TRS Plenary: రేపే పింక్‌ ఫెస్టివల్.. ప్లీనరీలో పసందైన భోజనం..మటన్ ముక్క, నాటుకోడి పులుసు.. మెనూ ఇదే..

TRS Party Plenary Food Menu: ఈ ప్లీనర్లీకి అంచనాకు తగ్గట్లు సదుపాయాలు సమకూర్చారు. ముఖ్యంగా అందరి దృష్టి భోజన ఏర్పాట్లపైనే ఉంది. ఎందుకంటే.. తెలంగాణ సంస్కృతిని ప్రతిబింబించేలా అతిథులకు ప్రత్యేక మెనూ సిద్ధం చేశారు.

Trs Party Plenary Food Menu

Sanjay Kasula |
Updated on: Apr 26, 2022 | 12:20 PM

తెలంగాణ రాష్ట్ర సమితి(TRS) ప్రతిష్ఠాత్మకంగా నిర్వహిస్తున్న పార్టీ ప్లీనరీకి హైదరాబాద్‌ మహా నగరం ముస్తాబైంది. హైటెక్స్‌లో రేపు జరగనున్న ప్లీనరీకి గులాబీ పార్టీ భారీ స్థాయిలో ఏర్పాట్లు చేస్తోంది. గులాబీ పండుగ కోసం మాదాపూర్‌లోని హెచ్‌ఐసీసీలో బుధవారం పార్టీ ప్రతినిధులతో జరుగనున్న ఈ ప్లీనరీకి రాష్ట్రంలోని అన్ని జిల్లాల నుంచి ప్రతినిధులు నగరానికి రానుండటంతో నగరం నలువైపులా స్వాగత తోరణాలు, ప్రధాన కూడళ్లలో పార్టీ జెండాలు, అధినేతల ఫొటోలతో అలంకరించారు. రాష్ట్రవ్యాప్తంగా సుమారు 6వేల మంది TRS ప్రతినిధులు రేపటి ప్లీనరీకి హాజరుకానున్నారు. ఈ నెల 27న జరగబోతోంది ప్లీన‌రీకి హాజ‌ర‌య్యే టీఆర్ఎస్ ప్ర‌జాప్ర‌తినిధుల‌కు నోరూరించే వంట‌కాల‌ను సిద్ధం చేస్తున్నారు. ప్లీన‌రీలోని వంట‌ల ప్రాంగ‌ణం రుచిక‌ర‌మైన వంట‌కాల‌తో ఘుమ‌ఘుమ‌లాడుతోంది. క‌డుపు నిండా భోజ‌నం వ‌డ్డించేందుకు వంట‌కాల‌ను సిద్ధం చేస్తున్నారు. మొత్తం 33 ర‌కాల వెరైటీల‌ను ఏర్పాటు చేశారు.

33 ర‌కాల వెరైటీలు ఇవే..

ఈ ప్లీనరీ విందులో తెలంగాణ రుచులతో పాటు..వివిధ ప్రాంతాలకు చెందిన వంటకాలను అందిస్తున్నారు. తెలంగాణ నాటు కోడి కూర ప్రత్యేకంగా నిలుస్తోంది. మొత్తంగా షడ్రుచోపేత వంటలను వేడివేడిగా వడ్డించేందుకు ఏర్పాట్లు చేశారు. ఇక ఈ ప్లీనర్లీకి అంచనాకు తగ్గట్లు సదుపాయాలు సమకూర్చారు. ముఖ్యంగా అందరి దృష్టి భోజన ఏర్పాట్లపైనే ఉంది. ఎందుకంటే.. తెలంగాణ సంస్కృతిని ప్రతిబింబించేలా అతిథులకు ప్రత్యేక మెనూ సిద్ధం చేశారు. ఈ వేడుకల్లో వెజ్‌, నాన్‌వెజ్‌ స్పెషల్స్‌, రోటి పచ్చళ్ళుతో ఘుమఘుమలాడించే వంటకాలు ఉండనున్నాయి.

డబుల్‌కామీట,

గులాబ్‌జామ్‌,

మిర్చిబజ్జీ,

రుమాలీ రోటీ,

తెలంగాణ నాటు కోడి కూర,

చికెన్‌ధమ్‌ బిర్యానీ,

ధమ్‌కా చికెన్‌,

మిర్చి గసాలు,

ఆనియన్‌ రైతా,

మటన్‌కర్రీ,

తలకాయ కూర,

బోటీదాల్చా,