Telangana: మోడల్ స్కూల్ టీచర్లకు గుడ్ న్యూస్.. బదీలీలకు రాష్ట్ర ప్రభుత్వం ఆమోదం
తెలంగాణ ప్రభుత్వం మోడల్ స్కూల్ టీచర్లను బదిలీ చేసేందుకు ఆమోదం తెలిపింది. ఇందుకు సంబంధించిన ఫైల్‌పై శుక్రవారం విద్యాశాఖ మంత్రి సబితాఇంద్రారెడ్డి సంతకం చేశారు. రాష్ట్రంలోని 194 మోడల్ సూళ్లలో ఉండగా అందులో 3 వేల మందికి పైగా టీచర్లు తమ విధులు నిర్వహిస్తున్నారు.
Updated on: May 20, 2023 | 4:00 AM
తెలంగాణ ప్రభుత్వం మోడల్ స్కూల్ టీచర్లను బదిలీ చేసేందుకు ఆమోదం తెలిపింది. ఇందుకు సంబంధించిన ఫైల్‌పై శుక్రవారం విద్యాశాఖ మంత్రి సబితాఇంద్రారెడ్డి సంతకం చేశారు. రాష్ట్రంలోని 194 మోడల్ సూళ్లలో ఉండగా అందులో 3 వేల మందికి పైగా టీచర్లు తమ విధులు నిర్వహిస్తున్నారు. అయితే వీళ్లంతా పదేండ్ల నుంచి మొదటి నియామక స్థానం నుంచే పనిచేస్తున్నారు. తమను బదిలీ చేయాలంటూ కొన్ని రోజుల క్రితం ఈ టీచర్లు ఆందోళన చేసిన విషయం తెలిసిందే. ఈ మేరకు రాష్ట్ర ప్రభుత్వం దీనిపై నిర్ణయం తీసుకుంది.
అయితే వచ్చేవారంలోనే దీనికి సంబంధించి పూర్తి షెడ్యూల్‌ విడుదల చేయనున్నది. ఇందుకు మోడల్‌స్కూళ్ల పాలకమండలి ఆమోదం తీసుకోవాల్సి ఉంది. దీంతో పాత జోనల్‌ విధానం ప్రకారమే బదిలీలు జరిగే అవకాశం ఉన్నట్లుగా విద్యాశాఖ వర్గాలు తెలిపాయి. ఈ షెడ్యూల్‌ను వెంటనే ప్రకటించాలని.. బదిలీల ప్రక్రియ సజావుగా జరిగేలా చూడాలని తెలంగాణ మోడల్ స్కూల్ టీచర్స్‌ అసోసియేషన్‌ రాష్ట్ర అధ్యక్షుడు భూతం యాకమల్లు ప్రభుత్వానికి విజ్ఞప్తి చేశారు . అలాగే తమను బదిలీ చేసేందుకు సహకరించిన ప్రభుత్వానికి, మంత్రులకు ధన్యవాదాలు తెలిపారు.
మరిన్ని తెలంగాణ వార్తల కోసం ఈ లింక్ క్లిక్ చేయండి..
