IND Vs PAK: పాక్ చేతిలో టీమిండియా ప్రపంచకప్ భవిష్యత్తు.. అలా జరిగితేనే సెమీఫైనల్‌లోకి
మహిళల టీ20 ప్రపంచకప్‌లో టీమిండియా సెమీఫైనల్స్‌కు చేరాలంటే.. పాకిస్తాన్ తప్పనిసరిగా తమ చివరి మ్యాచ్‌లో గెలిచి తీరాలి. శుక్రవారం దుబాయ్ వేదికగా జరిగిన మ్యాచ్‌లో ఆస్ట్రేలియాపై పాకిస్థాన్ ఘోర పరాజయాన్ని చవిచూసింది.
మహిళల టీ20 ప్రపంచకప్‌లో టీమిండియా సెమీఫైనల్స్‌కు చేరాలంటే.. పాకిస్తాన్ తప్పనిసరిగా తమ చివరి మ్యాచ్‌లో గెలిచి తీరాలి. శుక్రవారం దుబాయ్ వేదికగా జరిగిన మ్యాచ్‌లో ఆస్ట్రేలియాపై పాకిస్థాన్ ఘోర పరాజయాన్ని చవిచూసింది. ఈ ఓటమితో పాక్ జట్టు నెట్ రన్‌రేట్ దారుణంగా పడిపోయింది. ఇది కాస్తా టీమిండియాకు ప్లస్ పాయింట్ అయింది. సెమీఫైనల్ రేసులో భాగంగా పాకిస్థాన్ జట్టు ఆస్ట్రేలియాపై ఓడిపోయి.. ప్రస్తుతం నెట్ రన్‌రేట్ -0.488తో నిలిచింది. ఇక చివరి మ్యాచ్ గెలిచినా కూడా పాకిస్తాన్ సెమీఫైనల్ చేరడం కష్టమే.
కానీ టీమిండియా సెమీఫైనల్ చేరాలంటే.. చివరి మ్యాచ్‌లో పాకిస్తాన్ జట్టు గెలిచి తీరాల్సిందే. పాకిస్థాన్ జట్టు తమ చివరి మ్యాచ్‌ను న్యూజిలాండ్‌తో ఆడనుంది. న్యూజిలాండ్ జట్టుకు ఈ మ్యాచే కీలకం. ఎందుకంటే శ్రీలంకపై న్యూజిలాండ్ గెలిస్తే మొత్తం 4 పాయింట్లతో.. టీమిండియాను అధిగమించి పాయింట్ల పట్టికలో రెండో స్థానానికి వచ్చే ఛాన్స్‌లు మెండుగా కనిపిస్తున్నాయి.
ఇక భారత జట్టు తమ చివరి మ్యాచ్‌లో ఆస్ట్రేలియాపై భారీ విజయం సాధిస్తే, 6 పాయింట్లతో తిరిగి రెండో స్థానానికి చేరుకోవచ్చు. అయితే టీమిండియా సెమీఫైనల్ ఛాన్స్ ఖాయమని చెప్పలేం. ఎందుకంటే లీగ్ దశలో చివరి మ్యాచ్‌లో న్యూజిలాండ్, పాకిస్థాన్ జట్లు తలపడనున్నాయి. ఈ మ్యాచ్‌లో పాకిస్థాన్ గెలిస్తే టీమిండియా సెమీఫైనల్‌లోకి ప్రవేశించడం దాదాపు ఖాయం. లేదంటే ఇంటికి వెళ్లాల్సిందే. కాబట్టి భారత జట్టు సెమీఫైనల్ భవితవ్యం ఇప్పుడు పాకిస్థాన్ చేతిలో ఉందనడంలో అతిశయోక్తి లేదు.
టీమ్ ఇండియా సెమీ ఫైనల్ ఛాన్స్‌లు:
ఆస్ట్రేలియాపై టీమిండియా భారీ విజయం సాధించాలి. శ్రీలంక లేదా పాకిస్థాన్‌పై న్యూజిలాండ్ తప్పనిసరిగా ఓడిపోవాలి. తర్వాతి రెండు మ్యాచ్‌ల్లో న్యూజిలాండ్ గెలిచినా, భారత్ కంటే ఎక్కువ నెట్ రన్‌రేట్ సాధించలేదు.
రాబోయే మ్యాచ్‌ల షెడ్యూల్:
అక్టోబర్ 13: భారత్ vs ఆస్ట్రేలియా అక్టోబర్ 14: పాకిస్థాన్ vs న్యూజిలాండ్
మహిళల T20 ప్రపంచ కప్ గ్రూప్-A పాయింట్ల పట్టిక:
| జట్లు | మ్యాచ్‌లు | గెలుపు | ఓటమి | N/R | పాయింట్లు | నెట్ రన్‌రేట్ |
|---|---|---|---|---|---|---|
| ఆస్ట్రేలియా | 3 | 3 | 0 | 0 | 6 | +2.786 |
| భారత్ | 3 | 2 | 1 | 0 | 4 | +0.576 |
| న్యూజిలాండ్ | 2 | 1 | 1 | 0 | 2 | -0.050 |
| పాకిస్తాన్ | 3 | 1 | 2 | 0 | 2 | -0.488 |
| శ్రీలంక | 3 | 0 | 3 | 0 | 0 | -2.564 |
ఇది చదవండి: టీ20లకే మొనగాడురా.! 12 ఫోర్లు, 5 సిక్సర్లతో కావ్యపాప ప్లేయర్ ఊచకోత
మరిన్ని క్రికెట్ వార్తల కోసం ఇక్కడ క్లిక్ చేయండి..
