ఆనంద్ మహీంద్రాను ఆకట్టుకున్న దేశీ జుగాడ్.. దీనిని పాటిస్తే నీటి సమస్యను తొలగిస్తుంది..
దేశంలోనే ఐటీ హబ్గా పేరొందిన బెంగళూరు పరిస్థితి అందరికి తెలిసిందే. ప్రస్తుతం ఈ సిటీలో కోట్లాది రూపాయల విలువైన ఫ్లాట్లలో నివసించే వారు సైతం గంటల పాటు నిలబడి ముంబైలోని చావళ్లలా బకెట్ నిండా నీళ్లు తెచ్చుకోవాల్సిన దుస్థితి నెలకొంది. ఇలాంటి పరిస్థితుల్లో ప్రజలు నీటి పొదుపు కోసం రకరకాల పద్ధతులను అవలంబిస్తున్నారు. ఒక వ్యక్తి ఇంటిలో తమ అవసరాలను తీర్చుకోవడానికి చేసిన ఏర్పాట్లు చేసిన దృశ్యానికి సంబంధించిన వీడియో ప్రస్తుతం నెట్టింట్లో చక్కర్లు కొడుతోంది.
Updated on: Mar 17, 2024 | 8:04 AM
ఇంటర్నెట్ ప్రపంచంలో వ్యాపారవేత్త ఆనంద్ మహీంద్రా తనకు నచ్చిన మెచ్చిన వీడియోలు, ఫోటోలు తన సోషల్ మీడియా వేదికగా షేర్ చేస్తారు. ఆనంద్ మహీంద్రా అద్భుతమైన సోషల్ మీడియా పోస్ట్లకు చాలా ప్రసిద్ధి చెందిన వ్యాపారవేత్త. అందుకే ఆనంద్ మహీంద్రా X పోస్ట్ లో షేర్ చేసే పోస్టులు తక్కువ సమయంలోనే వైరల్ అవుతాయి. కొన్నిసార్లు అతను షేర్ చేసిన వీడియోలు చాలా ఫన్నీగా ఉంటాయి. మరికొన్ని కొన్నిసార్లు అవి మనుషులకు గుణపాఠం కూడా నేర్పుతాయి. అయితే కొన్నిసార్లు వింత జుగాద్ వీడియోలను కూడా పంచుకుంటాడు. ఇటీవలి కాలంలో ఇలాంటి వీడియో ఒకటి వైరల్ అవుతోంది. ఇది నేటి పరిస్థితులకు అద్దంపడుతోంది.
దేశంలోనే ఐటీ హబ్గా పేరొందిన బెంగళూరు పరిస్థితి అందరికి తెలిసిందే. ప్రస్తుతం ఈ సిటీలో కోట్లాది రూపాయల విలువైన ఫ్లాట్లలో నివసించే వారు సైతం గంటల పాటు నిలబడి ముంబైలోని చావళ్లలా బకెట్ నిండా నీళ్లు తెచ్చుకోవాల్సిన దుస్థితి నెలకొంది. ఇలాంటి పరిస్థితుల్లో ప్రజలు నీటి పొదుపు కోసం రకరకాల పద్ధతులను అవలంబిస్తున్నారు. ఒక వ్యక్తి ఇంటిలో తమ అవసరాలను తీర్చుకోవడానికి చేసిన ఏర్పాట్లు చేసిన దృశ్యానికి సంబంధించిన వీడియో ప్రస్తుతం నెట్టింట్లో చక్కర్లు కొడుతోంది. ఈ వీడియో చూస్తే మీరు ఖచ్చితంగా ఆశ్చర్యపోతారు.
ఇక్కడ వీడియో
This needs to become standard equipment throughout India wherever people use A/Cs
Water is Wealth.
It needs to be stored safely…
👏🏽👏🏽👏🏽
Spread the word. pic.twitter.com/vSK0bWy5jm
— anand mahindra (@anandmahindra) March 16, 2024
వైరల్ అవుతున్న వీడియోలో.. ఏసీ పైపులో చిన్న కుళాయిని ఉంచడం ద్వారా నీరు ఎలా నిల్వ చేస్తున్నారో మీరు చూడవచ్చు, తద్వారా ఈ నీటిని తోటపని, మాపింగ్ మొదలైన వాటికి ఉపయోగించవచ్చు. ఈ సమయంలో ప్రతి ఇంట్లో చిన్న చిన్న అవసరాలను తీర్చుకోవడానికి ఇది నిజంగా గొప్ప ఆలోచన. బెంగుళూరు పరిస్థితిని చూస్తుంటే ప్రతి ఇంట్లోనూ ఇలా ఏసీ నుంచి వచ్చే నీటిని వృధా చేయకుండా తిరిగి ఆ నీటిని ఉపయోగించేనుకునే ఆలోచన గొప్పది అని అంటున్నారు.
X లో ఈ క్లిప్ను షేర్ చేస్తూ వ్యాపార దిగ్గజం ఆనంద్ మహేంద్ర ఇలా వ్రాశాడు, ‘దేశవ్యాప్తంగా ACలను ఉపయోగించే వ్యక్తులు అలాంటి ప్రామాణిక పరికరాలను తయారు చేయాలి ఎందుకంటే నీరు సంపద.. దానిని సురక్షితంగా నిల్వ చేయాలి. వేలాది మంది ఈ క్లిప్ను చూశారు. ప్రతి ఒక్కరూ రకరకాల వ్యాఖ్యలను చేస్తూ నీ ఐడియా సూపర్బ్ అంటూ ఆ వ్యక్తిని ప్రశంసిస్తున్నారు.
మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..
