Watch: జీ20 సదస్సులో ఖతర్నాక్‌ కేటుగాళ్లు.. వీఐపీ కారులో వచ్చి చోరీలు.. ఏం ఎత్తుకెళ్లారో తెలుసా..?
ఈ వీడియో ఆన్‌లైన్‌లో అందరి దృష్టిని ఆకర్షించింది. చాలా మంది ఈ వీడియోని షేర్‌ చేస్తున్నారు. సంఘటనపై తమ స్పందన తెలియజేస్తున్నారు. వీడియోతో పాటు,..
Jyothi Gadda | Edited By: TV9 Telugu
Updated on: Sep 09, 2023 | 12:02 PM
గుర్గావ్‌లో జరుగుతున్న జీ20 సదస్సులో అలంకరణ కోసం తీసుకొచ్చిన పూల కుండీలను దొంగిలిస్తూ ఇద్దరు వ్యక్తులు పట్టుబడ్డారు. వీఐపీ లైసెన్స్ ప్లేట్ ఉన్న అధునాతన వాహనంలో వచ్చిన వీరు పట్టపగలు చోరీకి పాల్పడ్డారు. ఇద్దరు వ్యక్తులు పూల కుండీలను తీసుకొని వారి లగ్జరీ కారు ట్రంక్‌లో పెట్టుకుంటున్న వీడియోలో వైరల్‌గా మారింది. G20 సమ్మిట్ పోస్టర్‌తో పాటు, ఆ ప్రాంతంలో రంగురంగుల పూల కుండీలు కూడా వీడియోలో స్పష్టంగా కనిపిస్తున్నాయి.
గురుగ్రామ్‌లోని శంకర్ చౌక్‌లో జరిగిన G20 ఈవెంట్ ప్రాంగణంలో ఇద్దరు వ్యక్తులు పూల కుండీలను దొంగిలించిన వీడియోను జర్నలిస్ట్ రాజ్ వర్మ సోషల్ మీడియాలో పోస్ట్ చేశారు. దాంతో వీడియో కాస్త సోషల్ మీడియా వేదికగా అందరి దృష్టిని ఆకర్షించింది. చాలా మంది ఈ వీడియోని షేర్‌ చేస్తున్నారు. సంఘటనపై తమ స్పందన తెలియజేస్తున్నారు. వీడియోతో పాటు, “#కియా కారు డ్రైవర్ గురుగ్రామ్‌లోని శంకర్ చౌక్‌లో పట్టపగలు మొక్కల కుండీలను దొంగిలిస్తున్నాడు” అంటూ వర్మ క్యాప్షన్‌లో రాసుకొచ్చారు. ఈ విషయాన్ని పరిశీలించేందుకు గురుగ్రామ్ పోలీసు అధికారులు, డిప్యూటీ కమిషనర్‌ను ట్యాగ్ చేశారు. దీంతో కేసు జిల్లా కలెక్టర్‌కు చేరగా, విచారణ ప్రారంభించాలని జిల్లా కలెక్టర్‌ పోలీసులను ఆదేశించారు.
#G20 के सौंदर्यीकरण के “चिंदी चोर” गुरुग्राम में शंकर चौक पर #Kia कार सवार ने दिनदहाड़े पौधों के गमले उड़ाए ।।@gurgaonpolice @DC_Gurugram @cmohry @MunCorpGurugram @OfficialGMDA @TrafficGGM pic.twitter.com/aeJ2Sbejon
— Raj Verma-Journalist?? (@RajKVerma4) February 27, 2023
ఈ ఇద్దరు వ్యక్తులు పూల కుండీలను ఎందుకు దొంగిలించారనేది అస్పష్టంగా ఉన్నప్పటికీ, వీడియోలో దొంగతనం చేస్తున్నారనేది మాత్రం హైలైట్ చేస్తుంది. వీడియో వైరల్ కావడంతో, నెటిజన్లు నేరస్థులపై ఆగ్రహం వ్యక్తం చేశారు. గురుగ్రామ్ పోలీసులచే దర్యాప్తు చేయాలని డిమాండ్ చేశారు. కొంతమంది వినియోగదారులు వాహనం నంబర్ ప్లేట్‌ను గుర్తించడానికి వీడియో ఫుటేజీని జూమ్ చేసి చూస్తున్నారు. దానిని VIP క్యారేజ్‌గా గుర్తించారు. ఇక ఈ వీడియోపై నెటిజన్లు భిన్నమైన కామెంట్లు చేస్తున్నారు.
మరిన్ని ట్రెండింగ్ న్యూస్ కోసం..
