Lawyers Wear Black Coat: న్యాయం కోసం పోరాడే న్యాయవాదులు నల్లకోటు ఎందుకు ధరిస్తారో తెలుసా? అసలు కారణం ఇదే..

న్యాయం కోసం వాదిస్తాడు కాబట్టి ఇతనిని న్యాయవాది(Advocate) అంటారు. న్యాయస్థానంలో కక్షి (వాది), ప్రతికక్షి (ప్రతివాది) ఈ ఇద్దరి మధ్య వ్యాజ్యపరమైన వివాదం జరుగునప్పుడు ఇరువర్గాలలో ఒకరి పక్షమున ఒకల్తా పుచ్చుకొని.. వారి తరుపున, వారిని సమర్థిస్తూ, న్యాయమూర్తి ఎదుట తన చట్టబద్దవాదనలు వినిపించేవాడు న్యాయవాది. ఇతనిని ప్లీడరు, వకీలు, అడ్వకేటు అని కూడా పిలుస్తారు. సివిల్ కేసులు వాదించే లాయరుని సివిల్ లాయరని, నేరాలకు సంబంధించిన కేసులను వాదించే అడ్వకేటును క్రిమినల్ న్యాయవాది అంటారు. అయితే న్యాయవాదులకు డ్రస్‍కోడ్‍ ఉంది. తెల్లచొక్కా మీద తెల్ల ప్యాంటు ధరించి, పైన నల్లకోటు(Black Gown) ధరించాలి. లాయర్లు కేవలం నల్లకోటు(Black Coat) వేసుకుని వాదించడం మీరు చూసి ఉంటారు. క్రాస్ ఎగ్జామినేషన్ మాత్రమే కాకుండా తన ఆఫీసుల్లో కూడా నల్లకోటు వేసుకుని కూర్చుంటారు. అన్నింటికంటే, న్యాయవాదులు ఈ రంగును ఎందుకు ధరిస్తారు. ఈ ధోరణి ఎప్పుడు ప్రారంభమైంది..? దీని వెనుక ఉన్న అసలు కథనం ఏంటో ఇప్పుడు తెలుసుకుందాం..

నల్లకోటు ధరించడానికి కారణం ఇదే..

న్యాయవాదులు నల్లకోటు ధరించడం వెనుక చాలా కారణాలున్నాయి. ఇది కాకుండా, ఇది చారిత్రక సంఘటనలతో కూడా ముడిపడి ఉంది. క్రీ.శ. 1694లో మశూచి కారణంగా క్వీన్ మేరీ మరణించిన తర్వాత న్యాయమూర్తులు.. న్యాయవాదులందరూ రాణి మరణానికి సంతాపంగా నల్లటి గౌనులు ధరించాలని రాజు విలియమ్సన్ ఆదేశించారని చెబుతారు. అయితే, న్యాయవాదులకు నలుపు రంగు దుస్తుల ప్రతిపాదన 1637లోనే ముందుకు వచ్చింది. అందుకు కారణం వారిని సామాన్యులకు భిన్నంగా చూపించడమే.

మరో కథనం కూడా ప్రచారంలో ఉంది. నల్లకోటును ఇంగ్లండ్‌లోనే లాయర్లు మొదటి ధరించారు. 1685లో ఇంగ్లండ్ రాజు చార్లెస్ II మరణించిన తర్వాత కోర్టు న్యాయవాదులందరూ సంతాపంగా నల్ల గౌను/కోర్టు ధరించాలని ఆదేశించారు. దీని తర్వాత కోర్టులో బ్లాక్ కలర్ కోర్టు ధరించే ట్రెండ్ మొదలైంది. నల్లకోటు వేసుకోవడం వెనుక త్వరగా మురికి పట్టదని కూడా వాదిస్తున్నారు. వారు దుస్తుల కోడ్‌కు కట్టుబడి ఉండాలి కాబట్టి.. కోర్టుకు ప్రతిరోజూ ధరించగలిగే అటువంటి రంగును ఎంచుకున్నట్లుగా ప్రచారంలో ఉంది.

భారతదేశంలో నల్ల కోటు ధరించే ధోరణి..

బ్రిటిష్ పాలనలో న్యాయమూర్తులు, న్యాయవాదులు నల్ల గౌన్లు, సూట్లు ధరించేవారు. అయితే స్వతంత్ర భారతదేశంలో ఈ విధానాన్ని 1965లో తప్పనిసరి చేశారు. స్కూల్ లైఫ్ అయినా.. ఆఫీస్ అయినా కోర్టు అయినా ఎక్కడైనా డ్రెస్ కోడ్ కు ప్రత్యేక కారణం ఉంటుంది. క్రమశిక్షణ ఉంటుంది. నల్ల కోటు క్రమశిక్షణ, ఆత్మవిశ్వాసానికి చిహ్నంగా పరిగణించబడుతుంది. భారతదేశంలోనే కాదు ప్రపంచంలోని అన్ని దేశాల్లోని న్యాయవాదులు నల్లకోటు ధరిస్తారు.

మరిన్ని హ్యూమన్ ఇంట్రెస్టింగ్ న్యూస్ కోసం