ట్విట్టర్ బ్లూటిక్ యూజర్లకు షాక్ ఏప్రిల్ 1 నుంచి డబ్బు చెల్లించకపోతే..మీ టిక్కు హుష్ కాకి
ట్విట్టర్ నుంచి ఓ పెద్ద వార్త టెక్ ప్రపంచాన్ని కలవరానికి గురిచేస్తోంది. ట్విట్టర్ బ్లూ టిక్ కోసం ఎవరైతే మార్చి 31లోగా మెంబర్షిప్ ఫీజు చెల్లించరో వారి ఖాతాలను అన్ వెరిఫైడ్ చేసేస్తామని ట్విట్టర్ ప్రకటించింది.
ట్విట్టర్ నుంచి ఓ పెద్ద వార్త టెక్ ప్రపంచాన్ని కలవరానికి గురిచేస్తోంది. ట్విట్టర్ బ్లూ టిక్ కోసం ఎవరైతే మార్చి 31లోగా మెంబర్షిప్ ఫీజు చెల్లించరో వారి ఖాతాలను అన్ వెరిఫైడ్ చేసేస్తామని ట్విట్టర్ ప్రకటించింది. అంటే డబ్బులు చెల్లించని వారి ఖాతాలను డీయాక్టివేట్ చేస్తామని ట్విట్టర్ ప్రకటించింది. ఏప్రిల్ 1 నుంచి కేవలం డబ్బు చెల్లించిన వారి ఖాతాలకు మాత్రమే బ్లూటిక్ ఉంటుందని ట్విట్టర్ ప్రకటించింది. గతంలో సెలబ్రిటీలు, రాజకీయ నాయకులు, ఇతర ప్రముఖులు, జర్నలిస్టులు వంటి వారికి బ్లూ టిక్ వెరిఫికేషన్ ఉచితంగానే ఇచ్చారు. కానీ ఇప్పుడు ఎవరు డబ్బు చెల్లిస్తే వారికి మాత్రమే వెరిఫికేషన్ ఇస్తామని ట్విట్టర్ ప్రకటించింది. అంటే ట్విట్టర్లో బ్లూ టిక్ను పొందాలనుకుంటే కేవలం డబ్బులు చెల్లిస్తే చాలు అని ఎలాన్ మస్క్ తేల్చడం గమనార్హం.
బ్లూ టిక్ కోసం ఎంత చెల్లించాలి:
ఏప్రిల్ 1 నుండి, బ్లూ టిక్ను కొనసాగించుకోవడానికి, లెగసీ వెరిఫికేషన్ చెక్మార్క్ను తొలగించడానికి డబ్బులు చెల్లించాల్సి ఉంటుందని కంపెనీ తెలిపింది. వ్యక్తులు Twitterలో తమ బ్లూటిక్ మార్క్ను కంటిన్యూ చేయాలంటే, Twitter బ్లూ కోసం సైన్ అప్ చేసుకోవాలి. ఈ విషయాన్ని ట్విట్టర్ తన అధికారిక హ్యాండిల్ ద్వారా తెలియజేసింది.
నవంబర్ 2022లోనే, కంపెనీ ‘రాబోయే నెలల్లో’ బ్లూటిక్ను తొలగిస్తుందని CEO ఎలాన్ మస్క్ హెచ్చరించారు. Twitter బ్లూ సబ్స్క్రిప్షన్ ఇప్పుడు ప్రపంచవ్యాప్తంగా ఉన్న వినియోగదారులకు అందుబాటులో వచ్చేసింది. దీని కింద బ్లూ టిక్ సబ్స్క్రైబర్లు 4,000 అక్షరాల ట్వీట్లను పోస్ట్ చేయగలరు. అదే సమయంలో, మీరు తక్కువ ప్రకటనలతో పూర్తి HD రిజల్యూషన్లో గరిష్టంగా 60 నిమిషాల వీడియోలను అప్లోడ్ చేయగలరు. అలాగే, సాధారణ వినియోగదారులతో పోలిస్తే ట్విటర్లో సబ్స్క్రైబర్ల నుండి వచ్చే ట్వీట్లు మొదటగా కనిపిస్తాయి. బ్లూ టిక్ సబ్స్క్రిప్షన్ ఈ సంవత్సరం ఫిబ్రవరిలో భారతదేశంలో ప్రారంభించబడింది, నెలవారీ వెబ్సైట్కు రూ. 650 చెల్లించాలి. ఆండ్రాయిడ్, iOS వినియోగదారులందరికీ రూ. 900. ఇది కాకుండా, కంపెనీ వార్షిక ధర రూ.6,800 ప్లాన్ను కూడా అందిస్తోంది.
ప్రక్రియ ఏమిటి:
ఎలాన్ మస్క్ ఇటీవల బ్లూ టిక్ మెంబర్షిప్ గురించి లింక్ను షేర్ చేస్తూ ట్వీట్ చేశారు. మొబైల్ పరికరంలో ఇప్పుడు సభ్యత్వం పొందడానికి, Twitter బ్లూ తర్వాత ప్రొఫైల్ మెనుకి వెళ్లి, “సబ్స్క్రైబ్ చేయండి” అనే నొక్కండి. ట్విట్టర్ వెబ్సైట్లో, మీరు “Twitter బ్లూ” తర్వాత “మరిన్ని” విభాగానికి వెళ్లండి. చివరగా, “సబ్స్క్రయిబ్” పై క్లిక్ చేసి, నగదు చెల్లింపు చేయండి.
మరిన్ని టెక్నాలజీ వార్తల కోసం ఇక్కడ క్లిక్ చేయండి..