Funny Video: హలో మిస్.. మా నాన్న పోలీస్ తెలుసా.. స్కూల్‌లో టీచర్‌కు ఓరేంజ్‌లో దమ్కీ ఇచ్చిన బుడ్డోడు..
Funny Video: ఇటీవల ఇంటర్నెట్‌లో పిల్లల ఇన్నోసెంట్‌ వీడియోలు బాగా వైరలవుతున్నాయి. కొన్ని రోజుల క్రితం కోపంగా ఉన్న మేడమ్‌ను బుజ్జగించడం కోసం ఆమె బుగ్గలపై ఓ విద్యార్థి ముద్దుపెట్టిన సంగతి తెలిసిందే.
Updated on: Sep 22, 2022 | 12:47 PM
Funny Video: ఇటీవల ఇంటర్నెట్‌లో పిల్లల ఇన్నోసెంట్‌ వీడియోలు బాగా వైరలవుతున్నాయి. కొన్ని రోజుల క్రితం కోపంగా ఉన్న మేడమ్‌ను బుజ్జగించడం కోసం ఆమె బుగ్గలపై ఓ విద్యార్థి ముద్దుపెట్టిన సంగతి తెలిసిందే. దీనికి సంబంధించిన వీడియో నెట్టింట్లో తెగ వైరలైంది. ఆ చిన్నారిని ప్రయాగ్‌రాజ్‌లోని ఓ పాఠశాలలో ఎల్‌కేజీ చదువుతున్న అథర్వ్ సింగ్‌గా గుర్తించారు. ఇప్పుడు అలాంటి వీడియో మరొకటి సోషల్‌ మీడియాలో బాగా చక్కర్లు కొడుతోంది. నెటిజన్ల దృష్టిని ఆకర్షిస్తోన్న ఈ వీడియో ఎప్పుడు, ఎక్కడ తీశారనేది క్లారిటీ లేదు. అయితే బాబు తీరుపై మాత్రం నెటిజన్లు భిన్న రకాలుగా స్పందిస్తున్నారు.
వైరల్ అవుతున్న వీడియోలో ఓ స్టూడెంట్‌ ఏడుస్తూనే తన టీచర్‌ను బెదిరించడం మనం చూడవచ్చు. ముందుగా అమాయకంగా ముఖం పెట్టి’ మా నాన్న పోలీస్’ అని చిన్నారి చెబుతాడు. దీనికి రిప్లైగా మేడమ్‌ ‘ అయితే ఏం చేయాలి’ అని సమాధానమిస్తుంది. ఆ తర్వాత విద్యార్థి ‘గోలీమార్‌ దేంగే (బుల్లెట్‌తో కాలుస్తాను)’ అని చెబుతాడు. దీనికి టీచర్‌ నవ్వుతూ ‘నీకు చదువుకోవడం ఇష్టం లేదా’ అని అడుగుతుంది. ఇలా అమాయకత్వంతో టీచర్‌ని బెదిరించిన వీడియోను @Gulzar_sahab అనే ట్విట్టర్‌లో హ్యాండిల్‌తో షేర్ చేశారు ‘మా నాన్న పోలీసుల్లో ఉన్నారు’ అనే క్యాప్షన్‌ను జోడించారు. నెట్టింట్లో వైరలవుతోన్న ఈ వీడియోకు నెటిజన్ల నుంచి మిక్స్‌డ్‌ రియాక్షన్లు వస్తున్నాయి. కొంతమంది వీడియో ఫన్నీగా ఉందని కామెంట్‌ చేస్తుంటే మరికొందరు మాత్రం చిన్న పిల్లల్లో ఇలాంటి ఆలోచనలు చాలా ఆందోళన కలిగించే విషయమని హెచ్చరిస్తున్నారు.
मेरा पापा पुलिस में है ? pic.twitter.com/8najIWSeIE
— ज़िन्दगी गुलज़ार है ! (@Gulzar_sahab) September 20, 2022
మరిన్ని ట్రెండింగ్ వార్తల కోసం క్లిక్ చేయండి..
