Hyderabad: కత్తులతో ఇంట్లోకి చొరబడ్డారంటూ డయల్ 100కు మహిళ ఫోన్.. సీన్ కట్ చేస్తే.. తలపట్టుకున్న ఖాకీలు..
తన ఇంట్లోకి ఒకరు కత్తులతో చొరబడ్డాడు, తనను బెదిరించి రెండు లక్షల రూపాయలు ఎత్తుకుపోయాడంటూ కంప్లైంట్ చేసింది కొండమ్మ. ఆ మహిళ ఫిర్యాదుతో ఉరుకుల పరుగులు పెట్టారు వనస్థలిపురం పోలీసులు.
Updated on: Sep 04, 2022 | 7:33 AM
Hyderabad Police: హైదరాబాద్ శివార్లలోని వనస్థలిపురం నుంచి డయల్ హండ్రెడ్కు ఓ కాల్ వచ్చింది. ఫోన్ చేసింది మహిళ, పైగా వృద్ధురాలు, దాంతో, డయల్ 100 టీమ్ హైఅలర్ట్ అయ్యింది. ఏం జరిగింది? అంటూ ఆరా తీశారు పోలీసులు. తన ఇంట్లోకి ఒకరు కత్తులతో చొరబడ్డాడు, తనను బెదిరించి రెండు లక్షల రూపాయలు ఎత్తుకుపోయాడంటూ కంప్లైంట్ చేసింది కొండమ్మ. ఆ మహిళ ఫిర్యాదుతో ఉరుకుల పరుగులు పెట్టారు వనస్థలిపురం పోలీసులు. ఆగమేఘాలమీద ఆమె ఇంటి దగ్గర వాలిపోయారు. ఏం జరిగిందో, ఆమెను మరోసారి అడిగి తెలుసుకున్నారు. రంగంలోకి దిగిన సీసీఎస్, ఎస్వోటీ అండ్ వనస్థలిపురం పోలీసులు ఇల్లు మొత్తం పరిశీలించారు. అయితే, దొంగ వచ్చినట్లు ఆనవాళ్లు లేకపోవడంతో కొండమ్మను మరోసారి ప్రశ్నించారు. పోలీసుల ప్రశ్నలతో కంగారుపడిన కొండమ్మ, అసలు నిజం ఒప్పుకుంది.
తన భర్త దగ్గర ఉన్న డబ్బు కోసమే దోపిడీ నాటకం ఆడినట్లు రియల్ సీన్ రివీల్ చేసింది. కొండమ్మ చెప్పిన సమాచారంతో పరుపు, మనీప్లాంట్ కింద దాచిపెట్టిన డబ్బును గుర్తించారు పోలీసులు. అయితే, తప్పుడు సమాచారంతో డయల్ హండ్రెడ్కు కాల్చేసి తప్పుదారి పట్టించినందుకు కొండమ్మను అదుపులోకి తీసుకున్నారు పోలీసులు.
మరిన్ని క్రైమ్ వార్తల కోసం…
