Viral Video: ఇంటి వరండాలో ఊహించని సీన్.. చూసి షాకైన జనాలు.. వైరల్ వీడియో.!

సోషల్ మీడియాలో ఎక్కువగా జంతువులకు సంబంధించిన వీడియోలు వైరల్ అవుతుంటాయి. వాటిపై నెటిజన్లు కూడా తెగ ఆసక్తిని కనబరుస్తుంటారు..

Python

Ravi Kiran |
Updated on: Oct 19, 2021 | 10:00 AM

సోషల్ మీడియాలో ఎక్కువగా జంతువులకు సంబంధించిన వీడియోలు వైరల్ అవుతుంటాయి. వాటిపై నెటిజన్లు కూడా తెగ ఆసక్తిని కనబరుస్తుంటారు. ముఖ్యంగా సింహం, పులి, మొసలి, చిరుత వేటకు సంబంధించిన వీడియోలు.. అలాగే పైథాన్ వీడియోలు నెట్టింట ఎక్కువగా వ్యూస్ తెచ్చుకుంటాయి. ఆ కోవకు చెందిన ఓ వీడియో ప్రస్తుతం సోషల్ మీడియాలో వైరల్ అవుతోంది.

ఈ మధ్యకాలంలో జనావాసాల్లోకి తరచూ భారీ కొండచిలువలు, విష సర్పాలు వస్తున్నాయి. మరీ ముఖ్యంగా గ్రామాలు, శివారు ప్రాంతాలను ఈ సరీసృపాలు హడలెత్తిస్తున్నాయి. భారీ వర్షాల కారణంగా అడవులు, పొదల్లో దాగివున్న పాములు జనావాసాల్లోకి వచ్చి చేరుతున్నాయి. తాజాగా వరంగల్ రూరల్ జిల్లా నడికూడ మండలంలో భారీ కొండ చిలువ హల్‌చల్‌ చేసింది. ఆ వివరాలు ఇలా ఉన్నాయి.

నడికూడ మండలంలోని పులిగిల్ల గ్రామంలో ఓ భారీ పొడవైన కొండచిలువ ఏకంగా ఓ ఇంటి ఆవరణలోకే వచ్చేసింది. ఇంటి ప్రహారీలోకి ప్రవేశించిన కొండచిలువ ఇంట్లోకి దూరేందుకు ప్రయత్నించింది. అదృష్టవశాత్తు ఇంటి తలుపులు మూసి ఉండటంతో ప్రమాదం తప్పినట్లైంది. అంతలోనే ఇంట్లోనివారు వరండాలోని ఈ సీన్ చూసి తక్షణమే అప్రమత్తమయ్యారు. భయంతో పరుగులు తీసి కేకలు వేశారు. దీంతో చుట్టుపక్కల జనాలు భారీగా గుమిగూడారు.. పామును బంధించి అటవీ అధికారులకు అప్పగించారు.