అమెరికా స్టార్టప్(startup) సంస్కృతిని బలోపేతం చేయడం కోసం తీసుకొచ్చారు. ఈ చట్టం భారతదేశం వంటి దేశాలకు ప్రయోజనకరంగా ఉంటుంది.
గత ఏడాది జూన్లో సెనేట్ మరొక సంస్కరణను ఆమోదించింది. స్టార్టప్ వీసాలను అందించడానికి ఈ చట్టం ఇమ్మిగ్రేషన్, జాతీయత చట్టాన్ని సవరించనుంది. ‘W’ కేటగిరీ వీసా W-1, W-2, W-3 అనే మూడు వర్గీకరిస్తారు. స్టార్టప్లపై యాజమాన్య ఆసక్తి ఉన్న విదేశీ పౌరులకు W-1 వీసా ఇస్తారు. W-2 వీసా స్టార్టప్ నిర్వహణకు కీలకమైన సిబ్బందికి, W-1, W-2 వీసాదారుల జీవిత భాగస్వాములు, పిల్లలకు W-3 వీసా ఇస్తారు.
విదేశీయుడు అర్హత పొందిన యూఎస్ పౌరుడికి చెందిన స్టార్టప్లో కనీసం 10% వాటాతో పాటు కనీసం 250,000 డాలర్ల పెట్టుబడి కలిగి ఉండాలి లేదా పిటిషన్ తేదీకి ముందు 18 నెలల వ్యవధిలో ప్రభుత్వ అవార్డులు లేదా గ్రాంట్లలో 100,000 డాలర్లు ఉండాలి. US విశ్వవిద్యాలయం లేదా సమానమైన విదేశీ సంస్థలో STEMలో డాక్టరల్ డిగ్రీని కలిగి ఉన్నవారికి గ్రీన్ కార్డ్ జారీకి సంబంధించిన ఉన్న పరిమితిని కూడా ఈ చట్టం తొలగిస్తుంది. USలో ఉండి పని చేయాలనుకునే హాంకాంగ్ నివాసితులకు కూడా చట్టంలో నిబంధనలు ఉన్నాయి.
Read Also.. Gandhi Statue: గాంధీ విగ్రహాన్ని ధ్వంసం చేసిన దుండగులు.. తీవ్రంగా ఖండించిన భారతీయులు..