Viral: అరె.. ఏంట్రా ఇది.! ఆన్‌లైన్‌లో చెప్పులు ఆర్డర్ చేస్తే.. ఆరేళ్ల తర్వాత జరిగిందిదే

సాధారణంగా ఆన్‌లైన్‌లో ఏదైనా ఆర్డర్ పెడితే.. గంటల్లో లేదా 2 రోజుల్లో.. మహా అయితే వారం రోజుల్లో ఇంటికి ఆర్డర్ పార్శిల్ వచ్చేస్తుంది. అయితే ఇప్పుడు మేము చెప్పబోయేది వింటే.. కచ్చితంగా మీరు షాక్ అవుతారు. ఓ వ్యక్తి ఆన్‌లైన్‌లో సుమారు 6 ఏళ్ల క్రితం చెప్పులు ఆర్డర్ పెట్టాడు.

Viral Post

Ravi Kiran |
Updated on: Jun 28, 2024 | 11:39 AM

సాధారణంగా ఆన్‌లైన్‌లో ఏదైనా ఆర్డర్ పెడితే.. గంటల్లో లేదా 2 రోజుల్లో.. మహా అయితే వారం రోజుల్లో ఇంటికి ఆర్డర్ పార్శిల్ వచ్చేస్తుంది. అయితే ఇప్పుడు మేము చెప్పబోయేది వింటే.. కచ్చితంగా మీరు షాక్ అవుతారు. ఓ వ్యక్తి ఆన్‌లైన్‌లో సుమారు 6 ఏళ్ల క్రితం చెప్పులు ఆర్డర్ పెట్టాడు.. కాలం మారింది.. సంవత్సరం కూడా మారిపోయింది.. అయితేనేం ఆ ఆర్డర్ మాత్రం ఇంటికి రాలేదు. ఇక సరిగ్గా ఆరేళ్ల తర్వాత స్వయంగా సదరు ఈ-కామర్స్ ఆన్‌లైన్ సంస్థ కస్టమర్ కేర్ ఫోన్ చేసి.. ఆర్డర్ గురించి కస్టమర్ దగ్గర నుంచి వివరాలు అడిగి తెలుసుకున్నారు.

ఆర్డర్ వివరాలు ఇలా ఉన్నాయి..

ఎహాసాన్ అనే వ్యక్తి స్పార్క్స్ కంపెనీ స్లిప్పర్‌లను ఫ్లిప్‌కార్ట్‌లో ఆర్డర్ పెట్టాడు. ఇది జరిగింది 6 సంవత్సరాల క్రితం.. అంటే 2018లో రూ. 485కి కొనుగోలు చేశాడు. ఆర్డర్ 2018, మే 16న కన్ఫర్మ్ అవ్వగా.. మే 19న ఆర్డర్ షిప్పింగ్ అయింది. లెక్క ప్రకారం.. పార్శిల్ డెలివరీ 2018, మే 20న అవ్వాలి. ఆ డేట్‌కి రాలేదు.. అలా.. అలా.. ఆరేళ్ళు గడిచింది. చివరికి రెండు రోజుల క్రితం కస్టమర్‌కు అనూహ్యంగా ఫ్లిప్‌కార్ట్ కస్టమర్ సర్వీస్ నుంచి కాల్ వచ్చింది. సదరు ఆర్డర్‌కి సంబంధించి ఎలాంటి ఇబ్బంది ఎదుర్కుంటున్నాడో.. కస్టమర్ కేర్‌ సర్వీస్ పర్సన్.. సదరు వ్యక్తిని అడిగి తెలుసుకున్నాడు. ఇక్కడ ట్విస్ట్ ఏంటంటే.. ఆ ఆర్డర్ రాకపోతే అప్పుడే ఎహాసన్.. దాన్ని క్యాన్సిల్ చేయవచ్చు. కానీ ఆ ఆర్డర్‌కి క్యాన్సిల్ ఆప్షన్ లేకపోవడం గమనార్హం. ఇక ఇటీవల సంస్థ కస్టమర్ కేర్ నుంచి కాల్ రావడం అతడ్ని మరింతగా ఆశ్చర్యపరిచింది. కాగా, ఈ పోస్ట్ ప్రస్తుతం సోషల్ మీడియాలో వైరల్ అవుతోంది. దీనిపై నెటిజన్లు వరుసపెట్టి కామెంట్స్‌తో హోరెత్తిస్తున్నారు. లేట్ ఎందుకు మీరూ ఓసారి చూసేయండి.

ఇవి కూడా చదవండి