SBI Recruitment 2023: ఎస్బీఐలో స్పెషలిస్ట్‌ కేడర్‌ ఆఫీసర్ ఉద్యోగాలు.. రాత పరీక్షలేకుండానే బ్యాంక్ జాబ్స్

స్టేట్‌ బ్యాంక్‌ ఆఫ్ ఇండియా.. రెగ్యులర్ ప్రాతిపదికన 47 స్పెషలిస్ట్‌ కేడర్‌ ఆఫీసర్ పోస్టుల భర్తీకి అర్హులైన అభ్యర్ధుల నుంచి దరఖాస్తులు ఆహ్వానిస్తూ నోటిఫికేషన్‌ విడుదల చేసింది. రాత పరీక్ష లేకుండానే ఉద్యోగం సొంతం చేసుకోవచ్చు. ఈ పోస్టులకు దరఖాస్తు..

SBI Jobs

Srilakshmi C |
Updated on: May 21, 2023 | 7:31 AM

స్టేట్‌ బ్యాంక్‌ ఆఫ్ ఇండియా.. రెగ్యులర్ ప్రాతిపదికన 47 స్పెషలిస్ట్‌ కేడర్‌ ఆఫీసర్ పోస్టుల భర్తీకి అర్హులైన అభ్యర్ధుల నుంచి దరఖాస్తులు ఆహ్వానిస్తూ నోటిఫికేషన్‌ విడుదల చేసింది. రాత పరీక్ష లేకుండానే ఉద్యోగం సొంతం చేసుకోవచ్చు. ఈ పోస్టులకు దరఖాస్తు చేసుకునే అభ్యర్ధులు పోస్టును బట్టి సంబంధిత స్పెషలైజేషన్‌లో బీఈ, బీటెక్, ఎంసీఏ, ఎంఈ/ఎంటెక్‌ లేదా తత్సమాన డిగ్రీలో కనీసం 60 శాతం మార్కులతో ఉత్తీర్ణతతోపాటు సంబందిత పనిలో అనుభవం కూడా ఉండాలి. దరఖాస్తుదారుల వయసు 32 నుంచి 42 ఏళ్ల మధ్య ఉండాలి.

ఆసక్తి కలిగిన వారు ఆన్‌లైన్‌ విధానంలో జూన్‌ 5, 2023వ తేదీలోపు దరఖాస్తు చేసుకోవచ్చు. దరఖాస్తు సమయంలో జనరల్ కేటగిరికి చెందిన వారు రూ.750 అప్లికేషన్‌ ఫీజు చెల్లించాలి. ఎస్సీ/ఎస్టీ/వికలాంగ అభ్యర్థులు ఫీజు చెల్లించనవసరం లేదు. షార్ట్‌ లిస్టింగ్, ఇంటర్వ్యూ ఆధారంగా తుది ఎంపిక చేస్తారు. ఎంపికై వారికి నెలకు రూ.63,840ల నుంచి రూ.78,230ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.