Watch: మరి కాసేపట్లో పెళ్లి.. గాల్లోకి వధువు కాల్పులు.. వీడియో వైర‌ల్.. ఆ తర్వాత ఏమైందంటే..?

Bride Firing in Air – Viral Video: దేశంలోని పలుచోట్ల శుభకార్యాలు నిర్వహించేటప్పుడు గాల్లోకి కాల్పులు జరుపుతున్న సంఘటనలు తరచుగా వెలుగులోకి వస్తున్న సంగతి తెలిసిందే. తాజాగా ఓ పెళ్లి కూతురు గాల్లోకి కాల్పులు జ‌రిపి వార్త‌ల్లో నిలిచింది. అంతేకాదు ఆ వీడియో సోష‌ల్ మీడియాలో విప‌రీతంగా వైర‌ల్ కావడంతో పోలీసులు కేసు నమోదు చేశారు. ఈ సంఘటన ఉత్త‌ర‌ప్ర‌దేశ్ ప్ర‌తాప్‌ఘ‌ఢ్ జిల్లాలోని జెత్వారా ప్రాంతంలో చోటుచేసుకుంది. పెళ్లికూతురు రూపా పాండే త‌న వివాహ ముహుర్తానికి ముందు స్టేజ్ ఎక్కుతున్న వరుడు తుపాకీ ఇవ్వగా.. ఆమె గాల్లోకి కాల్పులు జ‌రిపింది. అనంతరం రామ్‌ నివాస్, రూపా పాండే వివాహం జరిగింది. అనంతరం దీనికి సంబంధించిన వీడియో సోషల్ మీడియాలో తెగ వైరల్ అయింది.

మీరు కూడా వీడియో చూడండి..

सोशल मीडिया पर 30 मई का वीडियो वायरल है. प्रतापगढ़ के जेठवारा थाना क्षेत्र के लक्ष्मण का पुरवा में दुल्हन ने स्टेज पर चढ़ने के पहले अपने चाचा की लाइसेंसी रिवॉल्वर से हर्ष फायर किया. पुलिस ने नई दुल्हन रूपा पांडेय और चाचा रामनिवास पांडेय के खिलाफ मामला दर्ज कर जांच शुरू कर दी है. pic.twitter.com/lWYkL7vlVK

— The Lallantop (@TheLallantop) June 1, 2021

ఇది కాస్తా పోలీసుల దాకా చేరడంతో.. అధికారులు సీరియస్ అయ్యారు. దీంతో పోలీసులు కేసు న‌మోదు చేసి ద‌ర్యాప్తు చేప‌ట్టారు. రూపా పాండే కాల్పులు జ‌రిపిన రివాల్వ‌ర్ ఆమె మామ రామ్ నివాస్ పాండేది అని పోలీసులు గుర్తించారు. ఇది లైసెన్స్‌డ్ గన్ అని పోలీసులు వెల్లడించారు. ఈ మేరకు రూపా పాండేతో పాటు ఆమె మామ రామ్ నివాస్‌పై పోలీసులు ఆయుధ చట్టం కింద కేసు న‌మోదు చేసి దర్యాప్తు చేపట్టారు. ఇలాంటి సంఘటనలు బీహార్, యూపీ తదితర రాష్ట్రాల్లో తరచూ జరుగుతుంటాయి. శుభకార్యాలు జరుపుతున్న క్రమంలో గాల్లోకి కాల్పులు జరుపుతుంటారు. ఈ క్రమంలో చాలామంది మరణించిన సంఘటనలు కూడా ఉన్నాయి.

Also Read:

Ajith Bomb Threat: హీరో అజిత్ ఇంట్లో బాంబు.. స‌మాచారం అందుకున్న పోలీసులు త‌నిఖీలు చేయగా..

Private Hospitals: కొనసాగుతున్న ప్రైవేట్ హాస్పిటల్స్ దోపిడీ.. కరోనాతో చనిపోయిన వ్యక్తికి రూ.18 లక్షల బిల్లు..!