T20 World Cup: ఇలా బాల్ వేస్తే అలా ఔటవుతాడు.. యువ స్పిన్నర్కు విరాట్ కోహ్లీ సూచనలు.. వెంటనే వికెట్ తీసిన బౌలర్..
భారత్, ఆస్ట్రేలియా వార్మప్ మ్యాచ్ జరుగుతున్నప్పుడు ఓ సీన్ అందరిని ఆకర్షించింది. ఈ సీన్లో భారత కెప్టెన్ విరాట్ కోహ్లీ ఓ యువ స్పిన్నర్కు కొన్ని సూచనలు చేశాడు. ఈ సూచనలు పాటించిన బౌలర్ వికెట్ తీశాడు....
Updated on: Oct 21, 2021 | 3:56 PM
భారత్, ఆస్ట్రేలియా వార్మప్ మ్యాచ్ జరుగుతున్నప్పుడు ఓ సీన్ అందరిని ఆకర్షించింది. ఈ సీన్లో భారత కెప్టెన్ విరాట్ కోహ్లీ ఓ యువ స్పిన్నర్కు కొన్ని సూచనలు చేశాడు. ఈ సూచనలు పాటించిన బౌలర్ వికెట్ తీశాడు. ఇంతకీ ఆ బౌలర్ ఎవరు.. ఔటైన బ్యాట్స్మెన్ ఎవరో చూద్దాం పదండి.
బుధవారం భారత్, ఆస్ట్రేలియా వార్మప్ మ్యాచ్లో తొలుత కంగారులు బ్యాటింగ్ చేశారు. అరంభంలో ఆసీస్ ఆటగాళ్లను భారత బౌలర్లు కట్టడి చేశారు. డెవిడ్ వార్నర్, అరోన్ ఫించ్, మిచెల్ మార్ష్ను తక్కువ స్కోర్లకే ఔట్ చేశారు. కానీ ఆ తర్వాత వచ్చిన గ్లెన్ మాక్స్వెల్, స్టీవ్ స్మిత్ వికెట్ పడకుండా ఆడారు. గ్లెన్ మాక్స్వెల్ ధాటిగా ఆడటం మొదలు పెట్టాడు. దీంతో అతడి ఎలా ఔట్ చేయాలో బౌలర్లకు తెలియడం లేదు. ఈ మ్యాచ్లో విశ్రాంతి తీసుకున్న కోహ్లీ ఫీల్డింగ్కు వచ్చాడు.
12 వ ఓవర్లో మాక్స్వెల్ స్పిన్నర్ రాహుల్ చాహర్కు అద్భుతమైన బౌండరీతో స్వాగతం పలికారు. ఆ తర్వాత, కోహ్లీ చాహర్కు సూచన చేశాడు. రాయల్ ఛాలెంజర్స్ బెంగళూరు (RCB) సహచరుడు గ్లెన్ మాక్స్వెల్ వికెట్ ఎలా తీయాలో స్పిన్నర్ రాహుల్ చాహర్కు వివరించాడు. కోహ్లీ సలహా విన్న రాహుల్ వరుసగా మూడు డాట్ బాల్స్ వేశాడు. చివరకు మాక్స్వెల్ను ఔట్ చేశాడు. ఈ ఘటన అందరిని ఆకర్షించింది. ఈ మ్యాచ్లో మ్యాక్స్వెల్ 37 పరుగులు చేశాడు. ఈ వార్మప్ మ్యాచ్కి రోహిత్ శర్మ కెప్టెన్గా వ్యవహరించాడు.
ఈ మ్యాచ్లో ఆస్ట్రేలియా 152 పరుగులు చేసింది. లక్ష్య చేధనకు బ్యాటింగ్ దిగిన భారత ఆటగాళ్లు కెఎల్ రాహుల్, రోహిత్ శర్మ శుభారంభం చేశారు. మొదటి ఆరు ఓవర్లలో 42 పరుగులు చేశారు. ఇద్దరూ కలిసి 68 పరుగులు చేశారు. 10 వ ఓవర్లో అష్టన్ అగర్ బౌలింగ్ లో కెఎల్ రాహుల్ (39) డేవిడ్ వార్నర్ చేతికి చిక్కారు. తర్వాత రోహిత్, సూర్యకుమార్ యాదవ్ ఇన్నింగ్స్ను ముందుకు నడిపారు. రోహిత్ 60 పరుగులు చేసి రిటైర్ హర్ట్గా వెనుదిరిగాడు. సూర్యకుమార్, హార్దిక్ పాండ్యా కలిసి వికెట్ పడకుండా 153 పరుగుల లక్ష్యాన్ని సాధించారు.
View this post on Instagram
