Inners Robbery: ఎవరూ చూడట్లేదని ఇన్నర్‌వేర్ దొంగిలించాడు.. ఊహించిన రీతిలో గూబ పగిలింది..!
Inners Robbery: చిన్న వస్తువును దొంగిలించినా.. పెద్ద వస్తువులు దొంగిలించినా దొంగ అనే అంటారు. అయితే, దోపిడీ దొంగల్లో ఒక్కో రకమైన చోర కళ ఉంటుంది.
Inners Robbery: చిన్న వస్తువును దొంగిలించినా.. పెద్ద వస్తువులు దొంగిలించినా దొంగ అనే అంటారు. అయితే, దోపిడీ దొంగల్లో ఒక్కో రకమైన చోర కళ ఉంటుంది. కేటుగాళ్లు తమ తమ స్టైల్లో చోరీలకు పాల్పడుతుంటారు. కొందరు చిన్న చిన్న వాటినే దొంగిలించి ఆనందపడిపోతుంటారు. మరికొందరు కొడితే కుంభస్థలాన్నే కొట్టాలి అన్నట్లుగా.. పెద్ద పెద్ద దోపిడీలు చేస్తుంటారు. అయితే, పెద్ద పెద్ద దోపిడీలు చేసే వారు అంత ఈజీగా దొరకరు కానీ.. చిన్నాచితక చోరీలకు పాల్పడే వారు ఇట్టే దొరికిపోతారు. తాజాగా అలాంటి ఘటనే కర్నాకటలో వెలుగు చూసింది. రెగ్యులర్ దొంగనో కాదో తెలియదు కానీ.. చాలా ఈజీగా దొరికిపొయాడు. పొట్టు పొట్టుగా దెబ్బలు తిన్నాడు. ఇంతకీ అతను కొట్టేసింది ఏంటో తెలిస్తే ఇంకా షాక్ అవుతారు. అతను చోరీ చేసింది ఒక ఇన్నర్ వేర్. దీనికి సంబంధించిన పూర్తి వివరాలు ఇప్పుడు చూద్దాం.
కర్నాటకలోని విజయపురలో గల ఎల్‌బిఎస్ మార్కెట్‌లోని ఓ బట్టల దుకాణంలోకి ఒక వ్యక్తి వచ్చాడు. దుస్తులు కొనుగోలు చేసేందుకు వచ్చినట్లు నటించాడు. లోదుస్తులు చూపించాల్సిందిగా షాపు వాళ్లను అడిగాడు. దాంతో ఆ షాపు అతను.. కొన్ని ఇన్నర్స్ చూపించాడు. అవి బాలేదని, మరికొన్ని చూపించాలని కోరాడు. దాంతో షాపు యజమాని మరికొన్ని ఇన్నర్స్ తీసి చూపించేందుకు వెనక్కి తిరిగాడు. అదే అదునుగా భావించిన దొంగ.. ఒక ఇన్నర్‌ను కాజేశాడు. ఎడమ చేతితో ఎన్నర్ బాక్స్‌ తీసుకుని కాళ్ల మధ్యలో పెట్టుకున్నాడు. అయితే, ఇదంతా గమనించిన యజమాని కాసేపు గమ్మున ఉన్నాడు. అది చూపించు.. ఇది చూపించు అంటున్న క్రమంలో ఒక్కసారిగా బయటకు వచ్చి.. అతని చేతిలో దాచిన ఇన్నర్‌ను చూశాడు. సెకన్ కూడా ఆలస్యం చేయకుండా.. పాట్ పాట్‌మని గూబ గుయ్‌మనిపించాడు. పొట్టు పొట్టుగా కొట్టాడు. ఈ ఘటన అంతా షాపులోని సీసీ కెమెరాలో రికార్డ్ అయ్యింది.
