కాంబోడియాలో ఉద్యోగాల పేరుతో అమాయకులను క్రిమినల్స్‌గా మారుస్తున్న ముఠా అరెస్ట్‌

స్వదేశంలో అరకొర ఉద్యోగాలు… ఏళ్ల తరబడి చేసినా చాలిచాలని జీతం..! లైప్‌ రిస్క్‌ చేసైనా సరే వేదేశాల్లో కొన్నాళ్లపాటు పనిచేస్తే చేతినిండా డబ్బులు సంపాధించి తిరిగి రావచ్చని చాలమంది ఆశ. ఇలాంటి ఆశావహులనే టార్గెట్ చేస్తున్నాయి కొన్ని ముఠాలు. విదేశాల్లో ఉద్యోగాలు ఇప్పిస్తామని నిండా ముంచుతున్నాయి. తాజాగా అలాంటి ముఠా ఆటకట్టించారు హైదరాబాద్‌ పోలీసులు.

విదేశాల్లో ఉద్యోగాలు ఇప్పిస్తామని.. లక్షల రూపాయలు దండుకుని నిండాముంచిన ఫేక్‌ కన్సల్టెన్సీలు ఉన్నాయి. విదేశాలకు తీసుకెళ్లి ఉద్యోగం ఇప్పించకుండా.. లేదా జీతం ఇవ్వకుండా ముంచిన కేటుగాళ్లూ ఉన్నారు. కానీ.. తాజాగా ఓ డేంజరస్‌ ముఠా వెలుగులోకి వచ్చింది. విదేశాలకు తీసుకెళ్లిన యువకులను క్రిమినల్స్‌గా మారుస్తోంది ముఠా. పాస్‌పోర్ట్‌ లాక్కుని… బంధీ చేసి.. బెదిరించి.. దాడి చేసి.. నేరాలకు పాల్పడేలా చేస్తోంది ముఠా.

సిరిసిల్లకు చెందిన ఓ యువకుడికి కాంబోడియాలో ఉద్యోగం ఇప్పిస్తామని నమ్మించాడు ఓ ఏజెంట్‌. తక్కువ ఖర్చుతో వెళ్లి తక్కువ టైంలో లక్షల రూపాయలు సంపాధించొచ్చని చెప్పడంతో యవకుడు కూడా అట్రాక్ట్‌ అయ్యాడు. కేవలం లక్షన్నర ఇస్తే చాలని చెప్పడంతో సరేనన్నాడు. ఏజెంట్‌కు లక్షా 40 వేలు ఇచ్చాడు. పాస్‌పోర్ట్‌, వీసా అరేంజ్‌ చేసిన ఏజెంట్‌.. ఆ యువకుడిని కాంబోడియా పంపాడు. కాంబోడియాలో ఆ యువకుడిని రిసీవ్‌ చేసుకున్నాడు అక్కడి లోకల్‌ ఏజెంట్‌.

ఇవి కూడా చదవండి

దారుణం: రైలు ఇంజిన్‌ - బోగీల మధ్య ఇరుక్కుపోయి ఉద్యోగి మృతి..

సమగ్ర సర్వేపై సైబర్‌ నేరగాళ్ల ఉచ్చు.. చిక్కారో ఇక అంతే సంగతులు..!

కట్టెలు కొట్టుకునే వ్యక్తిని వరించిన అదృష్టం.!అడవిలో దొరికిన దుంగ

జోరు వర్షంలోనూ కూరగాయలు అమ్ముతున్న వృద్ధురాలు.. బూస్టర్‌డోస్‌

అక్కడికి వెళ్లగానే సీన్‌ మారిపోయింది. యువకుడు దిగీదగగానే.. పాస్‌పోర్ట్‌ లాక్కున్నారు కాంబోడియాలోని ముఠా సభ్యులు. యువకుడిని రూమ్‌లో బంధించారు. తాము చెప్పినట్టు వినాలని.. లేకపోతే చిత్రహింసలు తప్పవని బెదిరించారు. ఆ యువకుడితో… సైబర్‌ నేరాలు చేయించసాగారు ముఠా సభ్యులు. టాస్క్‌ల మాధిరిగా సైబర్‌ ఫ్రాడ్‌ లు చేయాలని చెప్తూ.రోజుకు 16నుంచి18 గంటలుపనిచేయించుకున్నారు.

విషయాన్ని యువకుడు తన తల్లికి చేరవేశాడు. షాక్‌ కు గురైన యువకుడి తల్లి హైదరాబాద్‌ సైబర్‌ క్రైమ్‌ పోలీసులకు ఆశ్రయించింది. కేసు నమోదు చేసుకున్న పోలీసులు… ఎట్టకేలకు కాంబోడియాలో ఉన్న యువకుడిని కాంటాక్ట్‌ అయ్యారు. యువకుడికి అన్ని విధాల సాయం అందిస్తూ… ముఠా చెర నుంచి తప్పించారు. సురక్షితంగా హైదరాబాద్‌ తీసుకొచ్చారు పోలీసులు.

యువకుడి నుంచి ఏజెంట్ల సమాచారం సేకరించారు. ఉద్యోగాల పేరుతో గాలం వేస్తున్న జగిత్యాలకు చెందిన సాయిప్రసాద్, పుణేలో ఉంటున్న మహమ్మద్‌ అబిద్‌ హుస్సేన్‌ అన్సారీ, బిహార్‌కు చెందిన మహమ్మద్‌ షాదాబ్‌ఆలం ను అదుపులోకి తీసుకున్నారు సైబర్‌ క్రైమ్‌ పోలీసులు. వీళ్ల నుంచి ముఠా సూత్రదారి సుధాకత్‌ ఖాన్‌ వివరాలు రాబట్టారు. సుధాకత్‌ విదేశాలకు వెళ్లడంతో… ఎప్పుడెప్పుడు చిక్కుతాడా అని ఎదురుచూశారు పోలీసులు. ఉత్తర్‌ప్రదేశ్‌లోని హలియాపుర్‌కు చెందిన సాదకత్‌ఖాన్‌ ను ఢిల్లీ లోని ఇందిరాగాంధీ అంతర్జాతీయ విమానాశ్రయంలో అదుపులోకి తీసుకున్నారు. మాల్దీవుల నుంచి తిరిగి వస్తుండగా… ఈ నెల 2న ఢిల్లీ ఎయిర్‌పోర్ట్‌లో దిగిన సాదకత్‌ఖాన్‌ను అక్కడి ఇమ్మిగ్రేషన్‌ అధికారులు ఆపేసి టీజీసీఎస్‌బీ పోలీసులకు సమాచారమిచ్చారు. ఇక్కడి నుంచి దిల్లీ వెళ్లిన బృందం తాజాగా అతడిని హైదరాబాద్‌ తీసుకొచ్చారు.

కంబోడియాలోని భారత్‌ ఎంబసీ సహకారంతో సిరిసిల్లకు చెందిన బాధిత యువకుడిని ముఠా చెర నుంచి తప్పించి హైదరాబాద్‌ తీసుకొచ్చామన్నారు పోలీసులు. ఇంకా ఎవరైనా బాధితులు ఉన్నారా అనే వివరాలు ఆరా తీస్తున్నామని.. ఎవరైనా ఉంటే వారిని కూడా రక్షించి తీసుకొస్తామంటున్నారు. విదేశాల్లో ఉద్యోగం అనగానే వెనకాముందు ఆలోచించకుండా.. గుడ్డిగా ఏజెంట్లను నమ్మొద్దని సూచిస్తున్నారు పోలీసులు.

మరిన్ని తెలంగాణ న్యూస్ కోసం క్లిక్ చేయండి..