Telangana: నిరుద్యోగులకు తెలంగాణ ప్రభుత్వం ఎగిరి గంతేసేవార్త.. నేరుగా అకౌంట్లోకి రూ.3 లక్షలు.. ప్రతీఒక్కరికీ అవకాశం

నిరుద్యోగుల కోసం తెలంగాణ ప్రభుత్వం రాజీవ్ యువ వికాసం పథకాన్ని అమలు చేస్తోంది. ఈ పథకం ద్వారా నిరుద్యోగులకు స్వయం ఉపాధి అవకాశాలు కల్పిస్తోంది. రూ.3 లక్షల వరకు ఆర్ధిక సాయం అందిస్తోంది. అసలు ఈ పథకం కింద ఎలా లబ్ది పొందాలనేది చూద్దాం.

money

Venkatrao Lella |
Updated on: Apr 03, 2026 | 2:59 PM

నిరుద్యోగులు స్వయం ఉపాధి పొందేందుకు తెలంగాణ ప్రభుత్వం అనేక పథకాలు అమలు చేస్తోంది. అందులో రాజీవ్ యువ వికాసం పథకం ఒకటి. 2025 మార్చి 15న ఈ పథకాన్ని సీఎం రేవంత్ ప్రారంభించారు. 5 లక్షల మంది యువతకు ఈ పథకం ద్వారా స్వయం ఉపాధి కల్పించాలని ప్రభుత్వం లక్ష్యంగా పెట్టుకుంది. అసలు ఈ పథకానికి ఎలా దరఖాస్తు చేసుకోవాలి..? అర్హతలు ఏంటి..? ఎవరవెవరు అర్హులు..? అప్లై చేసుకునేందుకు ఎలాంటి డాక్యుమెంట్స్ కావాలి..? అనే విషయాలు చూద్దాం.

రాజీవ్ యువ వికాసం పథకం..?

రాష్ట్రంలో యువతకు స్వయం ఉపాధి కల్పించేందుకు తెచ్చిన పథకం ఇది. ఎస్సీ, ఎస్టీ, మైనార్టీ వర్గాలకు చెందిన యువత ఈ పథకం ద్వారా లబ్ది పొందవచ్చు. మీరు వ్యాపారం స్టార్ట్ చేయాలనుకుంటే రూ.50 వేల నుంచి రూ.3 లక్షల వరకు ఆర్ధిక సాయం అందిస్తారు. ఒక్కో యూనిట్‌కు 60 నుంచి 100 శాతం సబ్సిడీ అందిస్తారు. ఇక మిగిలిన మొత్తాన్ని బ్యాంక్ నుంచి రుణంగా అందిస్తారు. ఇక నైపుణ్యం కోసం 15 రోజుల పాటు ఉచిత శిక్షణ కూడా ప్రభుత్వం అందిస్తుంది.