చైనీయుల బుర్రలే బుర్రలు ! తోడేలనుకుని జూ లో కుక్కను ఉంచారు, ఎందుకంటే ?

ఓ వైపు చైనా వాళ్ళు చాలా మేధావులని ప్రపంచ వ్యాప్తంగా చెప్పుకుంటుంటే మరోవైపు వారి తెలివి తెల్లారినట్టే ఉందని కూడా అంటున్నారు. ఇందుకు కారణం వారు తోడేలనుకుని ఓ కుక్కను జూ లో బంధించడమే. సెంట్రల్ చైనా లోని హుబె ప్రావిన్స్ లో గల జియాంగ్ వుషాన్ జూలో ఆశ్చర్యకరమైన ఈ దృశ్యం కనబడింది. ఓ పెద్ద మనిషి ఈ జూకు వెళ్లి రకరకాల జంతువులను చూస్తూ చటుక్కున ఓ చోట ఆగిపోయాడు. తోడేలు అని బోర్డు రాసి ఉన్న ఓ ఎన్ క్లోజర్ వద్ద పరీక్షగా చూస్తే లోపల ఓ పెద్ద కుక్క కనబడింది. అంతే ! ‘ వూఫ్ ! ఆర్ యూ ఎ వుల్ఫ్ ” (వావ్ ! నువ్వు తోడేలువా)  అంటూ తనకు తానే అరిచినంత పని చేశాడు. ఈ వీడియో చైనా సోషల్ మీడియాలో వైరల్ అయింది కూడా. అనేకమంది ఆశ్చర్యపోతూ దీనిపై రకరకాలుగా ట్వీట్లు చేశారు.

అయితే కరోనా వైరస్ పాండమిక్  సమయంలో తమ జూకు నిధుల కటకట ఏర్పడినందున ఇలా ఏదో ఒకటి చేయాల్సి వచ్చిందని ఈ జూ ఉద్యోగి ఒకరు చెప్పారు. నిజానికి ఈ ఎన్ క్లోజర్ లో తోడేలు ఉండేదని, అయితే అది ముసలిదై చనిపోయిందని ఆయన అన్నాడు. దాంతో ఆ ఎన్ క్లోజర్ ని ఖాళీగా ఉంచడమెందుకని తాత్కాలికంగా కుక్కను తెఛ్చి అక్కడ ఉంచామన్నాడు. ఇది విని మరింత ఆశ్చర్య పోతూ ఆ పెద్ద మనిషి నోరెళ్ళబెట్టాడు. ఇది నమ్మాలో, నమ్మకూడదో తెలియలేదు ఆయనకు.

గతంలో కూడా జూలో సైబీరియా పులులకు ఉద్దేశించిన ఓ ఎన్ క్లోజర్ లో వాటి బదులు  ఇలాగే కుక్కను ఉంచిన ‘ఘనత’ చైనావారికే ‘దక్కింది’.

మరిన్ని ఇక్కడ చదవండి:

ఆ అపురూప ఘట్టానికి సరిగ్గా పదేళ్లు.. తెలంగాణ ఉద్యమాన్ని మలుపు తిప్పిన మిలియన్‌ మార్చ్‌

Nick Jonas About Priyanka : భూమి మీద ఉన్న అందమైన మహిళల్లో నా భార్య సెపరేట్ అంటున్న నిక్ జోనాస్