Hyderabad crime: స్నేహితుడని చేరదీసి ఇంట్లో ఆశ్రయమిస్తే భార్యపైనే కన్నేశాడు..

స్నేహితుడని చేరదీసి ఇంట్లో నీడనిస్తే, స్నేహితుడి భార్యపైనే కన్నేశాడు ఓ స్నేహ ద్రోహి. స్నేహం ముసుగులో గుడ్డిగా నమ్మిన స్నేహితుడి భార్యను బెదిరించి తన కోరిక తీర్చుకునేందుకు యత్నించిన యువకుడిని హైదరాబాద్‌ షీ టీం పోలీసులు అరెస్టు చేశారు. వివరాల్లోకెళ్తే..

హైదరాబాద్‌కు చెందిన అబ్దుల్‌ సల్మాన్‌ (23) తన స్నేహితుడైన మరొక యువకుడి ఇంట్లో గత కొంతకాలంగా నివాసం ఉంటున్నాడు. మిత్రుడని ఆశ్రయమిస్తే.. సల్మాన్‌ మాత్రం తన వక్ర బుద్ధి చూపించాడు. స్నేహితుడి దంపతులు సన్నిహితంగా ఉన్న వీడియోలను కెమెరా ద్వారా రికార్డు చేశాడు. అనంతరం వాటిని మిత్రుడి భార్యకు చూపి తన కోరిక తీర్చమని వేధించసాగాడు. లేకపోతే చిత్రీకరించిన దృశ్యాలను సోషల్‌ మీడియాలో పోస్టు చేస్తానని బెదిరింపులకు దిగాడు. దీంతో బాధితురాలు హైదరాబాద్‌లోని షీ టీమ్‌ను ఆశ్రయించి, ఫిర్యాదు చేసింది. రంగంలోకి దిగిన పోలీసులు నిందితుడిని అరెస్టు చేసి, అతని వద్ద ఉన్న అన్ని ఆధారాలను స్వాధీనం చేసుకున్నారు. అనంతరం అన్ని ఆధారలతో నిందితుడిని కోర్టులో హాజరుపరిచారు షీటీం పోలీసులు. కేసును విచారించిన మెట్రోపాలిటన్ మేజిస్ట్రేట్ నిందితుడికి ఎనిమిది రోజుల జైలు శిక్ష విధించారు.

ఇవి కూడా చదవండి

మరిన్ని క్రైం వార్తల కోసం ఇక్కడ క్లిక్ చేయండి.