IND vs ZIM 2022: సచిన్ రికార్డ్ను సమం చేసిన జింబాబ్వే ప్లేయర్.. ఛేజింగ్లో సరికొత్త చరిత్ర.. అదేంటంటే?
Sikandar Raza: భారత్తో జరిగిన చివరి వన్డేలో జింబాబ్వేకు చెందిన సికందర్ రజా అద్భుత సెంచరీ ఆడాడు. 115 పరుగుల ఇన్నింగ్స్లో రజా 9 ఫోర్లు, 3 సిక్సర్లు బాదాడు.
Updated on: Aug 23, 2022 | 8:59 AM
Sikandar Raza Record: చివరి వన్డే మ్యాచ్లో ఆతిథ్య జింబాబ్వేను 13 పరుగుల తేడాతో ఓడించిన టీమిండియా 3-0తో సిరీస్ను కైవసం చేసుకుంది. తొలుత బ్యాటింగ్ చేసిన భారత జట్టు నిర్ణీత 50 ఓవర్లలో 8 వికెట్లకు 289 పరుగులు చేసింది. అదే సమయంలో జింబాబ్వే తరపున సికందర్ రజా అద్భుత సెంచరీ ఆడాడు. 115 పరుగుల సెంచరీలో సికందర్ రజా 9 ఫోర్లు, 3 సిక్సర్లు బాదాడు. దీంతో పాటు తన పేరిట ఓ ప్రత్యేక రికార్డును నెలకొల్పాడు. నెలరోజుల్లోనే పరుగులను ఛేదించి మూడు సెంచరీల మార్కును దాటేశాడు.
ఈ విషయంలో సచిన్ను సమం చేసిన సికిందర్ రజా..
జింబాబ్వే ఆటగాడు సికందర్ రజా ఆగస్ట్ 2022లో పరుగులను ఛేదించే క్రమంలో మూడుసార్లు సెంచరీ మార్కును దాటాడు. ఈ విషయంలో అతను భారత గ్రేట్ బ్యాట్స్మెన్ సచిన్ టెండూల్కర్ను సమం చేశాడు. మాస్టర్ బ్లాస్టర్ సచిన్ టెండూల్కర్ 1998లో పరుగుల వేటలో 3 సెంచరీలు సాధించాడు. ఇంతకు ముందు బంగ్లాదేశ్తో జరిగిన సిరీస్లోనూ సికందర్ రజా అద్భుత ఆటతీరును ప్రదర్శించడం గమనార్హం. బంగ్లాదేశ్తో వన్డే సిరీస్లో వరుసగా రెండు మ్యాచ్ల్లో సెంచరీ సాధించాడు.
సికందర్ రజా అద్భుత సెంచరీ..
భారత్ ఇచ్చిన లక్ష్యాన్ని ఛేదించిన జింబాబ్వే జట్టులో సికందర్ రజా పటిష్ట ఇన్నింగ్స్ ఆడాడు. సెంచరీ సాధించాడు. సికందర్ 95 బంతుల్లో 115 పరుగులు చేశాడు. సీన్ విలియమ్స్ 45 పరుగులు చేశాడు. 46 బంతుల్లో 7 ఫోర్లు బాదాడు. ఓపెనర్ ప్లేయర్ ఇన్నోసెంట్ కేవలం 6 పరుగులకే ఔటయ్యాడు. కాగా, కైటానో 13 పరుగులు చేశాడు. ర్యాన్ బర్లే కూడా పెద్దగా చేయలేకపోయాడు. 8 పరుగులు చేసి అవుటయ్యాడు.
