చెల్లెమ్మ పెళ్లిలో అన్నయ్య షాకింగ్ గిఫ్ట్.. అతిథులను సైతం కన్నీళ్లు పెట్టించిన వినూత్న కానుక..!

పెళ్లి వేడుకలో వధువు తరపు బంధువులు అ వధువుకు కట్న కానుకలు, బంగారం, చీరలు, భూములు, ఇండ్లు విలువైన వస్తువులు కానుకగా ఇవ్వడం కామన్..! కానీ వరంగల్ జిల్లాకు చెందిన ఓ అన్నయ్య తన చెల్లి పెళ్లికి ఊహించని వినూత్న కానుక ఇచ్చి అందరినీ కన్నీళ్లు పెట్టించాడు. ఆ అన్నయ్య కానుక చూసి అక్కడున్న వారంతా అవాక్కయ్యారు. ఇంతకీ ఏం చేశాడు..? ఆ అపురూప కానుక ఏంటో తెలుసుకోవాలంటే ఈ స్టోరీ చదవాల్సిందే!

పెళ్లి వేడుకలో వధువుతో సహా అక్కడున్న వాళ్లంతా బోరున విలపించిన వినూత్న ఘటన ఇది. ఏడాది క్రితం తండ్రి చనిపోయి దుఃఖంతో తల్లడిల్లుతున్న ఆ వధువుకు అన్నయ్య అదిరిపోయే కానుక ఇచ్చాడు. ఆరడుగుల ఎత్తుతో తండ్రి విగ్రహాన్ని తయారు చేయించిన అన్నయ్య ఆ పెళ్లి వేడుకలో వధువుకు అపురూప కానుక ఇచ్చి అంతా అవాక్కయ్యేలా చేశాడు. ఈ విచిత్ర సంఘటన హనుమకొండ జిల్లా ఐనవోలు మండల కేంద్రంలో జరిగింది.

వడిచర్ల శ్రీనివాస్ అనే మండల స్థాయి నాయకుడు గత ఏడాది అనారోగ్యంతో మృతి చెందాడు. అతనికి కూతురు శివాని అంటే ప్రాణం. సోమవారం(మార్చి3) కూతురు వివాహం జరిగింది. అయితే ఆ వివాహ వేడుక సందర్భంగా తండ్రి కూతుర్ల అనుబంధం జీవితమంతా చెరగని జ్ఞాపకం ఉండాలని భావించిన మృతుడి కొడుకు కమలహాసన్ తన చెల్లెలికి ఓ అపురూప కానుక ఇచ్చాడు. ఆరడుగుల ఎత్తుతో తన తండ్రి శ్రీనివాస్ విగ్రహాన్ని తయారు చేయించిన కమలహాసన్ ఆ పెళ్లి వేడుకలో తన చెల్లెలికి కానుకగా ఇచ్చాడు. ఈ విగ్రహానికి తానే గుడి కట్టించి తండ్రిని జీవితమంతా దైవంలా పూజించాలని నిర్ణయించుకున్నారు.

పెళ్లి వేడుకలో అచ్చం తన తండ్రిని పోలిన విగ్రహాన్ని చూసిన వధువు శివాని బోరన విలపించింది. వధువుతో సహా అక్కడున్న వారంతా ఈ విచిత్ర సన్నివేశాన్ని చూసి కన్నీటి పర్యంతమయ్యారు. ఎక్కడ కనిపించని ఈ వినూత్న కానుక ఇక్కడ ఆ కుటుంబ సభ్యులతో పాటు పెళ్లి వేడుకకు హాజరైన ప్రతి ఒక్కరిని కన్నీరు పెట్టించింది.

వీడియో చూడండి.. 

మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి..