అంత సింపుల్‌గా ఎలా సార్.. 15 అడుగుల పామును జస్ట్ 30 సెకన్లలోనే పట్టేశారు.. ఇదిగో వీడియో

మనకు చిన్న పాము కనిపిస్తే ఆమడదూరం పరిగెడతాము.. అలాంటి దాదాపు 15 అడుగుల పొడవున్న భారీ కింగ్‌ కోబ్రా కళ్లముందు కనిపిస్తే ఇంకేమైనా ఉందా.. గుండె ఆగిపోదు. అచ్చం అలాంటి సంఘటనే ఇక్కడ వెలుగు చూసింది. రద్దీగా ఉండే రోడ్డుపై అకస్మాత్తు ఓ భారీ కింగ్‌ కోబ్రా దూసుకొచ్చింది. రోడ్డుపై పామును చూసి వాహనదారులకు ఒక్కసారిగా షాక్ అయ్యారు. అక్కడి నుంచి వెనక్కి పరుగులు తీశారు. వెంటనే పోలీసులకు, అటవీశాఖ సిబ్బంది సమాచారం ఇచ్చారు. దీంతో వెంటనే అక్కడి చేరుకున్న అధికారులు పామును పట్టుకునేందుకు ప్రయత్నించారు.

అయితే సాధారణంగా చిన్న పామును పట్టుకునేందుకు నానా తిప్పలు పడుతారు. కానీ ఇక్కడ అధికారులు మాత్రం జస్ట్ 30 సెకన్లలో 15 అడుగుల భారీ పొడవున్న ఆ కింగ్‌ కోబ్రాను చాకచక్యంగా పట్టుకున్నారు. దాన్ని సురక్షితంగా బంధించి అడవిలో వదిలేశారు. దీంతో అందరూ ఊపిరి పీల్చుకున్నారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. దాన్ని చూసిన నెటిజన్లు తమదైన రీతిలో కామెంట్స్ చేస్తున్నారు.

వీడియో చూడండి..

View this post on Instagram

A post shared by ARUNPRAKASH (@a_r_u_n_p_r_a_k_a_s_h)

ప్రపంచంలోనే అత్యంత పొడవైన విషసర్పం

అయితే పాముల్లో కెల్లా అత్యంత ప్రమాదకరమైనది, విలక్షణమైనదిగా గుర్తింపు పొందిన కింగ్ కోబ్రా గురించి ఆసక్తికరమైన విషయాలు వెలుగులోకి వచ్చాయి. ఆసియా ఖండానికి మాత్రమే పరిమితమైన ఈ పాముల జాతి.. ప్రపంచంలోనే అత్యంత పొడవైన విషసర్పంగా రికార్డు సృష్టించింది. సాధారణంగా దీన్ని మనం ‘తాచుపాము’ అని పిలిచినప్పటికీ, శాస్త్రీయంగా ఇది ‘ఓఫియోఫాగస్’ అనే ప్రత్యేకమైన ప్రజాతికి చెందిన ఈ కింగ్ కోబ్రా.

ఇది కేవలం చూడటానికి మాత్రమే సాధారణ నాగుపాములా కనిపిస్తుంది. ఈ కింగ్ కోబ్రా సాధారణంగా 3.18 మీటర్ల నుండి 4 మీటర్ల వరకు అంటే 10.4 నుండి 13.1 అడుగులు పొడవు పెరుగుతుంది. పొడవులోనే కాదు, ప్రపంచంలోనే అత్యంత బరువైన విషసర్పాల జాబితాలో కూడా ఇది ముందు వరుసలో ఉంటుంది.

ఎక్కడ కనిపిస్తుంది?

భారత ఉపఖండం నుండి మొదలుకొని ఆగ్నేయాసియా, దక్షిణ చైనా ప్రాంతాల వరకు ఇది విస్తరించి ఉన్న అడవుల్లో ఇది ఎక్కువగా కనిపిస్తుంది. ఇవి మనుషులకు అంత సులభంగా కనిపించవు. దట్టమైన అడవుల్లో, జనసంచారానికి దూరంగా ఉండటానికే ఇవి ఎక్కువగా ఇష్టపడతాయి.

మరిన్ని ట్రెండింగ్ వార్తల కోసం ఇక్కడ క్లిక్ చేయండి.