Funny Video: కళ్లజోడు అంత ఖరీదా.. కుమార్తె కొన్న చెష్మా రేటు తెలుసుకుని.. తండ్రి ఎలా రియాక్ట్‌ అయ్యాడో తెలుసా..
మహిళలు షాపింగ్ అంటే ఎంతో ఇష్టపడతారు. ఒక్కోసారి కుటుంబ సభ్యులతో కలిసి షాపింగ్ చేస్తూ ఉంటాం. మరికొన్ని సందర్భాల్లో ఒక్కరే షానింగ్‌కు వెళ్తుంటారు. ఒక్కోసారి మన షాపింగ్ చూసి కుటుంబ సభ్యులే ఎగతాళి చేస్తూ ఉంటారు. కొన్ని సందర్భాల్లో మంచి వస్తువులు కొంటే..
Updated on: Dec 11, 2022 | 8:06 PM
మహిళలు షాపింగ్ అంటే ఎంతో ఇష్టపడతారు. ఒక్కోసారి కుటుంబ సభ్యులతో కలిసి షాపింగ్ చేస్తూ ఉంటాం. మరికొన్ని సందర్భాల్లో ఒక్కరే షానింగ్‌కు వెళ్తుంటారు. ఒక్కోసారి మన షాపింగ్ చూసి కుటుంబ సభ్యులే ఎగతాళి చేస్తూ ఉంటారు. కొన్ని సందర్భాల్లో మంచి వస్తువులు కొంటే.. షాపింగ్ చేస్తే నీతో కలిసి చేయాలని అంటుంటారు. ఫ్రెండ్స్ కూడా మన షాపింగ్‌పై కామెంట్స్ చేస్తుంటారు. నీకు అసలు టేస్టే లేదని కొంతమంది అంటుంటారు. అయితే తాజాగా కుమార్తె షాపింగ్‌లో కొన్న కళ్లజోడు గురించి తండ్రి రియాక్షన్ సోషల్ మీడియాలో వైరల్ అవుతోంది. సాధారణంగా కళ్లజోళ్లు బ్రాండ్‌ను బట్టి ధరలు ఆధారపడి ఉంటాయి. వంద రూపాయల నుంచి మొదలుపెడితే లక్షల రూపాయల ఖరీదు ఉంటాయి. తాజాగా ఓ తండ్రి తన కుమార్తెతో ఖరీదైన ఫెండీ గాగుల్స్ గురించి సరదాగా మాట్లాడిన వీడియో ఒకటి ఇంటర్నెట్‌లో వైరల్‌గా అవుతోంది. ఇన్‌స్టాగ్రామ్ యూజర్ కృతిక శర్మ షేర్ చేసిన వీడియోలో, ఆమె తన తండ్రితో జరిపిన ముచ్చట్లు చూడవచ్చు.
వీడియో ప్రారంభంలో షాపింగ్‌కు వెళ్లివచ్చిన యువతి తన తండ్రికి ఫెండి గాగుల్స్ పెట్టెను అందజేస్తుంది. ఆమె తండ్రి కళ్లజోడు గురించి అడుగుతూ.. ధర గురించి తెలుసుకుంటాడు. వెంటనే 1900 దిర్హామ్‌లు.. దాదాపు ఇండియన్‌ రూపీస్‌లో 42వేల రూపాయలుగా చెప్తుంది. రేటు తెలుసుకున్న వెంటనే తన తండ్రి అవాక్కయ్యారు. లోపల కళ్లజోడు జాగ్రత్తగా ఉంచుకోమని సలహా ఇచ్చాడు. ఈ వీడియో ఇప్పుడు సోషల్ మీడియాలో వైరల్ అవుతోంది.
ఈ వీడియో షేర్ చేసినప్పటి నుండి మూడు లక్షల కంటే ఎక్కువ మంది లైక్ చేశారు. అలాగే పలువురు ఫన్నీ రియాక్షన్స్ ఇచ్చారు. కొంతమంది నెటిజన్లు అమ్మాయి అందంపై కామెంట్స్ చేస్తే మరికొంతమంది రిచ్ గర్ల్ అంటూ కామెంట్స్ చేశారు.
మరిన్ని ట్రెండింగ్ వార్తల కోసం చూడండి..
