US Visa Rules: ‘అమెరికా ఫస్ట్’ కొత్త వీసా షెడ్యూలింగ్ టూల్‌

భారత్-అమెరికా మధ్య ద్వైపాక్షిక, వాణిజ్య సంబంధాలను మరింత పటిష్టం చేసే దిశగా యూఎస్ ప్రభుత్వం కీలక నిర్ణయం తీసుకుంది. ‘అమెరికా ఫస్ట్’ పేరుతో సరికొత్త వీసా షెడ్యూలింగ్ టూల్‌ను ప్రవేశపెడుతున్నట్లు అమెరికా విదేశాంగ మంత్రి మార్కో రూబియో ప్రకటించారు. భారత్‌ పర్యటనలో భాగంగా ఢిల్లీలో జరిగిన యూఎస్ ఎంబసీ సపోర్ట్ అనెక్స్ భవన ప్రారంభోత్సవంలో ఆయన ఈ విషయాన్ని వెల్లడించారు. ఈ నూతన విధానం ద్వారా ఇరు దేశాల ఆర్థిక, వ్యూహాత్మక బంధాన్ని పెంపొందించే వ్యాపార నిపుణులకు వీసా ప్రక్రియలో ప్రత్యేక ప్రాధాన్యత లభిస్తుంది. వీసా జాప్యం వల్ల పెట్టుబడులు, భాగస్వామ్య ఒప్పందాలకు ఆటంకం కలగకుండా ఈ స్మార్ట్ షెడ్యూలింగ్ వ్యవస్థను తెచ్చినట్లు రూబియో వివరించారు. ముఖ్యంగా అమెరికా మార్కెట్లలో పెట్టుబడులు పెట్టే, ఒప్పందాలు కుదుర్చుకునే భారత కంపెనీల ప్రతినిధులకు ఇది ఎంతో ప్రయోజనకరంగా మారనుంది. భారత కంపెనీల నుంచి అమెరికాలో ఇప్పటికే 20 బిలియన్ డాలర్లకు పైగా పెట్టుబడులు వచ్చాయని రూబియో గుర్తుచేశారు. వాణిజ్యంతో పాటు ఇండో-పసిఫిక్ ప్రాంతంలో భద్రతా భాగస్వామ్యం కూడా బలపడిందన్నారు. ఈ కొత్త టూల్ కేవలం దరఖాస్తుదారులకే కాకుండా, కాన్సులర్ అధికారుల పనితీరును మెరుగుపరిచి, పారదర్శకంగా, వేగంగా సేవలు అందించడానికి మరియు అమెరికన్ల డబ్బును ఆదా చేయడానికి ఉపయోగపడుతుందని ఆయన స్పష్టం చేశారు.

మరిన్ని వీడియోల కోసం ఇక్కడ క్లిక్ చేయండి

Also Watch:

పొలం చదును చేస్తుండగా అద్భుతం..అమితానందంలో రైతు!

నీటి కోసం బస్సును ఆపిన కోతి.. మూగజీవాల వీడియో వైరల్

60 లీటర్ల తల్లిపాలు దానం చేసిన గుత్తా జ్వాల.. వేల మంది చిన్నారులకు అమ్మగా మారిన స్టార్

ఫోర్జరీ పత్రాలతో జైలు నుంచి దర్జాగా రిలీజైన జీవిత ఖైదీ..

గుడిలోకి వెళ్లి భక్తితో దణ్ణం పెట్టాడు.. ఆ తర్వాత..!