75 మంది యాత్రికులతో వెళ్తున్న బస్సుకు ప్రమాదం..100 మీటర్ల లోయలో పడి పలువురు మృతి..

శ్రీలంకలో ఘోర బస్సు ప్రమాదం జరిగింది. శ్రీలంకలో ఆదివారం ప్రయాణికుల బస్సు కొండపై నుంచి జారిపడి దాదాపు 21 మంది మరణించినట్టుగా తెలుస్తోంది. ఈ ప్రమాదంలో 30 మందికి పైగా గాయపడ్డారని పోలీసులు తెలిపారు. కోట్మలే మధ్య కొండ ప్రాంతం గుండా బస్సు ప్రయాణిస్తుండగా ఈ ప్రమాదం జరిగిందని తెలిసింది. డ్రైవర్ నియంత్రణ కోల్పోవడంతోనే బస్సు లోయలో పడినట్లుగా తెలిసింది. బౌద్ధ యాత్రికులతో ప్రయాణిస్తున్న బస్సులో 75 మంది వరకు ఉన్నట్లు సమాచారం. దక్షిణ యాత్రా స్థలం కటరగమ నుండి వాయువ్య పట్టణం కురునెగలకు తీసుకెళ్తుండగా కొండ చరియ నుండి 100 మీటర్ల లోతున పడిపోయిందని పోలీసులు తెలిపారు.

ఈ ప్రమాదంలో 21 మంది మరణించారని రవాణా, రహదారుల ఉప మంత్రి ప్రసన్న గుణసేన తెలిపారు. ఈ విషాదంలో 30 మందికి పైగా ప్రయాణికులు కూడా గాయపడ్డారు. శ్రీలంకలో ఘోరమైన బస్సు ప్రమాదాలు సర్వసాధారణం. నిర్లక్ష్యంగా డ్రైవింగ్ చేయడం,యు రోడ్లు సరిగా నిర్వహించకపోవడం వల్ల తరచుగా ప్రమాదాలు సంభవిస్తాయని ప్రజలు వాపోతున్నారు.

ఇవి కూడా చదవండి

అందగత్తెల ఆనందం కోసం కొత్తరూపు దిద్దుకున్న చారిత్రక నిర్మాణాలు

ఇంట్లో పెంచుకోవాల్సిన ఔషధ మొక్కలు..వీటితో అందం, ఆరోగ్యం మీ సొంతం!

బిర్యానీ ఆకుతో బేఫికర్‌.. ఆరోగ్య ప్రయోజనాలు తెలిస్తే అవాక్కే

వీరుడా వందనం.. పాకిస్తాన్‌తో పోరులో దేశ సేవకు అమరుడైన మురళీ నాయక్

మరిన్ని అంతర్జాతీయ వార్తల కోసం క్లిక్ చేయండి..