ఓరి దీని వేషాలో.. చ‌నిపోయిన‌ట్లు న‌టించిన పాము.. వీడియో చూస్తే పొట్ట చెక్కలే..!
రెడ్డిట్‌లో పోస్టు చేయ‌బ‌డ్డ ఈ వీడియో సోషల్ మీడియాలో తెగ వైరల్ అవుతోంది. ఈ పామును పాముల ప్ర‌పంచానికి డ్రామా రాణిగా అభివ‌ర్ణిస్తున్నారు.
Updated on: Nov 11, 2022 | 2:09 PM
పాము..ఈ పేరు వింటే చాలు..చాలా మంది భయంతో అల్లంత దూరం పరిగెడతారు. ఎదురగా వస్తే.. ఆ పాముల బారి నుంచి త‌ప్పించుకునేందుకు ప్ర‌య‌త్నిస్తారు. ప్రాణాల‌ను కాపాడుకుంటారు. అలాగే ఓ పాము కూడా మ‌న‌షుల దాడి నుంచి త‌ప్పించుకునేందుకు చేసిన ప్రయత్నం మనుషుల్ని ఆశ్చర్యపోయేలా చేస్తుంది. ప్రాణాల మీదకు వస్తే మనుషులే కాదు..పాము సైతం మ్యాజిక్‌ ట్రిక్స్‌ ప్లే చేస్తాయని ఈ పాము నిరూపించింది. కానీ, ఈ పాము చేసిన యాక్టింగ్ చేస్తే మాత్రం మీరూ ఖచ్చితంగా షాక్‌ అవుతారు. అప్ప‌టి వ‌ర‌కు బుస‌లు కొడుతూ, కోర‌లు చాచుతూ ముందుకు వెళ్లిన పాము..ఒక్కసారిగా విగత జీవిలా మారిపోయింది.. ఓ వ్య‌క్తి తన చేతితో పామును ట‌చ్ చేశాడు. అంతే.. ఆ పాము చ‌నిపోయిన‌ట్టుగా నటించింది. తన శరీరం తన అదుపులో లేనట్టుగా భలేగా నటించింది.
ప్రస్తుతం ఈ ఘటనకు సంబంధించిన వీడియో ఒకటి సోషల్ మీడియాలో విపరీతంగా వైరల్ అవుతోంది. ఈ పాము న‌ట‌న చూసిన నెటిజన్లు తెగ నవ్వుకుంటున్నారు. ఏం యాక్టింగ్ అంటూ కామెంట్స్ చేస్తున్నారు. రెడ్డిట్‌లో పోస్టు చేయ‌బ‌డ్డ ఈ వీడియో సోషల్ మీడియాలో తెగ వైరల్ అవుతోంది. ఈ పామును పాముల ప్ర‌పంచానికి డ్రామా రాణిగా అభివ‌ర్ణిస్తున్నారు.
అయితే ఈ పాము హ‌గ్నోస్ జాతికి చెందిన‌ది. ఈ పాములు త‌మ‌ను తాము ర‌క్షించుకోవ‌డానికి ఇలాంటి ప‌ద్ధ‌తుల‌ను ఉపయోగిస్తాయ‌ని జంతుశాస్త్ర నిపుణులు చెబుతున్నారు. అయితే ఇవి విష‌పూరిత‌మైన పాములు కావని, మ‌నుషుల‌కు ఎలాంటి హాని క‌లిగించ‌వంటున్నారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి
