Viral Video: ఎంట్రా ఇది.. నెవ్వర్ బిఫోర్.. ఎవ్వర్ ఆఫ్టర్.. ఎలుగుబంటికి ఎదురుపడ్డ మనిషి..! ఆ తరువాత
దూకుడుగా ఉండే ఎలుగుబంట్లు ఎదురుపడితే..వాటి పంజా నుంచి తప్పించుకోవటం కూడా అంత సులువేం కాదు. మనం ఎలుగుబంటిని ఎదుర్కొలేం కాబట్టి.. వాటికి దొరక్కుండా పరిగెత్తడం తప్ప మరేమీ చేయలేము. లేదంటే కొందరు చెప్పినట్టుగా వాటి ముందు ఊపిరాడకుండా పడుకోవాలి.
Updated on: Apr 21, 2023 | 11:35 AM
ఎలుగుబంట్లు అత్యంత ప్రమాదకరమైన అడవి జంతువులలో ఒకటి. తరచుగా జనావాసాల్లోకి వచ్చి చేరుతున్న ఎలుగుబంట్లు ప్రజల్ని భయబ్రాంతులకు గురిచేస్తుంటాయి. ఎలుగుబంటి దాడులకు సంబంధించిన వార్తలు కూడా వస్తుంటాయి. దూకుడుగా ఉండే ఎలుగుబంట్లు ఎదురుపడితే..వాటి పంజా నుంచి తప్పించుకోవటం కూడా అంత సులువేం కాదు. మనం ఎలుగుబంటిని ఎదుర్కొలేం కాబట్టి.. వాటికి దొరక్కుండా పరిగెత్తడం తప్ప మరేమీ చేయలేము. లేదంటే కొందరు చెప్పినట్టుగా వాటి ముందు ఊపిరాడకుండా పడుకోవాలి. ఈ రెండూ కాకుండా ఓ వ్యక్తి రియాక్షన్ ద్వారానే ఎలుగుబంటిని ఎదిరించాడు.. ప్రస్తుతం ఆ వీడియో సోషల్ మీడియాలో వైరల్ అవుతోంది.
ఒక ఇంటి వారండాలో ఒక పెద్దాయన హాయిగా పడుకుని సెల్‌ఫోన్‌ చేస్తున్నాడు. ఊహించని విధంగా అప్పుడే అక్కడికి ఒక ఎలుగుబంటి ఎంట్రీ ఇచ్చింది. ఏదో అర్జెంట్‌ పని ఉండి వచ్చినట్టుగా ఆ ఎలుగుబంటి సరాసరి ఇంట్లోకే వెళ్లేందుకు ప్రయత్నించింది. అయితే, ఏదో శబ్ధం వినిపించినట్టుగా అనిపించటంతో ఆ పెద్దాయన తిరిగి చూశాడు.. ఊహించని విధంగా ఎలుగుబంటిని చూసిన అతడు ఒక్కసారిగా షాక్‌కు గురయ్యాడు. కంగుతిన్న అతడు అయ్యాబాబోయ్‌ అన్నట్టుగా ముడుచుకుపోయినట్టుగా ఎక్స్‌ప్రెషన్‌ ఇచ్చాడు. అతని రియాక్షన్‌కు ఎలుగుబంటి కూడా భయపడిపోయింది. వేగంగా నడుస్తూ వెళ్తున్న ఎలుగుబంటి ఒక్కసారిగా ఆగిపోయింది. అతన్నే కాసేపు తదేకంగా చూసి.. అక్కడ్నుంచి పరుగలంఘించింది.
ఈ వీడియోను ఏప్రిల్ 12న షోషల్ మీడియాలో షేర్ చేశారు. వీడియో కింద చాలా మంది కామెంట్స్ చేస్తున్నారు. వీడియో చూసిన నెటిజన్లు.. ఇద్దరూ భయపడిపోయారంటూ కామెంట్‌ చేస్తున్నారు.అయితే వీరిద్దరిలో ఎవరు ఎక్కువ భయపడ్డారో చెప్పలేమని మరికొందరు అభిప్రాయపడ్డారు. కొంతమంది వీడియోలో కనిపించిన పెద్దాయన పరిస్థితిని వర్ణిస్తుండగా, మరికొందరు పాపం అతన్ని చూసిన కంగుతిన్న ఎలుగుబంటి అదేదో వింత జీవి అనుకున్నట్టుంది.. అంటూ ఫన్నీగా కామెంట్‌ చేస్తున్నారు.
మరిన్ని ట్రెండింగ్ న్యూస్ కోసం..
