New Year – TSRTC: ‘ఆర్టీసీ బస్సు ఉండగా టెన్షన్ ఎందుకు దండగ.. న్యూ ఇయర్ వేళ మందుబాబుల కోసం సజ్జనార్ కీలక ప్రకటన’

Hyderabad TSRTC Buses: తెలంగాణ రాష్ట్ర ఆర్టీసీ ఎండీ సజ్జనార్ మరో కీలక నిర్ణయం తీసుకున్నారు. న్యూ ఇయర్ వేడుకలకు అదనంగా బస్ సర్వీసులు నడపాలని నిర్ణయం తీసుకున్నారు. న్యూ ఇయర్ వేడుకల్లో పాల్గొనే వారి కోసం హైదరాబాద్ నగరంలో ప్రత్యేకంగా బస్సులు నడపనున్నట్లు సజ్జనార్ తెలిపారు. సిటీ శివారులో ఉన్న ఈవెంట్స్ జరిగే ప్రాంతాలకు బస్సు సర్వీసులు నడపాలని తెలంగాణ ఆర్టీసీ నిర్ణయం తీసుకుంది. దీని కోసం ఒక్కరికి 100 రూపాయల ఛార్జ్ వసూలు చేయాలని కూడా నిర్ణయం తీసుకున్నారు.

ఆర్టీసీ సూచించిన 15 ప్రాంతాలకు ప్రాంతాలకు ఈ సర్వీసులు అందుబాటులో ఉండనున్నాయి. ఈవెంట్స్ వెళ్లే వారికోసం రాత్రి 7.30 రాత్రి 9.30 వరకు, తిరుగు ప్రయాణం అర్ధరాత్రి 12.30 నుండి తెల్లవారుజామున 3 గంటల వరకు బస్సు సౌకర్యం కల్పించనున్నట్లు తెలంగాణ ఆర్టీసీ ప్రకటన చేసింది. దీంతోపాటు 18 సీట్ల ఏసి బస్సు వెళ్లి రావటానికి 4000 రూపాయలుగా తెలంగాణ రాష్ట్ర ఆర్టీసీ ప్రత్యేక ప్యాకేజ్ ప్రకటించింది.

#TSRTC has planned to operate Metro Express buses for the convenience of the public from 19:30 hrs. to 21:30 in the Up journey & from 12:30 AM to 3:00 AM in the Down journey with a flat fare of Rs 100/- per head in one way on the following routes given below#NewYear #NewYear2022 pic.twitter.com/ljsoWLk70C

— V.C Sajjanar IPS MD TSRTC Office (@tsrtcmdoffice) December 30, 2021

కాగా.. అంతకుముందు ఓ నెటిజన్ ట్విట్టర్లో సజ్జనార్ ఓ సూచన చేశారు. ‘‘సార్.. రేపు రాత్రి 1 తర్వాత బస్సులు జూబ్లీ హిల్స్, బంజారా హిల్స్ నుంచి నగరం నలుమూలలకు బస్సులు తిప్పాలని కోరాడు. దీంతోపాటు ఇష్టమొచ్చినట్టు రేట్లు పెట్టుకోవాలని.. ఎవ్వరూ కంప్లైన్ చేయడంటూ పేర్కొన్నాడు. ప్రజలంతా మెచ్చుకుంటారంటూ ట్విట్ చేశాడు. అయితే.. దానికి సజ్జనార్ సమాధానమిస్తూ… రూట్లను ఫైనల్ చేస్తున్నామని రీట్విట్ చేశారు. కాగా.. ఆర్టీసీ తాజాగా తీసుకున్న ఈ నిర్ణయంపై నెటిజన్లు తెగ కామెంట్లు చేస్తున్నారు.

సార్.. @tsrtcmdoffice, రేపు రాత్రి 1 తర్వాత బస్సులు జూబిలీ హిల్స్, బంజారా హిల్స్ నుంచి నగరం నలుమూలలకు తిప్పుర్రి. ఇష్టమొచ్చినట్టు రేట్లు పెట్టుకోర్రి. ఎవ్వడు కంప్లైన్ చెయ్యడు. ఉల్టా తాగినోల్లను సేఫ్ గా ఇంటికి తోలినందుకు తారిఫ్ చేస్తారు ఇంట్లోల్లు.

— Mahi (@Mahi0x00) December 30, 2021

Also Read:

Telangana – Rythu Bandhu: మూడో రోజు రైతు బంధులు నిధుల జమ.. మొత్తం ఎంత విడుదలయ్యాయంటే..

TSRTC New Year Gift: ఆర్టీసీ బంపర్‌ ఆఫర్‌.. న్యూ ఇయర్‌ సందర్భంగా చిన్నారులకు ఉచిత ప్రయాణం..