Telangana: తెలంగాణ గ్రూప్ 3 ఫలితాలు విడుదల.. ఎలా చెక్ చేసుకోవాలంటే..?

తెలంగాణలో ప్రభుత్వ ఉద్యోగాల భర్తీ ప్రక్రియలో మరో కీలక అడుగు పడింది. గ్రూప్ 3 సర్వీసెస్ రిక్రూట్‌మెంట్‌కు సంబంధించి ప్రోవిజనల్ ఎంపిక జాబితాను తెలంగాణ పబ్లిక్ సర్వీస్ కమిషన్ విడుదల చేసింది. 2022 లో 1388 పోస్టుల భర్తీకి గ్రూప్ 3 నోటిఫికేషన్ వెలువడింది. గత ఏడాది నవంబర్ 17,18 తేదీల్లో పరీక్షలు జరిగాయి. కోర్టు కేసులు, గ్రూప్-1,2 వివాదాల కారణంగా గ్రూప్-3 ఫలితాలు ఆలస్యంగా విడుదల చేశారు.

గ్రూప్ 3 పరీక్ష మొత్తం 1388 పోస్టుల భర్తీకి నిర్వహించగా 1370 మంది అభ్యర్థులు ఎంపికైనట్లు TGPSC ప్రకటించింది. ఈ ఏడాది మార్చి 14,న ప్రకటించిన జనరల్ ర్యాంకింగ్ లిస్ట్ (GRL) ఆధారంగా ఈ ఎంపిక జరిగింది. ఎంపికైన అభ్యర్థుల హాల్ టికెట్ నంబర్లను కమిషన్ అధికారిక వెబ్‌సైట్‌లో అందుబాటులో ఉంచింది. అభ్యర్థులు తమ ఫలితాల కోసం https://www.tgpsc.gov.in వెబ్‌సైట్‌ లోకి వెళ్లాలి

ప్రస్తుతం విడుదల చేసిన ఈ ఫలితాలు కోర్టులలో పెండింగ్‌లో ఉన్న రిట్ పిటిషన్లతుది తీర్పునకు లోబడి ఉంటాయని కమిషన్ స్పష్టం చేసింది. ఒకవేళ అభ్యర్థులు ఎవరైనా తప్పుడు సమాచారం అందించినట్లు తేలితే, వారి ఎంపికను ఏ దశలోనైనా రద్దు చేసే అధికారం కమిషన్‌కు ఉంటుందని TGPSC సెక్రటరీ డాక్టర్ ప్రియాంక అలా ఉత్తర్వుల్లో పేర్కొన్నారు.

మరిన్ని తెలంగాణ వార్తల కోసం క్లిక్‌ చేయండి.