Amit Shah: కేంద్ర హోంమంత్రి అమిత్ షా పర్యటన.. నిర్మల్ను ఆధీనంలోకి తీసుకున్న పోలీసులు, నిఘా వర్గాలు..
Amit Shah: కేంద్ర హోం మంత్రి అమిత్ షా పర్యటనపై పోలీసులు డేగ కన్ను వేశారు. రెండు రోజుల ముందే నిర్మల్ను తమ అధీనంలోకి తీసుకున్నారు పోలీసులు, నిఘావర్గాలు.
Updated on: Sep 15, 2021 | 8:23 AM
Amit Shah: కేంద్ర హోం మంత్రి అమిత్ షా పర్యటనపై పోలీసులు డేగ కన్ను వేశారు. రెండు రోజుల ముందే నిర్మల్ను తమ అధీనంలోకి తీసుకున్నారు పోలీసులు, నిఘావర్గాలు. ఈనెల 17వ తేదీన కేంద్ర హోంశాఖ మంత్రి అమిత్ షా నిర్మల్ జిల్లాలో పర్యటించనున్న విషయం తెలిసిందే. తెలంగాణ విమోచన దినోత్సవ భారీ బహిరంగ సభలో అమిత్ షా పాల్గొననున్నారు. రాంజీ గోండు పోరాటాల గడ్డ వెయ్యి ఉరుల మర్రి స్థలాన్ని అమిత్ షా సందర్శించనున్నారు.
కాగా, అమిత్ షా పర్యటన నేపథ్యంలో పోలీస్ శాఖ అప్రమత్తమైంది. జిల్లా కేంద్రంతో పాటు అమిత్ షర్యటించనున్న ప్రాంతాల్లో ప్రత్యేకంగా130కి పైగా సీసీ కెమెరాలను ఏర్పాటు చేశారు. అమిత్ షా నివాళులర్పించనున్న వెయ్యి ఉరుల మర్రి స్మారక స్థూపం, కురన్నపేట, బత్తీస్ఘడ్ ప్రాంతాన్ని పూర్తిగా తమ గుప్పిట్లోకి తీసుకున్నారు పోలీసులు. బత్తీస్ఘడ్ కోట వైపు రాకపోకలపై ప్రత్యేక కన్ను పెట్టారు. ఇదిలాఉంటే.. అమిత్ షా పర్యటన రూట్ మ్యాప్పై నేడు స్పష్టత రానుంది.
Also read:
Airtel Plans: జియోకు పోటీగా ఎయిర్టెల్.. కొత్త డేటా ప్లాన్.. స్మార్ట్ఫోన్ కంపెనీలతో చర్చలు..!
