Telangana: కాంగ్రెస్‌- ఎంఐఎం మధ్య పాత పొత్తు.. కొత్తగా పొడిచిందా.. అక్భరుద్దీన్, రేవంత్ మాటల్లో ఆంతర్యమేంటి..?

ఇన్నాళ్లూ కారులో తిరిగిన గాలిపటం.. ఇప్పుడు హస్తం పార్టీ చేతుల్లోకి వెళ్తోందా? ఎన్నికల ముందు వరకు ఒక లెక్క.. ఎన్నికల తర్వాత మరో లెక్క అన్నట్టుగా కాంగ్రెస్, ఎంఐఎం మధ్య కొత్త బంధం ఏర్పడబోతోందా? ఇదే ఇప్పుడు రాజకీయ వర్గాల్లో జరుగుతున్న చర్చ. ఫలితాలు వచ్చి రెండు వారాలు కూడా కాలేదు. ఇంతలోనే ఈ రాజకీయ మార్పులేంటి? రాజకీయాల్లో శాశ్వత శత్రువులు, శాశ్వత మిత్రులు ఉండరని చెబుతుంటారు. అలాంటి పరిస్థితులే తెలంగాణ రాజకీయాల్లో స్పష్టంగా కనిపిస్తున్నాయి. మొన్నటి వరకు సవాళ్లు- ప్రతి సవాళ్లతో హీట్‌ పుట్టించిన కాంగ్రెస్‌- ఎంఐఎం మధ్య పాత పొత్తు.. కొత్తగా పొడిచిందా అన్న చర్చ మొదలైంది. ఎన్నికల ప్రచారాల్లో ఈ రెండు పార్టీలు ఒకరిపై ఒకరు తిట్టి పోసుకున్నాయి. కాంగ్రెస్ ఎట్టి పరిస్థితుల్లోనూ గెలవకూడదనే రేంజ్‌లో ఎంఐఎం పనిచేసింది. కాంగ్రెస్ సైతం ఎంఐఎంపై అదేస్థాయిలో మండిపడింది. కానీ అవన్నీ మర్చిపోయి ఇప్పుడు స్నేహహస్తం అందుకుంటున్నాయి ఈ రెండు పార్టీలు.

మొన్నటికి మొన్న ప్రొటెం స్పీకర్ ఎన్నిక అందరినీ ఆశ్చర్యపరిస్తే.. ఆ తర్వాత గ్రేటర్‌ హైదరాబాద్‌పై సమీక్ష చేస్తున్నప్పుడు అక్బరుద్దీన్‌ను సీఎం రేవంత్‌రెడ్డి పక్కనే కూర్చోబెట్టుకోవడం హాట్ టాపిక్‌గా మారింది. దీంతో ఈ రెండు పార్టీల మధ్య మిత్రబంధం ఏర్పడిందనే ఊహాగానాలు ఊపందుకున్నాయి. అయితే తాము గత ప్రభుత్వంతో ఎలా నడుచుకున్నామో.. ఇప్పుడూ అలాగే ఉంటామంటున్నారు ఎమ్మెల్యే అక్బరుద్దీన్ ఒవైసీ. అభివృద్ధికి సహకరిస్తామంటూ అసెంబ్లీ ముఖంగా ప్రకటించారు. ఇక సీఎం రేవంత్ రెడ్డి సైతం ఈ బంధాన్ని బలపడేలా వ్యాఖ్యలు చేశారు. మిత్రులు అంటూ ఎంఐఎం పార్టీని సంబోధించారు. ఈ పరిణామాలన్నీ చూస్తుంటే కాంగ్రెస్ పార్టీకి నేరుగా మద్దతు ఇవ్వకపోయినా.. తాము ప్రభుత్వం పక్షానే ఉన్నామనే సంకేతాలు పంపేలా వ్యవహరిస్తున్నట్టుగా కనిపిస్తోంది.

ఇవి కూడా చదవండి

ఇక డ్రగ్‌ మాఫియాపై ఉక్కుపాదమే.. ఏకతాటిగా తెలంగాణ అసెంబ్లీ నిర్ణయం

పోలీసుల అదుపులో ఎద్దు.! ఎద్దు పంచాయితీని ఎటూ తేల్చలేని పోలీసులు.

దూకుడు పెంచిన బండి సంజయ్‌.. 20 వేల మంది కార్యకర్తలతో..

తెలంగాణ అసెంబ్లీ సమావేశాలు వాయిదా.. సభలో వాడీవేడిగా సాగిన..

మరిన్ని తెలంగాణ వార్తల కోసం ఇక్కడ క్లిక్ చేయండి..