CM KCR in Sagar by poll: రేపటితో ముగియనున్న సాగర్ ఉప ఎన్నిక ప్రచారం.. మరికాసేపట్లో హాలియాలో ముఖ్యమంత్రి కేసీఆర్ సభ
నల్లగొండ జిల్లా నాగార్జున సాగర్ ఉప ఎన్నిక ప్రచారానికి రేపటితో తెరపడనుంది. గురువారం సాయంత్రం 5 గంటలకు ప్రచార పర్వం ముగియనుంది.
CM KCR in Sagar campaign: నల్లగొండ జిల్లా నాగార్జున సాగర్ ఉప ఎన్నిక ప్రచారానికి రేపటితో తెరపడనుంది. గురువారం సాయంత్రం 5 గంటలకు ప్రచార పర్వం ముగియనుంది. అధికార టీఆర్ఎస్, బీజేపీ, కాంగ్రెస్ పార్టీలు బైఎలక్షన్‌ను ప్రతిష్టాత్మకంగా తీసుకుని పోటా పోటీ ప్రచారంతో దూసుకుపోతున్నారు. ఇందులో భాగంగా ముఖ్యమంత్రి కేసీఆర్ మరికాసేపట్లో టీఆర్ఎస్ తరఫున ప్రచారానికి ఫైనల్‌ టచ్‌ ఇవ్వబోతున్నారు. మరో గంటలో హాలియాలో సీఎం కేసీఆర్ బహిరంగ సభ ప్రారంభం కానుంది.
ఉప ఎన్నికల నేపథ్యంలో గత 20 రోజులుగా ప్రధాన పార్టీలు నియోజకవర్గ వ్యాప్తంగా విస్తృత ప్రచారం నిర్వహిస్తున్నాయి. ఆది నుంచి ప్రచారంలో టీఆర్ఎస్ దూకుడు ప్రదర్శిస్తున్నది. మంత్రులు, ఎమ్మెల్యేలు, ఎంపీలు సుడిగాలి పర్యటనలు చేస్తూ ఓటర్లర్లను ఆకర్షిస్తున్నారు. సీఎం కేసీఆర్ పాలనలో అమలవుతున్న సంక్షేమ పథకాలను వివరిస్తూ పార్టీ అభ్యర్థి నోముల భగత్‌కు ఓటు వేయాలని టీఆర్ఎస్ నేతలు ఓటర్లను అభ్యర్థిస్తున్నారు.
నాగార్జున సాగర్ నియోజక వర్గం హాలియా బహిరంగ సభకు బయలు దేరిన సీఎం కెసిఆర్. మార్గమధ్యంలో యాచారం వద్ద టీఆర్ఎస్ పార్టీ కార్యకర్తలు, అభిమానులు పెద్ద ఎత్తున హాజరై సీఎం కేసీఆర్‌కు స్వాగతం పలికారు. భారీ తరలివచ్చిన జనాన్ని చూసిన సీఎం తన వాహనం నిలిపి ప్రజలకు అభివాదం చేశారు.
ఇక, మరికాసేపట్లో మొదలు కానున్న సభలో టీఆర్ఎస్ పాలనలో నియోజకవర్గంలో జరిగిన అభివృద్ధి.. భవిష్యత్‌లో ఇక్కడ చేపట్టబోయే అభివృద్ధి పనులను సీఎం కేసీఆర్ నియోజకవర్గ ప్రజలకు వివరించనున్నారు. కేసీఆర్ సభ నేపథ్యంలో టీఆర్ఎస్ శ్రేణులు భారీగా ఏర్పాట్లు పూర్తి చేశారు.
Read Also…
కరోనాపై మరికొన్ని రోజులు అప్రమత్తత అవసరం..! వైద్యాధికారుల సమీక్షలో మంత్రి ఈటల..
