Telangana Crime News: షాకింగ్..! హైదరాబాద్‌లో టీఎస్‌ఆర్టీసీ బస్సు డ్రైవర్ కిడ్నాప్.. ఇంతకీ ఎవరు చేశారంటే..
ఆర్టీసీ బస్‌ డ్రైవర్‌గా పనిచేస్తున్న ఓ వ్యక్తిని గుర్తు తెలియని వ్యక్తులు కిడ్నాప్ చేశారు. వెంటనే అప్రమత్తమైన పోలీసులు చాకచక్యంగా కిడ్నాపర్లను గుర్తించి, అరెస్ట్‌ చేశారు. తెలంగాణ రాష్ట్ర రాజధానిలో చోటుచేసుకున్న..
Updated on: Jan 16, 2023 | 12:25 PM
ఆర్టీసీ బస్‌ డ్రైవర్‌గా పనిచేస్తున్న ఓ వ్యక్తిని గుర్తు తెలియని వ్యక్తులు కిడ్నాప్ చేశారు. వెంటనే అప్రమత్తమైన పోలీసులు చాకచక్యంగా కిడ్నాపర్లను గుర్తించి, అరెస్ట్‌ చేశారు. తెలంగాణ రాష్ట్ర రాజధాని హైదరాబాద్ లో చోటుచేసుకున్న ఈ సంఘటన స్థానికంగా కలకలం రేపింది. వివరాల ప్రకారం.. హైదరాబాద్‌లోని ఉప్పుగూడకు చెందిన వెంకటేశ్ దిల్‌సుఖ్ నగర్-2 డిపోలో తాత్కాలిక డ్రైవర్‌గా పని చేస్తున్నాడు. సంగారెడ్డికి చెందిన నవీన్ వద్ద కొంత కాలం వెంకటేశ్ స్నేహితుడికి హామీ కింద అప్పు ఇప్పించాడు. ఈ క్రమంలో వెంకటేశ్ స్నేహితుడు తీసుకున్న అప్పు నవీన్‌కు సకాలంలో పూర్తిగా చెల్లించలేదు. పైగా ఫోన్‌ చేసిన స్పందించడం లేదు.
దీంతో ఆగ్రహానికి గురైన నవీన్ తన స్నేహితులతో కలిపి ఆర్టీసీ డ్రైవర్‌గా పనిచేస్తున్న వెంకటేశ్‌ను కిడ్నాప్ చేయించాడు. వెంకటేశ్ కుటుంబ సభ్యులు దీనిపై పోలీసులకు ఫిర్యాదు చేశారు. కిడ్రాప్‌ కేసు నమోదు చేసుకున్న పోలీసు బృందాలు రంగంలోకి దిగాయి. ఆ ఏరియాలోని సీసీ కెమెరాల ఫుటేజీ ఆధారంగా కిడ్నాపర్లను గుర్తించి, అరెస్ట్‌ చేశారు. దీనిపై దర్యాప్తు కొనసాగుతోందని, నిందితులను విచారించి పూర్తి వివరాలు తర్వాత వెల్లడిస్తామని ఓ పోలీసధికారి మీడియాకు తెలిపాడు.
మరిన్ని తెలంగాణ వార్తల కోసం క్లిక్‌ చేయండి.
