Indian Railway: భారతీయ రైల్వే నయా రికార్డ్.. సరుకు రవాణాలో 9.5% వృద్ధి నమోదు
భారతీయ రైల్వే(Indian Railway) సరుకు రవాణా మునుపెన్నడూ లేని విధంగా సరికొత్త రికార్డును నమోదు చేసింది. 2021 - 22 సంవత్సరం నుంచి అత్యుత్తమ పనితీరు ప్రదర్శనను కొనసాగించింది. 2021 ఏప్రిల్‌లో భారతీయ రైల్వే...
Updated on: May 02, 2022 | 8:19 PM
భారతీయ రైల్వే(Indian Railway) సరుకు రవాణా మునుపెన్నడూ లేని విధంగా సరికొత్త రికార్డును నమోదు చేసింది. 2021 – 22 సంవత్సరం నుంచి అత్యుత్తమ పనితీరు ప్రదర్శనను కొనసాగించింది. 2021 ఏప్రిల్‌లో భారతీయ రైల్వే 111.64 మిలియన్‌ టన్నుల సరుకు రవాణా చేయగా.. 2022 ఏప్రిల్‌లో 10.5 మిలియన్‌ టన్నుల (9.5% వృద్ధి) పెరుగుదలతో 122.2 మిలియన్‌ టన్నుల సరుకు లోడింగ్‌ సాధించింది. బొగ్గు లోడింగ్‌లో 5.8 మిలియన్‌ టన్నుల పెరుగుదల, ఆహార ధాన్యాల లోడింగ్‌లో 3.3 మిలియన్‌ టన్నుల పెరుగుదల, ఎరువుల లోడింగ్‌లో 1.3 మిలియన్‌ టన్నుల పెరుగుదల ఈ వృద్ధికి దోహదపడ్డాయని రైల్వే అధికారులు తెలిపారు. స్టీల్‌ ప్లాంట్లు, ఫినిష్డ్‌ స్టీల్‌కు సంబంధించిన ముడిసరుకు మినహా అన్ని వస్తువులు గత సంవత్సరం వృద్ధిని నమోదు చేశాయి. రోజుకు లోడ్‌ అయిన వ్యాగన్ల సంఖ్య కూడా 9.2% వృద్ధి నమోదైంది. భారతీయ రైల్వే గతేడాది ఏప్రిల్‌ నెలలో 60,434 వ్యాగన్ల లోడింగ్‌తో పోలిస్తే ఈ ఏప్రిల్‌లో రోజుకు 66,024 వ్యాగన్లు లోడ్‌ చేసింది.
దేశంలో ఆర్థిక కార్యకలాపాల పునరుద్ధరణ, బొగ్గు దిగుమతిని తగ్గించడంతో దేశీయ బొగ్గుకు గణనీయమైన డిమాండ్‌ ఏర్పడింది. ఈ అవసరాలను రైల్వేలు గణనీయంగా తీరుస్తున్నాయి. భారతీయ రైల్వే 2021 సెప్టెంబర్‌ నుంచి 2022 మార్చి వరకు బొగ్గు లోడింగ్‌ను 32% అధికంగా థర్మల్‌ విద్యుత్‌ కేంద్రాలకు సరఫరా చేయడమే ఇందుకు నిదర్శనం. ఇదే ప్రక్రియను 2022 ఏప్రిల్‌లోనూ కొనసాగిస్తూ భారతీయ రైల్వే బొగ్గు లోడింగ్‌లో వృద్ధి సాధించింది. విద్యుత్‌ కేంద్రాలకు దేశీయ బొగ్గు లోడింగ్‌ ఏప్రిల్‌ 2022లో 18.8% వృద్ధితో గణనీయంగా పెరిగింది.
Highest Ever #loading in April’ 2022 in South Central Railway History #HungryForCargo #freight #FreightFriendlyRailways @RailMinIndia @AshwiniVaishnaw pic.twitter.com/TMzNbcVZ6T
— South Central Railway (@SCRailwayIndia) May 2, 2022
ఎఫ్‌సీఐ ఆహార ధాన్యాల సేకరణ, గోధుమ ఎగుమతి డిమాండ్‌తో ఏప్రిల్‌లో ఆహార ధాన్యాల లోడింగ్‌ 95% వృద్ధిని నమోదు చేశాయి. అంతేకాక ఎరువుల లోడింగ్‌లో 53% వృద్ధి కనిపించింది. కంటైనర్ల రంగంలో 10% వృద్ధి సాధించగా, దేశీయ కంటైనర్ల రంగంలో 25% కంటే అధికంగా వృద్ధి జరిగింది.
మరిన్ని తెలంగాణ వార్తల కోసం ఈ లింక్ క్లిక్ చేయండి
ఇవీచదవండి
కుండీల్లో పెరిగే వామాకుతో ఆరోగ్య ప్రయోజనాలు తెలిస్తే వామ్మో అంటారు
F3 Movie: హాట్ సమ్మర్‌లో నవ్వులు పూయించడానికి రెడీ అవుతున్న ‘ఎఫ్3’.. ట్రైలర్ వచ్చేది ఎప్పుడంటే
