SA Vs AFG: రషీద్ భాయ్.! ఎందుకీ తలపొగరు.. చేజేతులా మ్యాచ్ను చెడగొట్టావ్ పో.. ఇదిగో ప్రూఫ్
ఎన్నో ఏళ్ల కల.. మరెన్నో ఏళ్ల కృషి.. తమ ఆటతీరులో చూపించి మరీ.. మొదటిసారి టీ20 ప్రపంచకప్ సెమీఫైనల్స్లోకి అడుగుపెట్టింది ఆఫ్ఘనిస్తాన్. అయితే ఆ ఆనందం కొద్దిగంటల్లోనే ఆవిరైంది. ట్రినిడాడ్ వేదికగా ఆఫ్ఘనిస్తాన్, దక్షిణాఫ్రికా మధ్య మొదట సెమీఫైనల్ జరిగింది. పూర్తి వన్సైడెడ్గా..
Updated on: Jun 27, 2024 | 12:40 PM
ఎన్నో ఏళ్ల కల.. మరెన్నో ఏళ్ల కృషి.. తమ ఆటతీరులో చూపించి మరీ.. మొదటిసారి టీ20 ప్రపంచకప్ సెమీఫైనల్స్లోకి అడుగుపెట్టింది ఆఫ్ఘనిస్తాన్. అయితే ఆ ఆనందం కొద్దిగంటల్లోనే ఆవిరైంది. ట్రినిడాడ్ వేదికగా ఆఫ్ఘనిస్తాన్, దక్షిణాఫ్రికా మధ్య మొదట సెమీఫైనల్ జరిగింది. పూర్తి వన్సైడెడ్గా సాగిన ఈ మ్యాచ్లో సఫారీల జట్టు 9 వికెట్ల తేడాతో విజయం సాధించి.. 32 ఏళ్ల తర్వాత తొలిసారిగా ప్రపంచకప్ ఫైనల్కి చేరింది. ఇదిలా ఉంటే.. ఈ మ్యాచ్లో ఆఫ్ఘనిస్తాన్ పూర్తిగా చతికిలబడింది. పేలవమైన బ్యాటింగ్ పెర్ఫార్మన్స్తో చేజేతుల్లా మ్యాచ్ ప్రత్యర్ధికి ముట్టజెప్పింది. 11.5 ఓవర్లలో కేవలం 56 పరుగులకే ఆలౌట్ అయింది.
మరోవైపు ఆఫ్ఘనిస్తాన్ కెప్టెన్ రషీద్ ఖాన్ ఓవర్ కాన్ఫిడెన్స్ వల్లే.. ఆ జట్టు ఓడిపోయిందని నెటిజన్లు ఫైర్ అవుతున్నారు. ఈ మ్యాచ్లో ఆఫ్ఘన్ కెప్టెన్ టాస్ గెలిచి తొలుత బ్యాటింగ్ ఎంచుకున్నాడు. ఇక్కడే ఆ జట్టు కెప్టెన్ రషీద్ ఖాన్ తప్పుడు నిర్ణయం తీసుకున్నాడని ఫ్యాన్స్ అంటున్నారు. సూపర్ 8 స్టేజిలో ఆస్ట్రేలియా, బంగ్లాదేశ్తో జరిగిన రెండు మ్యాచ్లలోనూ ముందుగా బ్యాటింగ్ చేయడంతోనే ఆఫ్ఘనిస్తాన్ గెలిచింది. బహుశా అదే దృష్టిలో పెట్టుకుని రషీద్ ఖాన్.. టాస్ గెలిచిన వెంటనే బ్యాటింగ్ ఎంచుకున్నాడని.. ఇక ఆ ఓవర్ కాన్ఫిడెంట్ మ్యాచ్ ఓడిపోవడానికి కారణమైందని చెబుతున్నారు. అయితే ఇక్కడే రషీద్ సాంబార్లో లెగ్ పెట్టాడని కొందరు ఫ్యాన్స్ గుస్సా అవుతున్నారు. ట్రినిడాడ్లో ఆడిన గత 3 మ్యాచ్లలో రెండో బ్యాటింగ్ జట్టు అద్భుత విజయాలు అందుకున్నాయి. ఈ విషయాన్ని రషీద్ ఖాన్ గ్రహించలేదని.. అలాగే ఆఫ్ఘన్ బ్యాటింగ్ కూడా పేలవంగా ఉందని చెప్పుకొచ్చాడు. ఏదైతేనేం ఆఫ్ఘనిస్తాన్ ఫ్లాప్ బ్యాటింగ్ వల్ల.. చరిత్రలో తొలిసారిగా దక్షిణాఫ్రికా ప్రపంచకప్ ఫైనల్కి చేరుకుంది.
ఇది చదవండి: సెమీఫైనల్స్, ఫైనల్ మ్యాచ్ రద్దయితే.. ట్రోఫీ దక్కేది ఏ జట్టుకో తెలుసా.?
మరిన్ని క్రికెట్ వార్తల కోసం ఇక్కడ క్లిక్ చేయండి..
