కోచ్ ఎంపిక మరింత ఆలస్యం..?

టీమిండియా కోచ్‌కు దరఖాస్తుల స్వీకరణ ముగిసింది. ఈ నెల 13న గానీ, 14న గానీ ఇంటర్వ్యూలో నిర్వహించే అవకాశం ఉందని.. ఆ తరువాతే కోచ్ ఎంపిక జరగనుందని ఇన్ని రోజులు వార్తలు వచ్చాయి. అయితే తాజా సమాచారం ప్రకారం కోచ్ నియామకం ఇప్పుడిప్పుడే జరిగేలా లేదు. కొత్తగా ఎన్నికైన క్రికెట్ సలహా కమిటీ దీని మీద పెద్దగా ఆసక్తిని చూపడం లేదని కమిటీకి చెందిన ఓ వ్యక్తి చెప్పుకొచ్చారు.

కొత్తగా ఎన్నికైన క్రికెట్ సలహా కమిటీ ఈ విషయం గురించి ఇంకా ఏం అనుకోలేదు. అందుకే కోచ్ నియామకం మరింత ఆలస్యం కావొచ్చు. దీనిపై త్వరలోనే స్పష్టత వచ్చే అవకాశం ఉంది. ఈ పదవిపై మాజీ క్రికెటర్లందరూ ఆసక్తిని చూపుతున్నారు. ఇప్పటికే కొందరు కామెంటేటర్లు, కోచ్‌లుగా లేదా అకాడమీని నడుపుతున్న వాళ్లే. ప్రస్తుతమున్న పరిస్థితుల్లో కోచ్ పదవికి ఎలాంటి ప్రత్యామ్నాయం కనిపించడం లేదు అని చెప్పారు.

కాగా వరల్డ్ కప్ ముగిసిన సమయంలో కోచ్‌గా ఉన్న రవిశాస్త్రి గడువు కూడా పూర్తైంది. అయితే వెస్టిండీస్ పర్యటన నేపథ్యంలో ఆయన పదవీకాలాన్ని మరో 45రోజుల పాటు పొడిగించిన విషయం తెలిసిందే. అంతేకాదు కోచ్‌గా ఆయన కొనసాగే అవకాశాలు ఉన్నాయని కూడా వార్తలు వినిపిస్తున్నాయి.